A nova jerusalém

2 तब् मै पवित्र शहरहे फेन देख्नु, जोन लावा यरुशलेम हो। जोन शहर परमेश्वरके थेनसे स्वर्गमेसे तरे ओहोँर आइतेहे। उ शहरहे एकथो दुल्हन्याँ हस तयार करगिल रहिस, जिहिहे लुग्गा घलागिल रहिस, और शृंगार करगिल रहिस और जे दुल्हासे भोज करक लग तयार बा। 3 तब मै एकथो आवाज सुन्नु जोन परमेश्वरके सिंहासनमेसे जोरसे बोलल, "हेरो, आबसे पक्कै फेन परमेश्वर मनैनके संग बैठिहीँ। और ओइने हुँकार अपन मनै रहिहीँ। ऊ अप्निहीँ ओइन्हे अपन मनैनके रुपमे स्वीकार करहीँ। और ऊ ओइन्के संग रहिहीँ। और ओइने फेन हुँकिन्हे अपन परमेश्वरके रुपमे स्वीकार करहीँ। 4 और परमेश्वर ओइन्के आँखीमेसे सक्कु आँश पोँछदिहीन। और ओइन्मेसे केऊ फेन कब्बु नै मुहीँ। और कौनो मनै कबु फेन दुःखके महसुस नै करहीँ, या कबु फेन नै रुइहीँ और ना दुखाइक अनुभव करहीँ। काकरेकी पुरान संसार आब अस्तित्त्वमे नै हो। पुरान संसारके सारा चिज गायब होगिल बताँ।"

लावा यरुशलेम

10 तब मै पवित्र आत्मक शक्तिक माध्यमसे स्वर्गदूतके अगुवाइमे एकथो बहुत ढेंग पहाड़मे लैजागिनु। और पवित्र शहर यरुशलेमहे परमेश्वरके थेनसे स्वर्गमेसे तरे ओहोँर आइत देखाइल। 11 उ शहर परमेश्वरके थेनसे मिल्ना तेज ओजरारसे चम्कतेहे। और यशब नाउँक बहुमूल्य पठरा हस चम्कतेहे, और उ सिसा हस सफा रहे। 12 उ शहरके चारु ओहोँर एकथो महा ढेंग देवाल रहे। और उ शहरके भित्तर जैना बाह्रथो दवार रहिँत। और ओइन्मेसे हरेक दवारमे स्वर्गदूतनके अख्वारी करतिहिँत। और उ दवारीनमे इजरायलके बाह्रथो कुलके नाउँ लिखल रहिन। 13 उ शहरके चारु ओहोँर तीन-तीनथो दवार रहिँत: पूरुव, पश्छिउँ, उत्तर और दक्खिन। 14 ओइने शहरके देवाल बाह्रथो बर-बर पठरक उप्पर बनाइल रहिँत। प्रत्येक पठरामे पठ्वक बाह्रथो निउतरह्यनमेसे एक-एक जहनके नाउँ लिखल रहिन।

लावा यरुशलेमके महिमा

22 मै ओम्ने कौनो मन्दिर नै देख्नु काकरेकी सर्वशक्तिमान प्रभु परमेश्वर और पठ्वा उ शहरमे बताँ। तबेकमारे वहाँ मन्दिरके कौनो जरुरी नै हो। 23 उ शहरहे ओजरार करक लग सूर्य या जोन्ह्यँक कौनो जरुरी नै हो। काकरेकी परमेश्वरके महिमा उ शहरमे चम्कथिन। और पठ्वा फेन बताँ, जे उहिहे ओजरार बनैथाँ।

जीवनके लदिया

1 तब् स्वर्गदूत महिन्हे एकथो लदिया देखाइल, जेम्ने जीवनके पानी रहे। पानी सफा सिसा हस रहे। यी लदिया परमेश्वर और पठ्वक सिंहासनमेसे बहतेहे। 2 लदिया उ शहरके डगरके बिच्चेमेसे निकर्ती जाए। और लदियक आँरितिरतिर जीवन देना रुख्वाहे देखे सेकजाइत। ओसिन रुख्वामे बाह्र मेरिक फारा फरथाँ। और हर महिना यने अलग-अलग मेरिक फारा फरैथाँ। और यनके पटिया असिन बिरुवा हुइतिन, जोन बिरुवा पृथ्वीक सक्कु जातिक मनैनहे चोख्वाई सेकत। 3 परमेश्वरके अस्वीकार कर्लक कौनो फेन मनै या चिज उ शहरमे नै मिल्हीँ। परमेश्वर और पठ्वक सिंहासन उ शहरमे रहिहिन। और परमेश्वरके सेबकनके हुँकार आराधना करहीँ। 4 ओइने परमेश्वरहे अपन आमनेसामने देख्हीँ। और परमेश्वरके नाउँ ओइन्के लिल्हारीमे लिखल रहिहिन। 5 और वहाँ फेनदोस्रे कबु रात नै हुई। जोन मनै वहाँ रथाँ, ओइन्हे अपन डगरमे ओजरारके लग दियक कौनो जरुरी नै हुइतिन। ना ते ओइन्हे ओजरारके लग सूर्यक जरुरी बतिन। काकरेकी परमेश्वरे हुइँत, जे मनैनहे ओजरार देथाँ। और वहाँ रहुइया यी मनै ओइने सदादिनके लग राज करहीँ।

