Nova aliança
A Nova Aliança é o pacto de graça que Deus estabeleceu através de Jesus Cristo. Diferente da antiga, ela é escrita no coração, mediada pelo sangue de Cristo e acessível a todos.
A profecia da Nova Aliança
Jeremias profetizou uma aliança nova em que Deus escreveria sua lei no coração do povo. Essa promessa se cumpriu em Cristo.
Lakini sambi Yesu kagweleligwa sang’hano ya ulava nhosa inogile ng’hani kubanza wao, kwavija heyo iyo yogala kuilumba kwa lagano dinogile ng’hani. Malagizo ga lagano dijo gosang’hanila kija kiyalongile Imulungu kinogile ng’hani.
Kwavija maza lagano da ichanduso ditelele, sambi dilondeke lagano da kabili.
Kwa kulonga lagano da sambi, Imulungu kaditenda da ichanduso dilala, na chochose kilalile mna ikipindi kidodo chopotela.
Mbuli ya kuiduwila ako, Yesu iyo yotenda lagano da sambi dinogile ng’hani dilawilile.
Selada com sangue
Jesus instituiu a Nova Aliança na Última Ceia: 'Este cálice é a nova aliança no meu sangue.' Seu sacrifício é definitivo e perfeito.
Vivija, viwamambukize kuja indiya ya ichungulo, kawagwaa kikasi, kalonga, "Kino acho kikasi cha lagano da sambi dilagusigwa kwa damu yangu, ikwitika mbuli ya mweye.
Abaho kasola kikasi cha divai, kamgwaa nhogolwa Imulungu, kawagwaa wanahina zake, kalonga, "Mose ing’wileni kikasi kino. Ino ayo damu yangu ya lagano, ikwitika mbuli ya wengi ili nzambi zao zigeligwe kumgongo.
Lakini, Kilisito kailava mwenyego kwa Imulungu kamba nhosa inogile kwa nguvu ya Loho wa Imulungu yokala siku zose. Avo, damu yake yosunha mizoyo yetu vinogile ng’hani na kututenda tumsang’hanile Imulungu yeli mgima.
Mbuli ya kija kiyatendile Kilisito, iyo yogala kuilumba kwa lagano da sambi, ili waja wakemigwe na Imulungu wadahe kumweda milele kulongigwe na Imulungu. Ino yolawilila kwavija kwa ifa yake kowalekesa wanhu na gehile wagatendile kipindi cha lagano da ichanduso.
Kwa mbuli ya uhazi ojuwika kamba ifa ya munhu yautendile yokoneka, kwavija uhazi haufaya kamba munhu yautendile yang’hali mgima, okuwa na nguvu kipindi yahafa. Lekaavo lagano da ichanduso, hadisongile kusang’hana bila damu. Tanhu Musa kawapetela wanhu malagizo gose kamba vigalongile. Abaho kasola damu ya mbuzi na ng’ombe, katibwiliza na mazi na kwa bunho na pamba dung’hu, kakimizila kija kitabu cha malagizo na wanhu wose. Musa kalonga, "Ino iyo damu ilagusa lagano dimulagizigwe na Imulungu mudigoge."
Malagizo ga Musa hagaigalile kamba vigeli genyego, ni mbuli ndodo ziiyeka za vinhu vinogile vondavize. Nhosa zizija zigendelela kulavigwa mwaka mbaka mwaka. Kwa mbuli ayo, odaha vilihi kunoga wanhu waja omwizila Imulungu kubitila nhosa zino? Maza kweli wanhu wano iwomtambikila Imulungu wahasunhigwe nzambi zao, sambi wagese kabili kamba watenda nzambi na nhosa zose zahamalile baho. Lakini nhosa zolavigwa mwaka mbaka mwaka kuwatenda wanhu wakumbuke kamba wana nzambi, kwavija damu ya mbuzi na ng’ombe haidaha bule kusegesa nzambi za wanhu.
Reconciliação e vida nova
Pela Nova Aliança somos reconciliados com Deus, trazidos para perto pelo sangue de Cristo e feitos embaixadores da reconciliação.
Munhu yoyose yahailumba na Kilisito kotendigwa wa sambi, gaumwaka gabita, ga sambi geza. Gano gose golawa kwa Imulungu, yatutendile tuilumbe nayo kubitila Kilisito na katugwelela sang’hano ya kuwatenda wanhu wayagwe wailumbe nayo. Avo, kubitila Kilisito Imulungu kailumba na wanhu wa mwiisi, hagesile nzambi zao, katugwaa usenga wa kuwapetela wanhu wailumbe nayo.
Avo, siye tolonga mbuli ya Kilisito, kubitila siye Imulungu kowapula mweye. Towapula kwa twaga da Kilisito, muilumbe na Imulungu. Imulungu kamtenda ija yelibule nzambi yasole nzambi zetu, ili kubitila heyo Imulungu yatutende tunoge mgameso gake.
Siye hatunyawanyawa kulonga vino mgameso ga Imulungu, kwavija tomtamanila Kilisito. Hatudaha kulonga tusang’hana chochose kwa udahi wetu wenyego, ila udahi wose tuli nao olawa kwa Imulungu, yatugwelele udahi wa kuwa wasang’hanaji wa lagano da sambi, siyo kwa malagizo gandikigwe, ila kwa Loho wa Imulungu. Kwavija malagizo gandikigwe gogala ifa, lakini Loho Yang’alile kogala ugima.
Avo, mweye wanhu hamwili Wayahudi kwa kuvumbuka, mukemigwa, "Wanhu hawengile kumbi," na Wayahudi oikema, "Wanhu wengile kumbi," wao wengila kumbi mzing’huli zao, kulagusa kuwa wanhu wa Imulungu, kumbukeni vimukalile aho umwaka. Vivija, kipindi kija mweye mukala hamuilumbile na Kilisito. Mukala wanhu baki na hamukalile mna iwanhu wasaguligwe na Imulungu, mukala mwabule fungu jojose mna gamalagano ga Imulungu gayawalongele wanhu zake, mukala mwabule cha kutamanila na mukala mwabule Imulungu. Aho umwaka mukala kutali na Imulungu, lakini sambi, kwa kuilumba na Yesu Kilisito, mugaligwa behi kwa damu ya Kilisito.
Unogelwa wa kweli uwo uno, siyo kamba siye tumnogela Imulungu lakini heyo katunogela siye na kamtuma Mwanage kamba nhosa ya kusegesa nzambi zetu.