Nova aliança
A Nova Aliança é o pacto de graça que Deus estabeleceu através de Jesus Cristo. Diferente da antiga, ela é escrita no coração, mediada pelo sangue de Cristo e acessível a todos.
A profecia da Nova Aliança
Jeremias profetizou uma aliança nova em que Deus escreveria sua lei no coração do povo. Essa promessa se cumpriu em Cristo.
Mada’a nange-ne Yesus 'ai munara lebe mulia reo 'imam-'imam gena-ge manga munara. Sababu Yesus 'o dadi lese to golona di’a jaji ma su-sungi ga’a lebe mulia reo jaji ma siḏa. Re Sababu wakutu Ma Jou’ongu Madutu 'o pula’a jaji ma su-sungi gena-ge, Unanga 'o sijaji 'ori i’a lebe mulia di’a ngene reo 'ori i’a toma jaji ma siḏa.
Na’o jaji ma siḏa kama kuranga ua, ma faeda 'oru mau jaji ma su-sungi?!
Sababu Ma Jou’ongu Madutu 'o kanau mangale jaji gena-ge "su-sungi," Unanga ro 'a’a jaji ma siḏa ri pake riwara. Re 'ori i’a ga’a ri siḏa, ti’ara ua 'i iranga.
Sababu sasi gena-ge, Yesus ro dadi ngene nanga ngo-nganono mode-mode’e mangale jaji ma su-sungi ḏuanga i’a 'i sitotomo. Re jaji gena-ge lebe rousu reo jaji ma siḏa.
Selada com sangue
Jesus instituiu a Nova Aliança na Última Ceia: 'Este cálice é a nova aliança no meu sangue.' Seu sacrifício é definitivo e perfeito.
So’o gena ḏi’i ya oromo gena-ge togumu i’a, Yesus 'a tede sawo’o 'anggur gena-ge re 'O kanau, "Sawo’o ma dara rema 'anggur nena-ne, gena-ge Ma Jou’ongu Madutu 'ai jaji ma su-sungi ga’a sitotomo Rari ngaunu. Ḏuanga i’a, ngaunu gena-ge 'i pa’ala di’a ngini.
Gena ḏua, Unanga 'a 'oro ḏi’i ma sawo’o ma dara rema 'anggur re 'O sibere ie murasa ma la ra Ma Jou’ongu Madutu kara 'A sipula’a Tai me-mete’e re 'O kanau, "Ngini mo-moini na ka’e. Sababu nena-ne Ngoi 'ari ngaunu ga’a sitotomo Ma Jou’ongu Madutu 'ai jaji. 'Ari ngaunu nena-ne 'i pa’ala di’a singi-ngiranga ngowa’a repe manga ḏosa.
Na’o ngaunu re 'omanga gena-ge nga’unu 'i sigofi ngowa’a manga lese, Kristus 'ai ngaunu ma kuasa lebe lamo’o i’a: Unanga 'ai ngaunu nga’unu sigofi nanga 'akala re sinyingara ma kanau ga’a 'i faja moju sababu ngene wo mete’e 'agama ma 'atoranga ga’a ma faeda 'i cua, la ngene nga’unu wo silamo’o re siḏubuso Ma Jou’ongu Madutu ga’a 'O 'ahu-'ahu. Kristus nga’unu 'o sidoa’a 'ai lese ga’a kama ḏosa ua ra Ma Jou’ongu Madutu, sababu ri-riono toma Ngagara 'Ofi-'Ofi ga’a 'ahu kasingado-ngadolo i’a.
Ma sababu gena-ge Kristus 'o dadi lese to golona di’a Ma Jou’ongu Madutu 'ai jaji ma su-sungi, la ngowa’a ga’a Ma Jou’ongu Madutu ro 'aro’o, ananga gena-ge nyengara 'aḏi dawongo barakati-barakati kasingado-ngadolo i’a ga’a Unanga 'o sijaji pasala ḏua di’a 'Ai 'umata. Mo-moini gena-ge ri dadi sababu Kristus 'ai se-sengene ri dadi du-duusu di’a sibebasa ngowa’a tamanga ḏosa sababu ananga 'aḏi mete’e 'atoranga ti-tiai ua ra Ma Jou’ongu Madutu 'ai jaji ma siḏa.