16 पर ओइने आकुर मजा देश, अथवा एकथो स्वर्गीय देशके चाहना करथाँ। तबेकमारे ओइन्के परमेश्वर हुइतुँ कहिके परमेश्वर गर्व करिँत। काकरेकी ओइन्के लग परमेश्वर एकथो शहर तयार पारदेले बताँ।

22 पर तुहुरे ते सियोन पहाड़मे आइल बतो, जहाँ स्वर्गक यरुशलेम बा, जोन जित्ती परमेश्वरके शहर हो। जहाँ लाखोँ स्वर्गदूतनके आनन्द-उत्सव मनैथाँ। 23 तुहुरे परमेश्वरके बरका सन्तानके सभामे आइल बतो, जेकर नाउँ स्वर्गमे लिखल बा। ओइने स्वर्गमे रहुइयन धर्मी मनैनके आत्मा हुइँत, जेने अब्बे सिद्ध बनागिल बताँ। तुहुरे अप्निहीँ परमेश्वरके थेन आइल बतो, जे सक्कु मनैनके न्यायधीश हुइँत। 24 तुहुरे येशूक थेन आइल बतो, जे परमेश्वर और हमार बिच्चेम लावा करार बहन्थाँ। तुहुरे हुँकार छिट्लक खुनके थेन आइल बतो, जोन हाबिलके खुन हस न्यायक लग चिल्लैनक सटाहा माफिक बारेमे कहत।

26 सारक तुलना उ यरुशलेमसे करे सेकजाइत जोन यरुशलेम स्वर्गमे बा। आब हमार लग सारा एकथो दाईक हस हो। काकरेकी सारा गुलामीमे नै रहे, और हम्रे मोशक नियम कानुनके पालन करनासे स्वतन्त्र बती।

चेलनहे येशूक सान्त्वना

1 येशू कलाँ, "तुहुरिन्के मन ना घब्राए। तुहुरे परमेश्वरके उप्पर विश्वास करथो, मोरिकमे फेन विश्वास करो। 2 मोरिक बाबक घरेम रना ठाउँ बहुत्ते बा। यदि ओसिक नै रहत कलेसे, मै तुहुरिन्हे नै कतुँ, कि तुहुरिन्के लग ठाउँ तयार पारे जाइतुँ। 3 तब् जाके मै तुहुरिन्के लग ठाउँ तयार पारके सेकके मै फेनदोस्रे अइम। और तुहुरिन्हे मोरिक संग रहक लग लैजिम, और मै जहाँ बतुँ, वहाँ तुहुरे फेन रबो।

11 मै झत्तेहेँ आइक लग बतुँ; तबेकमारे, तैँ पक्कासे विश्वास लगातार करल पलिरहिस, ताकि केऊ फेन तोरिक जित्लक ईनाम छिने ना सेके। 12 जोन मनै जीत हाँसिल करहीँ, ओइने उ परमेश्वरके मन्दिरके खम्भा हस हुइहीँ, जोन परमेश्वरके मै आराधना करथुँ। और ओइने उहिहे कबु नै छोरे पर्हिन। ओइने परमेश्वरके हुइँत कहिके मै ओइन्के शरीरमे हुँकार नाउँ और हुँकार शहरके नाउँ लिख देहम। यी वहे शहर हो, जिहिहे लावा यरुशलेम कहिजाजाइत। यी वहे शहर हो, जोन स्वर्गमेसे मोरिक परमेश्वरके थेनसे तरे आई। ओइने मोरिक हुइँत कहिके ओइन्के शरीरमे मै अपन लावा नाउँ फेन लिखम।

19 और यदि तुहुरे यी किताबके अगमवाणीक सन्देशमेसे कुछु फेन निकर्बो कलेसे परमेश्वर तुहिन्से उ आशिष लैलिहीँ, जेनके व्याख्या यी किताबमे करगिल बा। परमेश्वर जीवन देना रुख्वक फाराहे खैना और पवित्र शहरमे रना तुहुरिन्के अधिकार फेन छिनालिहीँ।