Nova aliança

6 Andmó Iyesus dag taalotse manitso b́ wotts taaro beshts nat taaratse bogonat k’ants jangiyetswotsats need’iyetso b́ wottsotse bísh imets fino boge.

7 Shin kindeets taaro shapo deshawo wotarr b́datseyink’ere gitlo taareyo geyirawnk’ee b́teshi.

13 Haniyak «Handr taara» bí etor shints taarman nat woshre etee, mansh nat jamo b́ t’afit aawo t’iinwtsere.

22 Taarmanatse tuutson Iyesus taaron kindeets k’antsosh wusho wotere.

20 ✝Mank’o koc’mishoniye okoon ushi wanc’o k’aaúdek’t imt boosh hank’o bíet, «Ushe wanc’an it jangosh kud’itwo t s’atsoniye bíats ned’iyet handr taaroniye.

27 Wanc’mano k’aúdek'́t Ik’o údon b́ k’oniyakon hank’o ett boosh bí’imi, «It únets wanc’anitse úyeree, 28 ✝Han ay ash morro oorowe eti jangon taarewosh kuud’it t s’atsoniye.

14 Dúre dúri shayri weeron b́tooko kiimo bíatse aalts wosho woshdek’t Ik’osh t’intstso Krstos s’atso beyat beyiru Ik’osh finosh no nibo k’irts finotse aawk’owe iki bogo b́ s’ayintsiti k’úna!

15 Ekeewots bos’eege Ik’o jangit dúre dúrosh b́ imts rstiyo bodek’etwok’o Krstos handr taari dagotse manitwo wotere, man b́wotwere ash ashuwotsi shin taari shirots wotde bofints morrotse kashiyosh b́k’irtsoshe.

16 Jeshu kasho b́ beewor jeshu kashirwo b́ k’iro dandek’o geyife, 17 Jeshuman arikon finats b́ jinet jeshu kashirman b́ k’irihakee, jeshu kashirwo kashon b́ befetsoshmó jeshuman fineratse. 18 Mank’o b́wottsotse shints taaronúwor dab s’atsalon finats jinatse.* 19 Shin shin Muse b́ ímts nemotse fa’a tzaziwotsi ash jamosh keewre, maniyere hakon máánzonat eyishi s’atso aatsonton dek’t nemi mas’aafonat ash jamono, hisop’i mit maaronat mereeri biri s’iron b́faki, 20 B́ fakwere «Ik’o itsh b́ azazts taaritsi s’atso haniye.» ettniye.

1 Nemo shinomaantsi weyiru sheeng keew ara (c’isha) b́ teshi bako b́tookon arikeewaliye b́teshi, mansh worwot worwoton jam aawo bo shukeet woshwotsi de’er Ik’ok t’iinet ashuwots s’een woshosh b́jamon falratse. 2 Nemo boon s’ayintsk’ro falituwe wotink’ere Ik’o mangiyosh t’iinet ashuwots jango, morrotse bos’ayintsotsnat morr deshawok’on bogitsotse boosh b́danetwotse wosh t’intso k’ayk’riyank’onee b́teshi. 3 Woshmanotsmó dúre dúr morro bín bogaawitwotsiye. 4 Minz wurwotsnat eyishuwots s’atso morro k’aaúbazo falratse.

17 Mansh eshe asho konuwor wotowa Krstos jiro b́wotiyal handr azeeke, nattso beshwtseree, jamonu handr wotwtsere. 18 Jamhan b́wotuwere noon b́ tookonton Krstosn manitsonat maniyi fino noosh imts Ik’one. 19 Hanuwere Ik’o Krstosn datsatsi ashjamo b́tookonton maniree etee, bo naandonowere boats taawratse, nooshowere asho doonzonton nomaniyish bí aap’o noosh imre.

20 Ik’o ashuwotsi noweeron b́ s’egetwotse Krstos shegro wotat wosherone, mansh «Ik’onton manewere!» err Krstos shútson itn k’onitwone 21 Noo Krstosn Ik' kááw fino kayituwotsi nowotitwok’o Ik’o morr deshawo Krstosi no morrosh wosho b́wotitwok’o b́ k’ali.

4 Hanowere no etir Krstos weeron Ik’atse nodetsts imnetiyoshe. 5 Ik keewonwor nowooke b́wottsok’o gawosh flratsone, manwere eegoshe nonotokon bodknoonaliye, ernmó noon bodtswotsi woshtso Ik’oniye. 6 ✝Handr taarosh finirwotsi nowotitwok’o noon falitso bíne, hanuwere fidelon guut’ets nemon b́woteraniyere S’ayin shayiri tep’one, fidelon guut’ets nemo ud’itkee, S’ayin shayironmó kash imetke.

Krstosn daatset ikwoto

11 Mansh eshe, bal it shwewon Ik’i ash woterawwotsi it teshtsok’o, Ayhdiwots ash kishon gofo boamtsosh it’fetst itsh gof amawwotsi ett boc’ashfok’o, 12 it Israe’el ashuwotsnton gonke deshawwots, Ik’o bí ashuwotssh b́jangitswtsats need’iyets aap’i taarwotssho ib wottswots, datsanatsnowere it jangiru ik keewalonat Ik’alon beyirwots, manorowere Krstosatse wokat it teshtsok’o gawde’ere. 13 Andmó it haniyere shin wokat teshtswots Krstos Iyesusn wotdek’at b́s’atson t’inrte.

10 Shuna eto hank’oyiye, no Ik’o noshuntsosh b́ woterawo bí noon b́ shuntsonat nomorro b́ t’afitwok’o b́ naayi b́woshtsoshee.