10 Bale, trawaya nə̂ Ndjapä nə pâ kə əndje ə pa: «E kätə̂ awa gâ ye; mbrə ə̂në mə sə də ə̂rɔ̂ əpʉ ndə kə pa kə e, ə̂në tshelə azü nɔ̂ ə sə də âgbɔ̂ ə̂rû tə̂ nə je kɔ.

11 Kpəsəye, əndje zû Awoshe azü kə e, lə gala nə̂ Davidə, ətshə ə̂në tshə sə tə Kristə, Âgbɔ̂ Əyïngerə kɔ.

4 Jozafu ndje âfɔ lə gala Nazaratə mâ Galile ndə kə na mâ lə ashɔ Jude, mâ Beteləyamə, lə gala nə̂ âgbɔ̂ əyïngerə Davidə; mbrə ə̂në Davidə nə sə̂ tə ätä Jozafu nə. 5 Jozafu nə gâ ndə əwɔ nə də Marə̂ ə̂në tshə sə̂ də əndu əgblə koshe kɔ, nâ na ye ndə kə pa əndje ta əɨrɨ əndje gâ lə fraka.

6 Ə̂në əndje sə̂ mâ Beteləyamə nə kɔ, alɔ kə zu Marə̂ lî. 7 Tshə zû angbʉlî əgblə nə̂ ye tə koshe. Tshə wôle ətshə də ləba ə zâ ətshə sho gâ tʉ gâ lə gbarə kə zɨ rəgo nə̂ aagia. Mbrə ə̂në ə̈bə̈ ətshe mbrə əndje lə anda əlo alayïana gûta gû ne.

20 Ə̂në tshə sə pə kə tegbɔ kumu ye gâ pâ nə kɔ, ə̈bə̈ trawaya nə̂ Əyïlingû bʉ̂ gâ tə̂ ye lə ə̈lü ə pa: «Jozafu, ätä Davidə, awa ndə kə pa bə za əwɔ zə də Marə̂ ma əbə ma ne. Mbrə ə̂në əgblə nə ə̂në tshə zâ əndu ye kɔ nâ tə̂ äwä Âgbɔ̂ Yîrə̂.

21 Tshə sə kə zu əgblə koshe, bə sə kə dji əɨrɨ ye Jezu*, mbrə ə̂në ətshə kə sə kə tshɔ azü əgɔ nə̂ ye lə anyaka nə̂ əndje.»

22 Aərə sə̂ nɔ̂ wûtu ndə kə pa əpʉ ə̂në Əyïlingû pâ tə̂ äwä awopandəma Ndjapä kɔ, ndəma nə mbrə. Tshə pâ:

23 «Wü! Amvera ə̂në tshə wusə̂ akoshe wu ne sə kə za əndu ə zu əgblə koshe.

Əndje sə kə dji əɨrɨ ye Emanuwalə,

âdâ nə kə də̂: "Ndjapä sə lə takpa tə̂ əzə̂".»*

14 «A mbë Ndjapä ə̂në tshə sə mâ ngâ lafɔ kɔ, â blatshe sə̈ pâ ashɔ lə ə̂grû tə̂ azü ə̂në Ndjapä yində əndje kɔ.»Atrawaya nə̂ Ndjapä mâ tə̂ əndje kə aawobata andalimi

20 Aawobata andalimi nə dô tə̂ əndje ə gû na ye. Əndje mbê Ndjapä ə tɔ̂lɔ ətshə mbrə əpʉ ə̂në əndje djî də ərə ə̂në əndje wû ə lï də əpʉ nə ə̂në trawaya nə̂ Ndjapä nə pâ kə əndje kɔ.