Nova aliança

31 መና ጎዳይ ሀዋዳን ያጌ፤ "ታን እስራኤልያ አሳናነ ይሁዳ አሳና ኦራ ጫቁዋ ጫቀትያ ጋላሳቱ ያና።✝✝ 32 ሄ ጫቁ ታን ኡንቱንታ ግብጼፐ ከሳናዉ ኡንቱንቱ ኩሽያ ኦይቄዳ ዎደ፥ ኡንቱንቱ ማይዛ አዎቱዋና ጫቀቴዳ ጫቁዋ ማላ ግደና፤ ታን ኡንቱንቶ አስና ማላ ግዳ ኡትናካ ኡንቱንቱ ታ ጫቁዋ መንድኖ። ታን መና ጎዳይ ሀዋ ኦዳይ። 33 ሽን ታን መና ጎዳይ ሄ ጋላሳቱዋፐ ጉይያን እስራኤልያ አሳና ጫቀታና ጫቁ ሀዋ: ታን ታ ህግያ ኡንቱንቱ ግዶን ዎና፤ ቃይ ኡንቱንቱ ዎዛናንካ ጻፋና። ታን ኡንቱንቱ ጾሳ ግዳና፤ ቃይ ኡንቱንቱካ ታ አሳ ግዳና።✝ 34 አሳይ ባረ ሾሩዋ ዎይ ባረ እሻ፥ ‘መና ጎዳ ኤራ’ ያጊደ ታማርስያዋ አጋና፤ አያዉ ጎፐ፥ ጉፐ ዶሚደ፥ ዎጋ ጋካናዉ፥ ኡንቱንቱ ኡባይ ታና ኤራና። ታን ኡንቱንቱ ናቁዋ አቶ ጋና፤ ኡንቱንቱ ናጋራካ ላኤን ሀሳይከ። ታን መና ጎዳይ ሀዋ ኦዳይ" ያጌ።✝

6 ሽን የሱስ ጋናትያ ጫቁ ካሰዋፐ አያዋዳንካ፥ አዉ እመቴዳ ኦሱካ ኡንቱንቱዋፐ አ፤ አያዉ ጎፐ፥ ሄ ጫቁ ጾሳይ እማና ጌዳ ኡባፐ አያ ኪታን ኦሰቴዳ።

7 አያዉ ጎፐ፥ ኮይሮ ጫቁዋን ባላይ ባይናዋ ግድንቶ፥ ላኤን ጫቁዋ ኮሸና።

13 ጾሳይ ኦራ ጫቁዋ ጊደ ሃሳይያዋን ኮይሮዋ ኤጭሴዳ፤ ቃይ ኤጭያባይነ ዉርያባይ ኤለካ ያና።

22 ሄዋ ድራዉ፥ የሱስ ኡባፐ አያ ጫቆ ዋሰ ግዴዳ።

20 ካዉዋ ሞዋፐ ጉይያን፥ ካሰዋዳን ጹኣ ደን ኡንቱንቶ እሚደ፥ ሀዋዳን ያጌዳ: "ሀ ጹአይ፥ ታ ህንተንቱ ድራዉ ጉስያ ታ ሱ ቆፈያ ኦራ ጫቁዋ።✝

27 ጹኣ አኪደ፥ ጾሳ ጋላቴዳ። ኡንቱንቶ እሚደ፥ "ኡባይ ሀዋፐ ኡሽተ፤ 28 አያዉ ጎፐ፥ ሀዌ ዳሮ አሳ ናጋራይ አቶ ጌተታና ድራዉ ጉክያ ታ ሱ፤ ታ ሱይ ኦራ ጫቁዋ።✝

14 መና ጌሻ አያና ባጋና ባላይ ባይና ያርሹዋዳን፥ ጾሳዉ ባረና እሜዳ ክርስቶሳ ሱይ፥ ኑን ደኡዋ ጾሳዉ ኦና ማላ፥ ካሰ ኑ ሀይቄዳ ኦሱዋፐ ኑ ሱረ ዎዛና ዎት ጌሻንዴሻ!

15 ሄዋ ድራዉ፥ ጾሳይ ጼሴዳዋንቱ እ እማና ጌዳ መና አንጁዋ ላታና ማላ፥ ክርስቶስ ኦራ ጫቆ ጋናቴዳ፤ ሄዌ ሀናና ዳንዳይያዌ፥ አሳይ ኮይሮ ጫቁዋፐ ጋርሳን ደኢደ ኦዳ ባላ አይለተፐ ከስያ ሀይቁ ደእያ ድራሳ።

16 አያዉ ጎፐ፥ ሀይቂያ ኡራይ ዎይቴዳዌ ደኦፐ፥ ሄ ኡራይ ሀይቆዌ ኤረታናዉ ኮሼ። 17 አያዉ ጎፐ፥ ዎይቴዳ ኡራይ ሀይቄዳ ዎደ፥ እ ዎይቴዳዌ ፖለቴዳ፤ ሄ ዎይቴዳዌ ፓጻ ደእሽን፥ አይነ ፖለተና።

