Nem só de pão vive o homem

4 Me fulweg Jesus ni ga’ar, "Fare babyor nib thothup e be ga’ar, ‘Girdi’ e gathi go’o flowa era ikay me par nib fos, ya urngin bug e thin ni yib u langan Got e ra taye girdi’ nib fos ni dabi yim’.’ "

3 Me ga’ar fare mo’onyan’ ngak, "Fa’anra Fak Got gur, me ere mu non ko re malang ney nge ngal’ ni flowa."

4 Me fulweg Jesus ni ga’ar, "Fare babyor nib thothup e be ga’ar, ‘Girdi’ e dabiyag ni yigo’o flowa e ra i kay mi i par nib fos.’ "

3 Me pagmed ngam pired ndariy ban’en ni gimed ra kay, me pi’ e manna ngomed ni ngam ked, nib ggan ni dawor mu ked bi’id ma ku arogon e pi chitamangimed ni kakrom. I rin’ e ren’ey ngomed ni fan e nge fil ngomed ni gathi go’ flowa e ma tay e girdi’ nib fos, machane gubin bug e thin ni yib u langan SOMOL e ra tay e girdi’ nib fos.✝

35 Me yog Jesus ngorad ni ga’ar, "I gag fare ggan nma pi’ e yafos. En nra yib ngog e dabki yib e bilig ngak bi’id; ma en nra gu mich u wan’ e dabki yib e belel ngak bi’id.

48 I gag fare ggan nma pi’ e yafos.

51 I gag fare ggan nma pi’ e yafos, ni ir e yib u tharmiy nga but’. Fa’anra kay be’ e re ggan ney mra par nib fos ndariy n’umngin nap’an. Ma re ggan ni bay gu pi’ ngak e ufin u dowag, ni ir e bay gu pi’ ni bochan e nge yag ni fos e girdi’ nu fayleng."

57 En ni Chitamangiy ni be par nib fos e ke l’oegeg ku gub, ma ku ir e be tiyeg ni gub fos. Ma ku aram rogon ni en nra kayeg e ra fos ni bochag. 58 Ere ireray fare ggan ni fa’ani yib u tharmiy nga but’; ni gathi bod fare ggan ni fa’ani kay pi chitamangimed kakrom nge mu’ ma ku ra m’ad. En nra kay e biney e ggan e ra par nib fos ndariy n’umngin nap’an."

25 "Ireray fan ni be lungug ngomed: dabi magafan’med ko ggan nge garbod ni nge yag ngomed ni fan e ngam pired ni gimed ba fos, fa mad ni fan nga dowmed. Gathi ka ba ga’ fan e pogofan ko ggan? Ma gathi ka ba ga’ fan e dowef ko mad ni yibe yin’?

29 "Ere dabi magafan’med ngam pired ni gubin ngiyal’ ma n’en ni ngam ked nge n’en ni ngam garbodgad ngay e ir e gimed be gayiy. 30 (Ya girdi’ nu roy u fayleng ni pi’in yugu boch e kan e yad be meybil ngorad e gubin ngiyal’ ni yad be gayiy urngin e pin’ey.) Ya Chitamangimed e manang ndabisiy ni nge yag e pin’ey ngomed. 31 Ere gagiyeg rok Got e ir e ngam m’oneged u wun’med, ma aram me pi’ e pin’ey ngomed."

31 Ma ngiyal’nem e be wenig pi gachalpen Jesus ngak Jesus ni be lungurad, "Tamchib, mu koy ban’en!"

32 Machane me fulweg ni ga’ar, "Bay e ggan ni nggu way nda mu nanged bochu’uw i murung’agen."

33 Ma aram me fith pi gachalpen yad u fithik’rad ni be lungurad, "Gur ke fek be’ e ggan i yib ngak?"

34 Me ga’ar Jesus ngorad, "Ggan rog e nggu fol ko tin ni be finey e en ni l’oegeg ku gub, ma nggu mu’nag e maruwel nike pi’ ngog ni nggu muruwliy.

17 Yugra yan i par ndariy wom’ngin e gek’iy ni fig,

ma dariy wom’ngin e grape;

Yugra de k’uf e gek’iy ni olive,

ma de k’uf e grain;

mus nra yim’ urngin e saf,

ma yugra par tafen e garbaw ndakuriy e garbaw riy;

18 ma kug ra par ni gub felfelan’

ni bochan e SOMOL ni Got e ir e be ayuwegneg.

19 I SOMOL ni Th’abi Tolang e ma pi’ gelngig.

Ir e ma machregnag tungun eg ni bod ba gamanman ni deer,

me teg ni dabi buch ban’en rog u daken e pi burey.