A nova jerusalém

2 Сонда мен көктен, Құдайдың қасынан түскен қасиетті қаланы: жаңа Иерусалимді байқадым. Ол күйеуінің алдынан шығуға безеніп киінген қалыңдықтай дайындалған еді.*3 Көктегі тақтан былай деген зор дауысты естідім: «Қараңдар, Құдайдың адамдар арасындағы тұрағы!* Ол солармен бірге тұрып, олар Оның халқы болмақ. Осылай Құдайдың Өзі солармен бірге мекендеп, олардың Құдайы болады! 4 Ол барлық көз жастарын сүртіп тастап жұбатады.* Енді қайтып өлім, жоқтау, зар еңіреу мен ауру болмайды. Себебі бұрынғы әлем құрып, жоқ болды».

10 Сонда періште мені Киелі Рухтың әсерімен* биік те ұлы таудың басына алып шығып, маған қасиетті Иерусалим қаласын көрсетті. Ол көктен, Құдайдың қасынан түсіп, 11 Оның нұрлы салтанатына кенелді. Қала өте құнды асыл тас іспетті, мөлдір тастай айқын яспис сияқты жалт-жұлт етіп жарқырап жатты.*12 Оны өте биік қабырға қоршап, он екі қақпасында он екі періште тұрды. Қақпаларда Исраил халқының он екі руының аттары жазылған екен. 13 Әр жақта үш қақпадан болды: шығыс, оңтүстік, солтүстік және батыста үшеуден. 14 Қала қабырғасының он екі іргетасы да бар екен, оларға Тоқтының он екі елшісінің есімдері* жазылыпты.

22 Қаладан киелі үйді көрмедім. Себебі оның киелі үйі — бүкіл әлемнің Билеушісі Құдай Ие және Тоқты.*23 Қалаға жарық түсіру үшін күн мен айдың да қажеті жоқ: Құдайдың нұрлы салтанаты оны жарқыратады, әрі Тоқты да — оның шам-шырағы іспетті.

Жаңа пейіштегі өмір суының қайнар көзі

1 Періште маған Құдай мен Тоқтының тағынан бастау алған мөлдір тастай жылтылдаған өмір суының өзенін де көрсетті.*2 Ол қала көшесінің ортасымен төменге қарай ағады. Өзеннің әр жағасында өсіп тұрған мәңгілік өмірді сыйлайтын ағаш* ай сайын, жылына он екі рет, жеміс береді. Ал жапырақтары халықтарды сауықтыруға арналған.*3 Қарғалған* еш нәрсе де осы қаладан табылмайды. Құдай мен Тоқтының отырған тағы* қаланың ішінде. Құдайдың қызметшілері Оған бас ұра қызмет етіп,*4 Оның бет-жүзін көретін болады. Маңдайларында Оның есімі жазылып тұрмақ.*5 Енді ешқашан түн болмайды. Оларға шам-шырақ пен күн сәулесінің қажеті жоқ, себебі Құдай Иенің нұры түсіп тұрады. Олар мәңгі патшалық құрмақ.*

16 Ал олар одан гөрі жақсы елді, яғни көктегі отандарын, аңсап күтті. Сол себептен де Құдай олардың Құдайы деп аталудан бас тартпайды,* соларға арнап Ол көкте мәңгілік қаланы дайындап та қойды.

22 Ал сендер рухани Сион тауына, яғни мәңгі тірі Құдайдың көктегі Иерусалим қаласына, әрі ондағы сан мыңдаған періштелерге келдіңдер. 23 Сондай-ақ, сенушілердің мерекелік жиыны мен қауымына қосылдыңдар. Сендер де, біз де Тәңір Иеге әке мен тұңғыш баласындай жақынбыз, есімдеріміз Оның көктегі кітабына жазылған.* Барлық адамдарға үкім шығаратын Құдайдың алдына, әрі өткен кезеңдерде сенімдері арқылы ақталып, мақсаттарына жеткендерге 24 және Жаңа Келісімнің негізін салған* Исаға да келдіңдер. Оның төгілген қаны Әбілдікінен гөрі игілікті хабарға меңзейді.*

26 Бірақ көктегі Иерусалим ерікті, біздің рухани анамыз — сол!

Құдайға апаратын жол — Мәсіх Иса

1 — Көңілдерің толқымасын! Құдайға сеніңдер және Маған да сеніңдер! 2 Көктегі Әкемнің үйінде тұратын орын көп. Егер солай болмаса, Мен сендерге айтқан болар едім ғой.* Енді сол жерден сендер үшін орын дайындауға бара жатырмын. 3 Барып, дайындап болғаннан кейін қайтып келіп, Өзім болатын жерде сендерді де болсын деп қасыма алып кетемін.

4 Бізге халықтарды бағындырады,

Жау ұлттарды табанымызға салады.

35 Қала шегінің айналдыра ұзындығы он сегіз мың шынтақ болмақ.

Сол кезден бастап, қаланың аты «Жаратқан Ие осында тұрады!» деп аталмақ».*

10 «Қуана ән салып шаттаныңдар, уа, Иерусалимнің халқы! Мен сендердің араларыңда тұруға келе жатырмын! — деп уәде етеді Жаратқан Ие. — 11 Сол күні көптеген ұлттар Менімен тығыз байланысқа түсіп, Менің халқым болады. Мен сендердің араларыңда тұрамын». — Сол кезде сендер мені өздеріңе жіберген Әлемнің Иесі екенін анық білетін боласыңдар. 12 Жаратқан Ие Яһуданы Өзіне бағышталған қасиетті еліндегі айрықша үлесі* ретінде қабылдап, Иерусалимді (өз қаласы болуға) қайтадан таңдап алады.

11 Мен жуырда келемін. «Жеңісіңнің тәжін»* сенен ешкім тартып алмау үшін, өзіңде бар рухани игіліктерді берік ұста! 12 Жеңіп шыққан әркімді Мен Құдайымның киелі үйінің «бағанасы» қылып қадірлеймін; ол содан ешқашан шықпайтын болады. Сол жеңімпазға Құдайымның атын әрі Оның қаласының атын, яғни көктен, Оның қасынан түсетін жаңа Иерусалимнің атын, және Өзімнің жаңа атымды да жазамын.

19 Ал кімде-кім Құдайдың хабары жазылған осы кітаптың сөздерінен бір нәрсені алып тастаса, Құдай оның осы кітапта бейнеленген мәңгілік өмір сыйлайтын ағаштан* және қасиетті қаладан* иемденетін үлесін де алып тастайды.