18 ሀራይ አቶ፥ ኮይሮ ጫቁካ ሱይ ባይናን እንጀትቤናዌ ሀዋሳ። 19,20 አያዉ ጎፐ፥ ህግያን ደእያ አዛዙዋ ኡባ ሙሴ አሳ ኡባዉ ኦዴዳ፤ ሄዋፐ ጉይያን፥ ጋሎ ማራ ሱነ ዴሻ ሱ፥ ሃና፥ ዞኦ ዶርሳ እስክያናነ ህሶጵያ ግያ ም ቦንጭያና እትፐ አኪደ፥ "ሀዌ ህንተንታ ጾሳይ አዛዜዳ ጫቁዋ ሱ" ያጊደ፥ ህግያ ማጻፋ ቦላነ አሳ ኡባ ቦላ ጫጫፌዳ።✝

1 አያዉ ጎፐ፥ ህገዉ ያና ሎኦባ ኤሹዋ ጻላላይ ደኤ፤ አዉ ቱሙ ሌምሱ ባዋ። ኡባ ዎደ ላይን ላይን እት ማላ ያርሹ ያርሸቴ፤ ሄዋ ድራዉ፥ ህጊ ጾሳኮ ሺቅያ አሳ ሄ ያርሹዋን ባላይ ባይና አሳ ኦናዉ ኡባካ ዳንዳየና። 2 ጾሳዉ ጎይንያ አሳይ ባረ ናጋራፐ ኡባና ጌዬዳባ ግድንቶ፥ ሱረ ዎዛናን ላኤንዋ ናጋራ ቆፐና፤ ቃይ ያርሽያዋካ አጋና። 3 ሽን አሳይ ላይን ላይን ሄ ያርሹዋን ባረ ናጋራ ሀሳዬ። 4 አያዉ ጎፐ፥ ኮሩማ ሱይነ ዴሻ ሱይ ናጋራ ይሳናዉ ኡባካ ዳንዳየና።

17 ሄዋ ድራዉ፥ ኦንነ ክርስቶሳና ደኦፐ፥ ኦራ መታ፤ ጭማይ አዳ፤ በእተ፥ ኡባባይካ ኦራጼዳ። 18 ክርስቶሳ ባጋና ኑና ባረናና ስገዳ ጾሳይ ኡባባካ ኦዳ፤ ቃይ እ ኑዉ ሀራቱዋ ባረናና ስገያ ኦሱዋ እሜዳ። 19 ጾሳይ ክርስቶሳ ባጋና አሳ ኡባ ባረናና ስገ፤ አሳ ናጋራካ አሳ ቦላ ፓይደና፤ ቃይ አሳ ባረናና ስገያ ኪታካ ኑዉ እሜዳ።

20 ስም ጾሳይ ኑ ባጋና ህንተንቶ ሃሳይያዋዳን፥ ኑንካ ክርስቶሳ ድራዉ ሃሳይያ እ ኪቴዳዋንታ፤ ቃይ ኑን ህንተና፥ "ጾሳና ስገትተ" ጊደ፥ ክርስቶሳ ድራዉ ዎሴቶ። 21 ኑን ጾሳ ጽሎተ ክርስቶሳ ባጋና አካና ማላ፥ ናጋራ ኤረና ክርስቶሳ ኑ ድራዉ፥ ጾሳይ ናጋራንቻ ኦዳ።

4 ኑዉ ክርስቶሳ ባጋና ጾሳን ሀዋ ማላ አማኑ ደኤ። 5 ኑ ዳንዳያይ ጾሳፐ ይያዋፐ አትን፥ ሀ ኦሱዋ ኑን ኑ ሁጲያን ኦናዉ ዳንዳዬቶ ግያዌ ኑዉ አያይነ ባዋ። 6 ኑን ኦራ ጫቆ ኦና ማላ፥ ጾሳይ ኑና ዳንዳይሴዳ፤ ሄ ኦራ ጫቁ ጌሻ አያናዋፐ አትን፥ ጻፈቴዳ ህግያዋ ግደና። ጻፈቴዳ ህጊ ሀይቁዋ አሄ፤ ሽን ጌሻ አያናይ ደኡዋ አሄ።✝

ክርስቶሳን ቤትያ እትፐተ

11 ሄዋ ድራዉ፥ ህንተኖ ዛርያን አይሁዳ ግደና አሳቶ፥ ባረንቱ አሳተ ቦላ ኩሽያን ኦሰቴዳዋን፥ ባረና ቃጻረቴዳዋንታ ግያ አይሁዳቱ፥ ቃጻረትቤናዋንታ ጊደ ጼስያዋንቶ፥ ህንተ ካሰ ኦነንቶ አኬክተ። 12 ሄ ዎደ ህንተ ክርስቶሳፐ ሻከቴድታ፤ እማ ግዲደ፥ እስራኤልያ አሳፐ ሃኪደ ደኤድታ፤ ጾሳይ ባረ አሳዉ እማና ጊደ ጫቄዳ ጫቁዋፐ አይነ ደምበይክታ፤ ሀ ሳኣ ቦላ ህንተ ደማና ጊደ፥ ናሸቻን ናግ ኡቴዳዋ ደመናንነ ቃይ ጾሳይ ባይናን ደኤድታ። 13 ሽን ህንተ ካሰ ሃኪደ ደእያዋንቱ ሀእ ክርስቶሳ የሱሳና ደኢደ፥ ክርስቶሳ ሀይቁዋን ማታ ሺቄድታ።

10 ሲቁዋ ግያዌ ሀዋ፤ ጾሳይ ኑና ሲቂደ፥ ኑን ኑ ናጋራፐ ማሮተ ደሜዳ ባረ ናኣ ኑዉ ኪቴዳፐ አትን፥ ኑን አ ሲቄዳዋና ግደና።