A nova jerusalém
A Nova Jerusalém é a cidade de Deus que desce do céu, morada eterna dos redimidos. Nela não haverá mar, morte, choro nem dor — Deus habitará com seu povo para sempre.
A cidade celestial
João viu a santa cidade, a Nova Jerusalém, descendo do céu como noiva adornada para o esposo. Ali Deus morará com seu povo.
kara ngoi to oḏi’i limau 'ofi-'ofi, gena-ge limau Yerusalem su-sungi, 'uci da’u soroga ra Ma Jou’ongu Madutu tala. Limau gena-ge 'i sidodahe pasala ḏua sa’olo diai geri molo’ara we-were’a matengo di’a mo ma’u sanga geri molo’ara na-nau’u. Re ngoi to 'isene iḏingi ra Ma Jou’ongu Madutu 'ai ḏe-ḏegoro gena-ge 'i kanau ya siduga-duga, ma betongo so’o ne: "Mulaingi nange-ne Ma Jou’ongu Madutu 'o tegoro re 'o 'ahu toma manusia manga sigolona. Ananga ḏuanga i’a 'aḏi dadi Unanga 'ai ngowa-ngowa’a. Re Ma Jou’ongu Madutu masiretene 'age Ma Jou’ongu Madutu ga’a ananga 'aḏi silamo’o re siḏubuso. Unanga 'o singi-ngiranga ananga manga la’o ma 'ongoro. Kama sengene riwara, kama 'akala kangela riwara, kama rerese ma gaḏi riwara bolo kama basono si-siḏi riwara. Sababu 'ori i’a ma siḏa gena-ge ri iranga mo-moini ḏua."
Dadi Ma Ngagara 'Ofi-'Ofi ri ḏegoro ngoi kara mala’ekata gena-ge ro gasa ngoi toma kie kau’u madutu ma tubu. Unanga 'o sijumu ra ngoi Yerusalem, gena-ge limau 'Ofi-'Ofi, enanga aro 'uci-'uci da’u soroga ra Ma Jou’ongu Madutu tala. Limau gena-ge 'i romanga reo cahaya re mulia ra Ma Jou’ongu Madutu ino, ma lalaki sa’olo maḏi parmata re maḏi baiduri pandan, re ma lalara ma tero sa’olo kristal. Limau ma hisa dounu 'i sigoloḏi lai kau’u re lai te’e, re ma ngalana lamo’o nyagi moi re romoḏiḏi: Ngalana rimoi ma jaga mala’ekata matengo. Toma ngalana-ngalana lamo’o gena-ge 'i silefo lomanga suku bangsa Israel nyagi moi re romoḏiḏi. 'Age rema ngalana lamo’o ro’ange sitalaḏi toma wangere ma la’o, ro’ange sitalaḏi toma kore sara, ro’ange sitalaḏi toma kore mie, ro’ange sitalaḏi toma wangere ma soḏu. Limau gena-ge ma hisa dounu simomi’i toma maḏi bangini nyagi moi re romoḏiḏi ma re’u. Toma maḏi bangini nyagi moi re romoḏiḏi gena-ge 'i silefo Doba ma Ngowa 'ai so-soma’a nga nyagi moi re nga muḏiḏi manga lomanga: Maḏi bangini rimoi, lomanga rimoi.
Toma limau gena-ge ma dara, ngoi to oḏi’i ua Ma Jou’ongu Madutu 'ai Wala, sababu 'age Ma Jou ga’a Ma Jou’ongu Madutu, Unanga ga’a 'Ai kuasa ma pari cua, re Doba ma Ngowa toma limau gena-ge ma dara. Dadi Wala gena-ge 'i paralu riwara. Limau gena-ge paralu ua wangere ma la’o ya 'erese, bolo ngara ya 'erese, sababu Ma Jou’ongu Madutu 'ai mulia masiretene ya 'erese toma limau gena-ge re Doba ma Ngowa gena-ge 'i 'erese ḏi’i sa’olo lapuru.
Mala’ekata gena-ge 'o sijumu ra ngoi ḇanyo ma lese ga’a ma ḇanyo 'i pula’a 'ahu. Ḇanyo gena-ge 'i ciḏo-ciḏoto sa’olo kristal re 'i waloro re 'i 'uisi ra Ma Jou’ongu Madutu re ra Doba ma Ngowa manga ḏe-ḏegoro ino. Re ḇanyo gena-ge 'i 'uisi toma limau gena-ge ma ngo’omo lamo’o ma golona. Toma ḇanyo ma 'uḏu kaci ḏiḏi 'i konyo ate ga’a 'i pula’a 'ahu, enanga gena-ge 'i sowo’o musungu rimoi soi nyagi moi romoḏiḏi: Ngara moi, soi moi. Ma so’a ngowa-ngowa’a mo-moini ya pake di’a manga sou’u, la si-la manga si-siḏi. Toma limau gena-ge ma dara, 'ori i’a rimoi i’a mai ua nga’unu katula ra Ma Jou’ongu Madutu.
