Nem só de pão vive o homem
'Nem só de pão vive o homem' — essa declaração de Jesus ao diabo no deserto revela que a Palavra de Deus é o verdadeiro alimento que sustenta a vida em plenitude.
O verdadeiro alimento
Quando tentado a transformar pedras em pão, Jesus respondeu com a Escritura: a vida humana depende de toda palavra que sai da boca de Deus.
Jesus ga helekai, "Ma guu lawa di hihi i lodo di Beebaa Dabu boloo:
‘Tangada la hagalee mouli hua mai di palaawaa,
gei e mouli i nia helekai huogodoo
ala e lloomoi i baahi o God.’"
Setan ga helekai gi Mee, "Maa Goe di Tama ni God, helekai gi di hadugalaa deenei gii hai di palaawaa."
Jesus ga helekai, "Ma guu lawa di hihi i lodo di Beebaa Dabu boloo,
‘Ma hagalee go nia palaawaa la hua
ala e mee di haga mouli tangada.’"
Mee gu haga hiigai goodou, gei gu haangai goodou gi nia ‘manna’, tagadilinga meegai digi gidee e goodou mo godou maadua mmaadua i mua. Mee ne hai di mee deenei bolo gi modongoohia e goodou bolo ma hagalee go nia meegai la hua ala e haga mouli tangada, gei go nia helekai huogodoo ala e lloomoi i baahi o Dimaadua.
Jesus, o pão vivo
Jesus é o pão da vida que desceu do céu. Quem come deste pão viverá para sempre. Ele é o sustento que satisfaz a fome da alma.
Jesus ga helekai, "Au go di palaawaa haga mouli. Be koai hua dela ga hanimoi gi di Au, geia hagalee hiigai. Be koai hua dela e hagadonu Au, geia hagalee hieinu.
"Au go di palaawaa o di mouli.
Au go di palaawaa mouli dela ne haneia i di langi. Be koai hua ma gaa gai di palaawaa deenei, ia e mouli gaa hana hua beelaa. Di palaawaa dela e wanga ko Au gi mee, la go ogu goneiga bolo gi mouli ai henuailala."
Tamana dela e mouli ne hagau mai Au, gei Au e mouli mai i Mee. E hai gadoo be tangada dela ma gaa gai ogu goneiga, ia e mouli mai i di Au. Deenei la go di palaawaa dela ne haneia i di langi. Di palaawaa deenei la hagalee hai be nia palaawaa o godou maadua mmaadua ne gai i mua, nomuli digaula gaa mmade. Tangada dela gaa gai di palaawaa deenei, e mouli gaa hana hua beelaa."
Buscar o Reino acima de tudo
Não andeis ansiosos pelo que comer ou beber. Buscai primeiro o Reino de Deus, e todas estas coisas vos serão acrescentadas.
"Deelaa laa, Au e hagi adu gi goodou gi hudee boo godou lodo gi nia meegai mo nia wai ang gi godou mouli, be goodou e gahu gi di aha. E hai behee: di mouli la hagalee koia e hagalabagau i nia meegai? Tuaidina la hagalee koia e hagalabagau i nia gahu?
"Goodou hudee manawa gee i nia madagoaa e logo, be goodou gaa gai be e inu godou aha. Idimaa, digau e noho i lodo di bouli henuailala e hagabaubau nia mee beenei. Di godou Damana le e iloo di godou dee dohu. Gei goodou gi haa manawa hua i dono Henua, gei Mee ga hagahumalia goodou gi nia mee aanei.
Di madagoaa hua deelaa, gei nia dama agoago a Jesus ga helekai gi Mee, "Tangada Agoago, miami!"
Gei Mee ga helekai gi digaula, "Agu meegai i golo ala digi iloo goodou."
Gei nia dama agoago a Maa ga daamada ga heheeu i nadau mehanga, "Ma tangada gu gaamai ana meegai gi Mee?"
Jesus ga helekai, "Agu meegai la go di daudali di hiihai o Tangada dela ne hagau mai Au, ge e haga lawa ana hegau bolo gi heia.
Ma e aha maa nia laagau ‘fig’ la ono huwa ai,
gei di maa nia ‘grape’ e tomo i nia hadagee waini ai,
gei nia laagau olib ga hagalee huwa,
nia gowaa gu ono huwa ai,
gei di maa hogi nia siibi huogodoo guu mmade,
gei nia gowaa haangai kau gu ono kau ai,
malaa, au e tenetene hua ge e manawa lamalia,
idimaa, Dimaadua go God
dela go dogu Dangada Hagamouli.
Tagi go Yihowah dela e hagamaaloo au.
Mee dela e hai au gii lele maaloo gadoo be di ee,
gaa hai au gi hagalee madagu i dahi mee
mo di benebene dogu mouli i hongo nia gonduu.