Nascimento

Mbasi yisamuna mbutukulu yi Yesu

18 Tala phila yibutukila Yesu Klisto : Maliya ngudi andi ; niandi wuba nketo wuzolo kuelo kuidi Zozefi. Buna katudidi ko va nzo dikuela Maliya wubaka buemba vayi mu Pheve Yinlongo kabakila buemba beni. 19 Zozefi, bakala diodi dizola kuela Maliya, wuba mutu wusonga, wumanga kuandi kumfuisa tsoni va meso ma batu ; wubaka lukanu lu kumbotula mu kitsueki.

20 Bu kaba ku tsi mayindu mu diambu di mambu beni ; buna mbasi yi Pfumu yimmonikina mu ndozi, yinkamba :

—A Zozefi, muana Davidi ! Bika mona boma mu kuela nketo aku Maliya bila buemba buidi yandi mu Pheve Yinlongo kabakidi buawu. 21 Wela buta muana wubakala, dizina wela kumbieka Yesu : bila niandi wela kula batu bandi mu masumu mawu.

22 Mambu moso mama mavangama mu diambu di dedikisa mambu makamba Pfumu kuidi mbikudi ti :

23 Luwa, ndumba yikambu zaba bakala yela ba mu buemba,

yela buta muana wubakala, dizina bela kuntedilanga

Emanueli, bu dinsundula : "Nzambi widi yeto !"

24 Zozefi bu kakotuka, wuvanga mambu moso mbasi yi Pfumu kantuma ayi wubonga Maliya mu ba nketo andi. 25 Vayi Zozefi kasia zaba nitu yi nketo andi Maliya ko nate kabuta muana wubakala, ayi wumvana dizina Yesu.

Tsamununu yi mbutukulu yi Yesu

26 Mu ngondi yi nsambanu, Nzambi wufidisa mbasi Ngabi ku divula dimosi didi mu Ngalili. Dizina di divula beni Nazaleti, 27 kuidi muana ndumba wumosi wuwizana makuela ayi bakala dimosi, diba mu nkuna Davidi. Dizina di bakala beni Zefu ayi dizina di muana ndumba Maliya.

30 Buna mbasi yinkamba :

—Bika mona tsisi Maliya bila Nzambi wumueni kiadi. 31 Tala : wela ba mu buemba ayi wela buta muana wu bakala ; wela kuntedilanga Yesu. 32 Wela ba wunneni. Wela tedudulungu "Nzambi yizangama" ayi Pfumu Nzambi wela kumvana kundu ki kipfumu ki nkulu andi Davidi. 33 Wela biadilanga, mu zithangu zioso, batu batotukila mu Yakobi ayilubialu luandi lulendi suka ko.

34 Maliya wukamba Mbasi :

—A buevi mela vangimina bila ndisi zaba nitu yi bakala ko ?

35 Mbasi yimvutudila :

—Pheve Yinlongo yela kuluka mu ngeyo ayi kitsusula ki lulendo lu Nzambi wuzangama kiela kufukidila. Diawu wunlongo wela butuka, wela tedudulungu Muana wu Nzambi.

13 Ngeyo wuvanga binama biama bi khati nitu ;

ngeyo wuthunga va kimosi mu vumu ki ngudi ama.

14 Ndikuzitisa bila ndidi vangu ki tsisi ayi kitsiminanga ;

mavanga maku madi matsiminanga ayi nzebi buawu bumboti.

15 Khubukulu ama yi mimvesi yisia suama va ntualꞌaku ko

mu thangu ndikubuku mu buangu kisuama ;

mu thangu ndivangu va kimosi ku tsina ntoto.

16 Meso maku mamona nitu ama yikambu kubuku.

Bilumbu bioso biobi wukhubikila biba bisonama mu bukuꞌaku,

tuamina lumbu kimosi mu biawu kiba.

9 Vayi, ngeyo wuthotula mu vumu ;

wuvanga ti nditula diana diama mu ngeyo

banga va thulu yi ngudi ama.

10 Tona ndibutuka ndiyekulu kuidi ngeyo tona mu vumu ki ngudi ama.

Tona mu vumu ki ngudi ama,

ngeyo wuba Nzambi ama.

6 Tona ndibutuka, mu ngeyo ndieti singimina ;

ngeyo wuthotula tona mu vumu ki ngudi ama ;

Ngeyo ndiela zitisanga mu zithangu zioso.

14 Vayi Yesu wuba kamba :

—Lubika bana balezi biza kuidi minu ; kadi kuba kandika bila kipfumu ki Diyilu kidi ki bobo baba dedikini.

4 Diawu woso mutu wowo wukukikulula banga muana wawu, buna niandi lutidi munneni mu Kipfumu ki Diyilu. 5 Ayi woso mutu wowo wunyakulu muana lezi wuphila yayi mu dizina diama, minu kuandi kayakudi.

16 Vana vawu wubonga bana ba lezi, wuba tetika mioko ayi wuba sakumuna.

3 Bana badi kiuka kimbanga kuidi Yave,

bosi mbutu wu bana widi mfutu wumbanga kuidi niandi.

4 Bila ngeyo wumbonisa khini mu mavanga maku, a Yave.

Ndiela yimbila mu khini

mu diambu di mavanga ma mioko miaku.

3 Yesu wumvutudila :

—Bukiedika ndikukamba, enati mutu kakadi butuka mbutuka yimonabuna kalendi ko mona kipfumu ki Nzambi !

21 Nketo bu keti buta wumonanga ziphasi bila thanguꞌandi yifueni. Vayi bu kabutidi, buna wunzimbakananga ziphasi ziandi mu diambu di khini yoyo kammonanga mu mona ti mutu butukidi mu nza.

9 Woso mutu wubutu kuidi Nzambi kavolanga masumu ko bila mambu ma Nzambi madi mu niandi ; ayi kalendi vola masumu ko bila Nzambi wumbuta.