Nascimento

Jesus Kristus nni gargeleg

18 Ba’aray rogon nni gargeleg Jesus Kristus. I Maria ni chitiningin Jesus e nduwgiliy ni ngi i par ma yow ra mabgol Josef ba ngiyal’, machane dawor ra mabgolgow me pir’eg Maria rok nike diyen u gelngin fare Kan Nthothup. 19 Me Josef ni ir e nge mang figirngin e be’ ni gubin ngiyal’ mma rin’ e tin nib mat’aw; ere dabun ni nge kirebnag thin Maria nga fithik’ e girdi’, ma aram me finey ni ngar weargow ni dabi nang be’. 20 Ma nap’an ni ka be leamnag ni aram rogon, me mol me m’ug ba engel rok Somol ngak u malik’ay me ga’ar ngak, "Josef, ni gur owchen e ganong rok David, dab mu tamdag ni ngam fek Maria nge mang le’engim. Ya gelngin fare Kan Nthothup e ke yib ngak Maria ke diyen. 21 Ya bayi gargeleg bochi pagel ma ngam tunguy fithingan ni Jesus — ya bayi ayuweg girdi’en nge chuwegrad ko denen ni yad be ngongliy nge thapegrad ngak Got."

22 Urngin e pin’ey ni yodoroy ni fan e nge yib i m’ug nib riyul’ e tin ni yog Somol u l’ugun e profet ni ga’ar, 23 "Fare pin ndawori nang e pumo’on e bayi diyen nge gargeleg bochi pagel, ma bay ni pining Immanuel ngak" (ni fan e re ngachal nem e, "Bay Got rodad").

24 Ma fa’ani od Josef me rin’ fa tin keyog fare engel rok Somol ngak ni nge rin’, ma aram me leengiy Maria. 25 Machane me falnag Josef ir rok Maria nge yan i mada’ ko ngiyal’ ni gargeleg Maria fare tir riy. Me tunguy Josef ngachalen fare tir ni Jesus.

14 I SOMOL e bayi pi’ ba pow ngomed. Be’ ni bpin ni ka ba rugod* nike diyen. Bayi gargel ni bochi pagel ma bayi tunguy fithingan ni Immanuel.*✝

I Jesus nnib nog ni bay ni gargeleg

26 Ma nga nel’ e pul Elisabeth ko diyen me l’oeg Got fare engel i Gabriel nga bbinaw ni bay u lan yu Galile, ni Nazareth fithingan. 27 Ni bay bbugithin ni nge yog ngak be’ ni bpin ni kanog ni ngar mabgolgow be’ nib mo’on ni Josef fithingan, ni ir reb i owchen David ni pilung, ni Maria fithingan e re pin nem.

30 Me ga’ar fare engel ngak, "Maria, dab mu tamdag, ya Got e kari tow’ath nigem. 31 Bay mu diyen ngam gargelnag bochi pagel, ma ngam tunguy fithingan ni Jesus. 32 Ma bayi mang be’ nib tolang ma bay nog ni ir Fak Got ni Th’abi Tolang. Mi Somol ni ir Got e bayi pilungnag; ni bod rogon David ni ir e ga’ rok, 33 ma bayi mang pilung rok e pi’in owchen Jakob ndariy n’umngin nap’an; ma gagiyeg ni nge tay e dariy n’umngin nap’an ma dabi math bi’id!"

34 Me ga’ar Maria ngak fare engel, "Dawor gu nang e pumo’on. Ere ra di’in me yodor?" 35 Me fulweg fare engel ngak ni ga’ar, "Fare Kan Nthothup e bayyib ngom, me yib i par gelngin Got ngom. Ireray fan nre tir nem nib thothup e bay ni pining ni Fak Got.

13 Gubin yang rog ni gur e msunumiy;

i gur e mu chamiyeg u yal rok e chitinag.

14 Gu be pining e sorok ngom, ya gur e ngan rus ngom;

urngin e tin ga ma rin’ e dabiyag ni nge tamilangan’uy riy, ma rib fel’.

Gu manang u lan ngorongoreg ni polo’.

15 Um guy e yil rog ni be sum,

nge rogon ni un chamey ni bfel’ rogon u yal rok e chitinag

nnap’an ni gu be ilal u rom ndariy be’ ni be guyeg.

ma gur e gamanang ni gu bay u rom —

16 dawor ni gargelegeg ma ga be guyeg.

Pi rran ni kam sunumiy ni fan ngog

e gubin ni go’ bay u lan e birom e babyor

u m’on ndawori tabab reb e pi rran nem.

5 "Gu mel’egem u m’on ndawor mu sum nga mayal, mu m’on ni ngan gargelegem mu gu duwgiliy ni ngam mang profet ngak e pi nam."

9 I gur e mu gagiyegnag ni nga ni gargel nigeg ni bfel’ rogog,

ma nap’an ni ku gub ran ma ga yoror rog nde buch ban’en rog.

10 Kug par ni gu be toer ngom ni ka nap’an e ngiyal’ nni gargel nigeg riy;

ma ka aram nap’an i yib ni ga be par ni gur e Got rog.

6 Kug gif ngom u n’umngin e yafos rog;

ka nap’an e nni gargelegeg ni gur e um yoror rog.

Bay gu pining e sorok ngom ni gubin ngiyal’.

15 Me fulweg SOMOL ni ga’ar,

"Gur rayag rok be’ ni bpin ni nge pag talin fak ni kabran

ma dabi t’uf rok e re tir nem ni ir e gargeleg?

Gomang e ra pag be’ ni bpin talin fak,

machane gag e dab gu pag talimed.

9 Dab mu leamnag ni bay gu fek e girdi’ rog i yib nge taw ko ngil’an e gargel ma dab gu pag ngan gargelegrad." I SOMOL e be non.

14 Me ga’ar Jesus, "Mpaged e pi bitir nir ngarbad ngog, dab mu taleged yad, ya gagiyeg nu tharmiy e fan ngak e pi’in bod e pi bitir ney."

4 En nra yan i par ni ir e th’abi tolang ko gagiyeg nu tharmiy e en nra sobut’nag ir nge bod e chi tir ney. 5 Ma en nra ayuweg reb e bitir ni bod e biney ni bochag e ke ayuwegneg.

16 Me kunuy Jesus fapi bitir ngak me tay pa’ nga dakenrad, ni aram e ke yibilayrad.

3 Bitir e ba tow’ath nma pi’ SOMOL;

yad e bin riyul’ e tow’ath.

27 Gu wenig ngak ni nge pi’ e re tir ney ngog, me pi’ ngog e n’en gu wenignag ngak.

4 A SOMOL pi maruwel rom nib thum’ ngaru’ e gu ba felan’ ngay;

ma bochan e n’en ni ka mu rin’, mu gu tangnag e felfelan’.

3 Me fulweg Jesus ni ga’ar, "Nggog e tin riyul’ ngom: ndariy be’ nrayag ni nge guy e gin nsuwon Got ni fa’anra dab ni gargelnag bayay."

21 Ra be n’en ni nge gargelnag be’ ni bpin reb e bitir me yib magaren ngak, ni bochan e re awa ni nge gafgow riy e ke taw, machane nap’an nra gargeleg fare tir me pag talin e gafgow nike tay, ya ke felfelan’ nike gargeleg reb e bitir nga fayleng.

9 En kemang fak Got e dakir denen i yan, ya ke yib rarogon Got ngak; ma bochan i Got e kemang Chitamngin, ma aram fan ndabkiyag ni nge denen i yan.

9 Ngan tangnag e sorok ngak SOMOL;

min weliy feni fel’ e pin’en ke rin’.