Nem só de pão vive o homem

4 यीशु नै जवाब दिया: "पवित्र ग्रन्थ म्ह लिख्या सै,

‘माणस सिर्फ रोट्टी तै ए न्ही, पर परमेसवर के हरेक वचन तै जो उसनै मान्‍नै सै, जिन्दा रह्वैगा।’"

3 फेर शैतान नै उसतै कह्या, "जै तू परमेसवर का बेट्टा सै, तो साबित करदे, अर इस पत्थर तै कह, के रोट्टी बण जावै, ताके तू इननै खा सकै।"

4 यीशु नै उस ताहीं जवाब दिया, "पवित्र ग्रन्थ म्ह लिख्या सै: ‘माणस सिर्फ रोट्टी तै जिन्दा कोनी रहन्दा।’"

3 उसनै तेरै ताहीं नम्र बणाया, अर भूक्खा भी होण दिया, फेर वो मन्‍ना, जिस ताहीं ना तू अर ना तेरे पूर्वज भी जाणै थे, वोए तेरै ताहीं खुवाया; इस करकै के वो तन्‍नै सिखावै के माणस सिर्फ रोट्टी तै ए न्ही जिन्दा रहन्दा, पर जो-जो वचन यहोवा कै मुँह तै लिकड़ै सैं उनतै ए वो जिन्दा रहवै सै।

35 यीशु नै उनतै कह्या, "जीवन की रोट्टी मै सूं: जो मेरै धोरै आवैगा, वो कदे भूक्खा कोनी रहवैगा, अर जो कोए मेरै पै बिश्वास करैगा, वो कदे तिसाया कोनी होवैगा।

48 जीवन की रोट्टी मै सूं।

51 जीवन की रोट्टी जो सुर्ग तै उतरी सै, मै सूं। जै कोए इस रोट्टी म्ह तै खावै, तो सारी हाण जिन्दा रहवैगा, अर जो रोट्टी मै दुनिया कै जीवन खात्तर दियुँगा, वो मेरा माँस सै।

57 जिसा जिन्दे पिता नै मेरैताहीं भेज्या सै, अर मै पिता कै कारण जिन्दा सूं, उस्से ढाळ वो भी जो मन्‍नै खावैगा मेरै कारण जिन्दा रहवैगा। 58 जो रोट्टी सुर्ग तै उतरी सै याए सै, उस रोट्टी बरगी कोनी जो पूर्वजां नै खाई अर मरगे, जो कोए या रोट्टी खावैगा, वो सदा ताहीं जिन्दा रहवैगा।"

25 "इस करकै मै थमनै कहूँ सूं के अपणे जीवन के खात्तर या चिंता ना करियो के हम के खावांगें अर के पीवागें, अर ना अपणी देह के खात्तर के पैहरागें। के जीवन खाणे तै, के देह लत्यां तै बढ़कै कोन्या?

29 अर थम इस बात की टोह् म्ह ना रहो के, के खावांगें अर के पीवागें, अर शक ना करो। 30 क्यूँके परमेसवर ताहीं ना जाणण आळे लोग, इन सारी चिज्जां की टोह् म्ह रहवै सै: पर थारा सुर्गीय पिता जाणै सै, के थमनै इन चिज्जां की जरूरत सै। 31 पर परमेसवर कै राज्य की खोज करो तो ये चीज भी थमनै मिल ज्यागीं।"

31 इस बिचाळै उसके चेल्यां नै यीशु तै या बिनती करी, "हे गुरु, किमे खा ले।"

32 पर उसनै उन ताहीं कह्या, "मेरै धोरै खाण खात्तर इसा खाणा सै जिसनै थम कोनी जाणदे।" 33 फेर चेल्यां नै आप्पस म्ह कह्या, "के कोए उसकै खात्तर खाणा लेकै आया सै?"

34 यीशु नै उनतै कह्या, "मेरा खाणा यो सै के अपणे भेजण आळे की मर्जी कै मुताबिक चाल्‍लूँ अर उसके काम नै पूरा करुँ जो उसनै कह्या सै।

17 क्यूँके चाहे अंजीर के दरखतां म्ह फूल ना लाग्गे,

अर ना दाखलता म्ह फळ लाग्गे,

जैतून के दरखत तै सिर्फ धोखा पाया जावै

अर खेत्तां म्ह अन्‍न ना उगै,

बाड़याँ म्ह भेड़-बकरी ना रहवैं,

अर ना थान्‍नां म्ह गां-बळध हों*,

18 फेर भी मै यहोवा कै कारण आनन्दित अर मगन रहूँगा,

अर अपणे उद्धारकर्ता परमेसवर कै जरिये भोत खुश रहूँगा

19 यहोवा परमेसवर मेरे जोर का कारण सै,

वो मेरे पैर हिरण की तरियां बणा देवै सै,

वो मन्‍नै मेरी ऊँच्‍ची जगहां* पै चलावै सै।