Nascimento
O nascimento é obra das mãos de Deus. Cada criança é formada por Ele no ventre materno com propósito e amor. A Bíblia celebra a vida desde a concepção até a eternidade.
O nascimento de Jesus
O maior nascimento da história mudou o curso da humanidade. Jesus nasceu de uma virgem pelo poder do Espírito Santo, conforme as profecias.
Ítara liña ligaburi lágurahoun Hesukrístu: María to lúguchu, gadaradunñoun luma Hosé lun tamarieidun luma; lubaragiñeti lagamaridunu, aba tadariragun tungua lau dageinañoun lan lau lubafu Sífiri Sandu. Kei aban lubéi wügüri gudemehabuti Hosé, máhati lasubudirúniwa le asuseredubei tun Maria; busenrügüti lígirunu, míchugunga tidurun. Dan le anihán lubéi aritagua luagu katei le, ligía larufudagun aban lani Wabureme Bungiu ánheli lungua lun lidan luénedü, aba lariñagun lun: «Hosé, ladügawagun Dawidi, manufudedabá lun beresibirunu María keisi búmari, ladüga irahü le lunbei tagaraüdüni, lúmagiñe Sífiri Sandu liabin. Tagaraüdüba aban irahü, ábame bíchuguni liri Hesusu. Ítara luba liri ladüga lasalbarubaña lan lumutuniña lídangiñe hafigoun».
Lasuseredunbei sun katei le lun lagunfulirun dimurei le lariñagubei Wabureme Bungiu liyumulugugiñe profeta:
«Tadageinaduba aban nibureintu to gañüngiru, ábame tagaraüdün aban irahü; Emanuéli, ligíaba liri».
(Mini lan iri ligía, «Bungiu wama»).
Dan le lagagudunbei Hosé lídangiñe uénedü ligía, aba ladügüni le lubeibei ánheli ligía lun, aba leresibirunu María keisi lúmari, magamaridúngaloun darí tágurahani furumiñeti tiráü; aba líchugun Hesusu luagu.
Líchugubati Wabureme guánarügü aban seini hun:
Tadageinaduba aban würi nibureingiru,
ábame tagaraüdün aban wügüri irahü,
ábame tíchugun Emanuéli luagu.
Sisi hati lárigiñe, aba lóunahani Bungiu ánheli Gabüriéli lidoun aban luburugute Galiléa, gíriti Nasarétü, lun lidin bisidoun aban nibureingiru to láugiru tiñǘn, gíritu María. Würi tuguya, gadaradunñoun luma aban wügüri gíriti Hosé lun tamarieidun luma; ladügawagun urúei Dawidi wügüri ligía.
Ábati lariñagun ánheli ligía tun:
—Manufudedabá María, fulesei láadibu Bungiu; badageinadá, ábame bagaraüdün aban irahü, ábame bíchugun Hesusu luagu. Wéirigubei, Liráü Bungiu le íñubei luba laguarúniwa, ani larúeigüdübei Wabureme Bungiu lidan lubara larúeihan Dawidi, le lagücha. Lagumadirubei Ísüraeli lun sun dan, ani magumuchadibei larúeihan.
Ábati tariñagun María lun ánheli ligía:
—Ida lubagia lasuseredun katei le, mámarigidinagu?
Aba lariñagun ánheli ligía tun:
—Liábinba Sífiri Sandu buagun, ábame lóuburagunibu lubafu Bungiu le Íñugutimabei. Ligía sándubei lubéi irahü le lunbei bagaraüdüni, Liráü Bungiu luba laguarún.
Formados desde o ventre
Deus nos teceu no ventre de nossa mãe. Antes de nascermos, Ele já nos conhecia e nos separou para um propósito sagrado.
Buguya adügübalin sun núgubu;
buguya adügübalina turageirugu núguchu.
Alawaha numutibu, ladüga wéiritu nanigi,
ladüga wéiriguti katei le badügübei.
Chouru numuti lira!
Maramudagunti lafaragadagun núgubu buéi
sun meha nadügǘnbei aramudaguarügü,
sun meha nadügǘnbei lidan lilulin-agei múa.
Ariha lumuti bagu ladügǘn núgubu;
bürüwañu liña meha sun le tidan biliburun.
Arufuda baali meha átiribei lan dan nabagaridun
dan meha le miábingubeigidina ubouagun.
«Lubaragiñebei bágurahouniwa,
lídanbei turageirugugidibu búguchu, anúadira náadibu
ani direi numutibu lun profetabadibu lan houn néchanigu».
Ani ítara liñati:
Furigüda bumutina turageirugugiñe núguchu,
emeraaguagüda bumutina taniguagu.
Lubaragiñebei nágurahoun,
rúatina lábugiñoun baríaahan;
lúmagiñe turageirugugiñe núguchu,
buguya Nubungiutebei.
Lúmagiñe meha turageirugugidina núguchu nabalachun buagun;
adügatibu lun nágurahouniwa!
Neremuhaba bun súnwandan!
Gama lumoun Rédeiti funagia tínsiñehabu aban
úguchuru houn tirahüñü odi bulíei tumutiña?
Íbini hamuga tabulieiduniña,
au, mabulieidun nubadibu.
Ida luba hamugagia nararamuni águrahani,
ani au águrahagüdübei?»
Aburemei le Bubungiute ariñagubalin.
Crianças — bênção e promessa
Jesus acolheu as crianças e disse: delas é o Reino dos céus. Os filhos são herança do Senhor e motivo de alegria para os pais.
Aba lariñagun Hesusu houn:
—Ígira humá lun hayabin irahüñü nun, mamahara humá, ladüga ha harumabaña afiñe kei irahüñü, hagía lílanabaña arúeihani le siélubei.
Ítara liña lubeiti, le ñǘraüti lanaagun lungua, ñübuin ligía lun ítarabei lan kei aban irahü, ligía wéirigutimabei lidan arúeihani le siélubei. Gürigia giñe le eresibiruti aban irahü lidan niri resibi lumutina giñe.
Aba lanügüniña larünarugu, aba labiniruniña lau líchuguni lúhabu hawagu.
Wasaanigu ha wágurahabaña,
aban abiniruni rísiti hagía lun Aburemei.
Namuriahaña meha luma Wabungiute lun líchuguni irahü le nun, ani ru laali nun.
Nabureme,
gúndaaguagüda báadina lau burí katei le badügübei!
Buíngüda lumutina burí katei ligía lau ugundani.
Nascer de novo
Jesus ensinou que é preciso nascer de novo para ver o Reino de Deus. O novo nascimento é espiritual — pelo Espírito e pela Palavra.
Aba lariñagun Hesusu lun:
—Ninarün bau luagu le lan mágurahounwayati, siñati lebelurun lidoun larúeihan Bungiu.
Dan le táguraha lan aban würi, súfuritu ladüga chülüha lan tóurate; lárigiñe lágurahoun irahü, maritagunhaaru luagun gáriti, ladüga ugundani le tasandirubei luagu águrahaaru lan aban irahü ubouagu.
Úati ni aban le liráü Bungiu asigiruti lidan figóu, lugundun anihein ibagari le líchugubei Bungiu lun lidan; siñati lasigirun lidan figóu lugundun liráü lan Bungiu.
Heremuha lidan liri.
Hadimureha luagu burí luéinamun
katei le ladügübei!