Na’o 'age rema surata wasiata, balasu 'age rema bukiti mangale ngowa’a ga’a 'a’a surata gena-ge ro sengene. Sababu na’o ngowa’a ga’a 'a’a surata gena-ge 'o 'ahu-'ahu moju, surata gena-ge sipake yoḏu’u moju, pa’i nyengara 'a sipake ḇato na’o ngowa’a gena-ge ro sengene. Sababu gena-ge jaji ma siḏa mai balasu si’aku sah reo ngaunu. Dadi wakutu 'a Musa 'o singadolo Ma Jou’ongu Madutu 'ai parenta mo-moini toma bangsa Israel togumu i’a unanga 'o 'oro sapi ma ngowa ma ngaunu re 'abingi ma nau’u ma ngaunu, kara 'a sicapuru reo ḇanyo. Togumu gena-ge, unanga 'o 'oro rurubu-rurubu hisop ga’a 'i piri’u reo doba ma gogo ko-kolili, kara 'a tono toma ngaunu gena-ge ga’a ra capuru reo ḇanyo, kara 'a siji-jiri toma ngowa’a Israel re ḏi’i kartasi lo-lolo ga’a ri silefo hukumu ra Ma Jou’ongu Madutu tala. Musa 'a 'a’a so’o gena reo kanau, "Ngaunu nena-ne si’aku sah Ma Jou’ongu Madutu 'ai jaji ga’a ngini balasu na mete’e."
Musa 'ai hukumu pa’i pula’a guḏumingi ḇato 'oru 'ori i’a la-la ga’a enanga ḏuanga i’a 'i dadi. Hukumu gena-ge nga’unu 'i sigasa ua 'ori i’a la-la ga’a Ma Jou’ongu Madutu ra sijaji pasala ḏua. Sababu gena-ge, sanga ua enanga gena-ge nga’unu ya sigofi ngowa’a manga ḏosa wakutu ananga 'aḏi sapolo di’a silamo’o re siḏubuso Ma Jou’ongu Madutu reo jou-jou ga’a ananga ya gasa. Sababu musungu rimoi-musungu rimoi ananga balasu ya si’a’a so’o gena-ge! Si’ade-'ade ngowa’a ga’a 'aḏi silamo’o re siḏubuso Ma Jou’ongu Madutu, ananga gena-ge mode-mode’e manga ḏosa ya sigofi ḏua. Tantu ḏua ananga 'aḏi gasa manga jou-jou riwara sababu 'aḏi mabasono tala kamanga ḏosa riwara! Mada’a so’o gena-ge ua! Musungu rimoi-musungu rimoi manga jou-jou ya si’elingi ie tau-taunu mangale ananga ngowa’a baraḏosa! Sababu sapi ma ngaunu re 'abingi ma nau’u ma ngaunu 'i singi-ngiranga ngowa’a manga ḏosa yoḏu’u.
Reconciliação e vida nova
Pela Nova Aliança somos reconciliados com Deus, trazidos para perto pelo sangue de Cristo e feitos embaixadores da reconciliação.
Sababu gena-ge, na’o 'age rema ngowa’a ga’a raḏi marimoi ra Kristus, ananga gena-ge raḏi dadi manusia su-sungi. Manusia manga 'ahu ma siḏa ri cua. 'Orasa nange-ne, ananga manga 'ahu 'i dadi su-sungi. Mo-moini gena-ge Ma Jou’ongu Madutu 'ai munara. Ma Jou’ongu Madutu 'o sirimoi ngene ra Unanga masiretene, sababu Kristus. Re Unanga 'o 'utusu ngomi di’a mi singadolo habari gena-ge toma ngowa-ngowa’a lelegu, la ananga nyengara 'aḏi sirimoi ra Ma Jou’ongu Madutu.
