2 ✝Kit S’ayinú, Iyerusalem handru, b kenihsh baatsts guuyukok’o k’andek’at darotse Ik’oke b oot’fere tbek’i, 3 ✝hank’o etiru k’áári eenonowere naashi jooratse b́ keshfere t shishi, «Hambe! Ik’i k’ewoko ashuwots dagotse, bontonwere beetwe, boowere bíashuwotsi wotitúne, Ik’o b́tookon bonton wotitwe, Izar Izewerwere bok wotitwe, 4 bo aawatse aac’ú jamo firitwe, shints niwo b́beshtsotse wee k’iro wee shiyano wee eepo wee kúúno haniyak beeratse.»

10 ✝Shayiron taan een geenz gur ikok dek' amt kit S’ayinú Iyerusalem Ik’oke darotse b oot’fere taash b́ kitsi, 11 Ik’i mangon bc’eeshfera btesh, b shááni golonúwere ayidek’t mangts shútsok’oyi, mestayitok’o goliru yasp’idiya eteets mangts shútsok’oyi b́teshi, 12 tatse git fengeshwotsi detsts eenonat geenz gmbi kas’o detsfa btesh, tatse git fengeshwotsoknowere tatse git melakiwots need’dek’tni bokotfere botesh, bofengeshatsnowere Isra’el jir tatse gitwots shúútswots guut’eyatni botesh. 13 ✝Aaw keshon keez fengeshwots, gaar kawon keez fengeshwots, muur kááwon keez fengeshwots, aaw kindon keez fengeshwots fa’ano botesh. 14 Kitman gmbi kas’o b́ned’ok tatse git shutswotsi detsfe b́tesh, b́ned’ok manotsatsnowere tatse git mereero woshetsúwots shúútso guut’ere b́teshi,

22 Jam falts doonzo Izar Izewernat mereeron b S’ayin maa bowottsotse kitutse S’ayin moo be’atse, 23 ✝Ik’i mango bish b́ c’eeshitwotsenat mereronu b c’eesho b́wottsotse kitmansh aawo wee aashitso bish b́c’esho geyiratse.

1 ✝Maniyere il melakiyo Ik’onat mereero naashi joorotse keshiru mastayiti s’ayinok’o golirwo kash imts aatsi foko taash b́kitsi, 2 ✝fokaan kitutsi een een werindwotsi taalon kap’de’er beshitwe, fokman giromaantsonat k’aniweeron shaash shaashon shuufetst worwotootse tatse gitoto shuwo imet kashi mito fa’e b́teshi, mitman maarwotswere ash kashiykno. 3 ✝Haniyere okonowere kon naari c’asho aaliye, Ik’onat mereeron naashi jooro kit manits wotituwe, b́ guutswotswere bín ik’itune. 4 B́ shitsono bek’etúnee, b́ shúútsonwere bo barats wotitwe. 5 ✝Haniyere okoon t’úwo beeratse, doonzo Izar Izewer boosh b́ sháánitwotse, aaw golo wee c’eeshi shááno boosh geyiratse, dúre dúrosh naashitúne.

16 Andmó iki bogtso, darotse fa’a datso miraac’irunee, mansh Ik’o kito boosh b́ k’anitsotse «Noko Izar Izeweri» err bín bos’eegal bín jitsiratse.

22 Itiyelee S’iyon guromants t’inwtsertee, bihe kashetso Ik’o kito wotts daritstsu Iyerusalemiye, genee’úwon kakwedek’tswotsok, ay kumon taawet mlakiwotsok t’inrte, 23 ✝Bo shúútso darots guut’etswotsok, k’aab nana’a wotts amantsuwots ko’eetsok, kááw angshitu Izar izewerokonat s’ayin wotat daatsts shayirwotsok t’inrte.

24 Handr taareyosh dag taalotse manik wottso Iyesusnat Abeel s’atsoniyere k’antso keewiru fakets s’atsookowere t’inrte.

26 Dambe darotsik wottsu Iyerusalemmó goniyaliye, biye no indiye.

1 Manats dabt Iyesus hank’owa bíet, «Kic’k’ayere, Ik’on amanore, taanowere amanore, 2 Tnih mootse ay beewoke fa’oni, mank’o wotob́k’azink’eremó it beetwoko k’aniyosh ametuwe erawnk’e b́teshi. 3 Amr beyoko itsh t k’aniyakon taa t beyirwoke itwere it beetwok’o aanar waar itn dek’etwe.

11 Eshe káári weetwe, ni akliliyo konwor niyatse k’aa’úb́de’awok’o ndetstso kup’shde deshde’e. 12 ✝Da’adek’tso ti Ik’o Izar Izewer mootse íro woshitwe, manoknowere b́ jamon keyatse, Ik’o Izar Izewer shúútsonat Izar Izewer kitu shúútsonowere bíyats guut’etuwe, kitmanwere darotse Izar Izeweroke oot’etu handru Iyerusalemiye, t shútsi handronowere bíyats guut’etwe.

19 ✝Konworu bek’i mas’afanits guut’etswotsitse ik keewo b́ shapiyal, mas’afanitsitse keewets kash imet mit shuwonat S’ayin kitutsere Ik’o b́ bano shapitwe.