A nova jerusalém
A Nova Jerusalém é a cidade de Deus que desce do céu, morada eterna dos redimidos. Nela não haverá mar, morte, choro nem dor — Deus habitará com seu povo para sempre.
A cidade celestial
João viu a santa cidade, a Nova Jerusalém, descendo do céu como noiva adornada para o esposo. Ali Deus morará com seu povo.
Nmo Ogya Neshi, Ojerusele pepe, bwi iso ebe ko Owuso ya wokpagye, akyanutu kweyi gwagya byo onyape ni ya gbeyi kobu nu ni. Npwo oko nwaa ya kela bwo obe kamo: <<Anani ole ko Owuso yo kpa asuse! Oya yagye kpawa, kweyi awa ba wase nu. Owuso abiyinu yayo kpawa, anu ya wo Owuso wa. Oya wuwize kpiri iyi. Ikwu ya yaba kelo, otu byobya kwe egba kyokye kwo odose ya yaba kelo, oza nekye kwobonu shigbo wa.>>
Omaku kpumogwu, kweyi oyoleho zun giso ke efu ni wirikpo kotata ni. Oshami Ojerusele, Ogya Neshi, bwi iso ebe ko Owuso ya wokpagye yayu kpigyashi ko Owuso. Ogya nyakwu oni ya yu byo Ojaspa, oya yu byo okpo nehe. Ogbo okpe nyakwu ni wirikpo ni kweyi gbo owe kofunu igwepa kpa ayoleho igwepa ni ba gbeho ko owe ni. Atiye ka awipwoma igwepa ki Izrayila awowe kofunu oni. Owe kofunu eta ba agbabo wonyonya, eta agbabo ka ahanokyi, eta agbabo ko onose, eta agbabo kikpokyi, eta agbabo ke ekye. Amo okpe ko ogya nyakwu mani ikweyi kikyikpo igwepa kotu koda, ni atiye ka ayikoko ko Oyi ko Otukpo ikweyi wa ni.
Nmole ko Owuso ipu ko ogya nyakwu mani lo, ikweyi koni ole ko Owuso nu wa Adole Owuso Ine koshu kpiri kpo Oyi ko Otukpo. Ogya nyakwu mani ya yimu keno kwoya koyu anu lo, ikweyi koni igyashi ko Owuso ya yu ipu nu, kweyi Oyi ko Otukpo wi ikwomu nu.
Oyoleho ko Owuso ki shiyami ishu kinyo ko olayi, ya kye byo oza ni ya yu ni, kweyi yawa bwo obe ko Owuso kpako Oyi ko Otukpo kweyi oya pe go otutehe ko owe ko ogya nyakwu mani. Agbabo ki ishu kpiri gbe efu ko olayi, ni ya gwa igbi igwepa ipu ki ishayi ni; igboye ipu koya; kweyi efu nu ya dase ko okpagye kpiri ogege. Ojije ni Owuso yokwunu ni yayo ogya nyakwu mani lo.
Obe ko Owuso kpako Oyi ko Otukpo ya yogya nyakwu mani, kweyi ayole nu ba geyagye danu. Aba miyi nu, kweyi aba yi iye nu ta ogo wa. Otu ya yaba kelo, kweyi aba doka koyoyu ke eno kwe emu kelo, ikweyi koni Adole Owuso ya wo oyoyu wa, kweyi aba kpogwu byo ose ko gbogbo-gbogbo.
A pátria celestial
Os patriarcas aguardavam uma cidade que tem fundamentos, cujo arquiteto e construtor é Deus. Nosso lar eterno está além desta vida.
Ake ba tikpo ko okpagye ni shoshi she ni la, ole kiso. Ni olemani oni, Owuso ya yiweyi ni aba yogwu mo Owuso wa ni lo, koni okyo ogya nyakwu tu dawa ni.
Abishi koni, ala wikweyi ke Efu ko Osiyona wa kpo Ojerusele ki iso, ogya nyakwu ko Owuso ni yiyi ni, kpa ayoleho nu ni go okpakwu nwashika ni. Ala wo ogbayi kotushosha ka ayi kikyikyo ko Owuso wa, ni ayiye wa ta ipu ki iso ni. Ala webe ko Owuso wa, ni wino kepwo kase kpiri ni, kpo omaku kase neshi ni ayuwa gya ni. Ala webe ko Oyesu ni kwotu ko okoyi pepe ni wa, kpo oyi ni myi kweyi ya kela neshi sho oyi ka Abila ni.
Ojerusele ni yiso ni ke wo oshe la lo, anu pini wene kaha la.
Oyesu ka dawa mo, <<Otu kala naka bya lo. Ala kyogwu kpo Owuso, ala ki kyogwu kpa ami mamani. Ole ka Ada hin gboda nwashika, owoni olemani lo, nbi ya kadala. Nyya ga kyebetu dala. Kweyi ishini ngga kyebe tu dala, nyya kwikye wa kpala gebe ni, shini ala ga bagye kpami ebe ni nyyanu ni.
A glória da Nova Jerusalém
Deus habitará no meio do seu povo. Sua presença será a luz da cidade, e o rio da vida fluirá do trono de Deus e do Cordeiro.
Oya gbeji kelo nyya wa. Ala yabo byoza ni ala gbo ni piya, shini ashishe naka ya abola kala nu shala lo. Nyya yawase ni rogwa ni ba wite kole ko Owuso hin, kweyi ojije ya yuwa ba bose sho lo. Nyya tiye ko Owuso hin ikpiye wa kpi iye ko ogya nyakwu ko Owuso hin, Ojerusele pepe, ni ya wokpagye bwi iso ebe ko Owuso hin ni. Nki ya tiye hin pepe ikpiye wa.
Ase ni ngmo oje bwipu kela ko okpa kobane mani, Owuso ya ngma bwipu ko gwogwa kefu ko olayi ni aba gbingbo ni kpo Ogya ko Owuso, ni akela nu ipu ko okpa mani.