Gena-ge, ngomi ma singadolo habari mangale sababu Kristus 'ai se-sengene toma salib, Ma Jou’ongu Madutu nyengara 'o sirimoi manusia ra Unanga masiretene. Sababu gena-ge, Ma Jou’ongu Madutu 'o roimi riwara manusia manga ḏosa ga’a manusia raḏi 'a’a. Re Ma Jou’ongu Madutu ro pula’a tugasa ra ngomi di’a mi singadolo habari gena-ge.
Sababu gena-ge, ngomi remi dadi Kristus 'ai 'utusana. Enanga ma tero sa’olo Ma Jou’ongu Madutu masiretene 'o pake ngomi di’a siajele 'Ai demo-demo ra ngini. Dadi ngomi mi golo’o mode-mode’e ra ngini rea Kristus 'ai lomanga: Ni marimoi ra Ma Jou’ongu Madutu! Kristus 'o 'a’a ḏosa ua, mada’a Ma Jou’ongu Madutu 'o 'a’a Unanga 'a doiti ngene nanga ḏosa. Ma Jou’ongu Madutu 'o 'a’a so’o gena, la ngene nyengara marimoi ra Unanga re kananga ḏosa ua ra Unanga 'ai momina.
Ngomi lami nau’u di’a kanau so’o gena mangale ngomi masiretene, sababu ngomi mi ngaku Ma Jou’ongu Madutu re ḏi’i mi marimoi ra Kristus. Ngomi kaminga 'alasana ceka’a i’a mai ua di’a mi kanau mangale ngomi ma nga’unu ma si’a’a munara gena-ge. Mada’a pa’i Ma Jou’ongu Madutu ḇato 'o pula’a kuasa ra ngomi. Unanga gena-ge 'o si’a’a ngomi nga’unu mi dadi 'Ai falalomu-falalomu toma jaji ma su-sungi. Jaji gena-ge toma Ngagara 'Ofi-'Ofi ino, toma hukumu ua ga’a manusia ya lefo toma boku. Sababu 'oru ga’a silefo toma boku 'i sigasa ngowa’a toma sengene, mada’a jaji toma Ngagara 'Ofi-'Ofi ino, 'i sigasa ngowa’a toma 'ahu.
Sababu gena-ge, ioronongoḏu ngo-ngaku rimoi, ngini ni sibuoro sa’olo ngowa’a Yahudi ua, 'elingi ninga 'ahu ma siḏa: Ngowa’a Yahudi ga’a 'aḏi mafikiri pa’i ananga ḇato Ma Jou’ongu Madutu 'ai 'umata sababu ananga raḏi masuna mete’e Musa 'ai hukumu. Ananga gena-ge 'aḏi si’aro’o ngini "ngowa’a masuna ua". Mada’a suna gena-ge, manusia ya 'a’a tamanga lese ḇato. 'Elingi toma 'orasa gena-ge, ngini ni marimoi ra Kristus nyangu, re ni osama nyo-nyoimi ua toma ngowa’a Yahudi ga’a ma 'asala toma Israel ino. Dadi 'oru ḇato ga’a Ma Jou’ongu Madutu ro sijaji di’a ngowa’a Yahudi, ngini ḏuanga i’a sanga ma balangu ua. Ngini ni 'ahu toma dungia, mada’a ngini ni nana’o ua Ma Jou’ongu Madutu dadi ni masinganono yoḏu’u ra Unanga di’a 'O sisalamata ngini. 'Au nga’ene, ngini ni kiḏanga ra Ma Jou’ongu Madutu. Mada’a 'orasa nange-ne, sababu Kristus 'ai ngaunu ngini reni masebanga ra Ma Jou’ongu Madutu sababu ngini ni marimoi ra Kristus Yesus.
Dadi nena-ne si’aro’o dadalara: Ngene wo siḏa ua wo dadalara Ma Jou’ongu Madutu, mada’a Unanga siḏa na dadalara ngene, singadolo 'O 'utusu 'ai Ngowa’a Nau’u di’a 'O sapolo toma dungia nena-ne re 'O sidoa’a 'Ai lese sa’olo jou-jou, la Unanga 'a singi-ngiranga nanga ḏosa-ḏosa.