'Age Ma Jou’ongu Madutu re Doba ma Ngowa manga ḏe-ḏegoro toma limau gena-ge ma dara. Re 'Ai falalomu-falalomu 'aḏi de-de’oso Unanga, re ya oḏi’i Unanga 'ai biono masiretene re 'Ai lomanga 'i silefo tamanga memese. Lobi’i re hafu-hafu 'i cua. Ananga 'aḏi paralu ua wangere ma la’o ma ciḏoto bolo lapuru malejanga ma tarangi sababu Ma Jou’ongu Madutu masiretene ḏuanga i’a 'o pula’a tarangi ra ananga. Re ananga ḏuanga i’a 'aḏi pareta sa’olo 'olana kasingado-ngadolo i’a.
A pátria celestial
Os patriarcas aguardavam uma cidade que tem fundamentos, cujo arquiteto e construtor é Deus. Nosso lar eterno está além desta vida.
Mada’a ma nyonyata ananga si’elingi ie 'o nagara lebe rousu, gena-ge nagara toma soroga. Sababu gena-ge Ma Jou’ongu Madutu 'o mara’a ua, na’o ananga 'aḏi si’aro’o Unanga, Ma Jou’ongu Madutu ga’a ananga 'aḏi silamo’o re siḏubuso, sababu Unanga ra sidodahe limau rimoi di’a ananga.
Siḏibo ḏi’i, ngini reni sapolo talaḏi toma Kie Sion, limau Yerusalem toma soroga, gena-ge Ma Jou’ongu Madutu ga’a 'ahu, Unanga 'ai limau. Ngini reni talaḏi toma mala’ekata rema cala-cala ga’a 'o malomu re 'o maroanga talaḏi ra Unanga gena-ge. Ngini reni sapolo talaḏi ra Ma Jou’ongu Madutu 'ai ngowa nau’u ma jomolo manga lo-lomu, ga’a manga lomanga 'i silefo toma soroga. Ngini reni sapolo talaḏi ra Ma Jou’ongu Madutu ga’a 'o sijuruhakimi manusia mo-moini, ngini reni sapolo talaḏi ḏi’i ngowa’a loasa re banari manga roh, ananga gena-ge ga’a raḏi sengene re raḏi dadi ti-tiai toma soroga. Ngini ni sapolo talaḏi ra Yesus ga’a 'o dadi lese to golona di’a jaji ma su-sungi. Unanga gena-ge 'ai ngaunu lebe rousu rea Habel 'ai ngaunu. Sababu wakutu Yesus 'ai ngaunu 'i pa’ala, Ma Jou’ongu Madutu 'o singi-ngiranga ninga ḏosa. Mada’a wakutu Habel 'ai ngaunu 'i pa’ala, Ma Jou’ongu Madutu 'o sihukumu 'a Kain.
Mada’a ngo Sara we-were’a budaka ua ma tero sa’olo Yerusalem ga’a toma soroga. Sababu munanga gena-ge re 'ami ngowa’a 'aḏi 'ahu bebasa ra Musa 'ai hukumu. Re ḏi’i munanga mo dadi ngina di’a ngowa’a mo-moini ga’a raḏi bebasa ra Musa 'ai hukumu.
Yesus 'o kanau moju, "Awa ngini ninga 'akala re sinyingara 'i kangela. Ni ngaku tau-taunu Ma Jou’ongu Madutu re ni ngaku Ngoi tau-taunu ḏi’i. Tari Ḇaḇa 'ai wala 'age kamara ma repe. Ngoi ḏuanga i’a to tagi di’a ta sidodahe ngini ninga kamara-kamara. Ngoi to kanau ra ngini so’o gena sababu mode-mode’e 'age rema kamara-kamara gena-ge di’a ngini. Ngoi ḏuanga i’a to tagi to sidodahe kamara di’a ngini. Sababu gena-ge, Ngoi dadunu to sapolo moju di’a Tini gasa Tari ngi’i, la le’a Ngoi gena, ngini gena ḏi’i.
A glória da Nova Jerusalém
Deus habitará no meio do seu povo. Sua presença será a luz da cidade, e o rio da vida fluirá do trono de Deus e do Cordeiro.
Ti’ara riwara, Ngoi to sapolo! Macako’o namo-namoto Tari do-doto’o ga’a ngini rena waro, la matengo i’a mai ua ya rabasa ninga ngogele.
'A guna ḇato 'ai ngo-ngaku ra Ngoi kama elala ua singadolo 'o sengene, ḏuanga i’a Ngoi ta’u sidadi ananga sa’olo 'Ari Jou’ongu Madutu 'ai Wala ma ngasu’u lamo’o. Re ḏi’i unanga 'o tegoro Tari ngi’i gena-ge kasingado-ngadolo i’a. Re 'Ari Jou’ongu Madutu 'ai lomanga re 'Ari Jou’ongu Madutu 'ai limau ma lomanga -- gena-ge Yerusalem su-sungi ga’a 'i 'uci da’u soroga tala Tari Jou’ongu Madutu -- ḏuanga i’a ta silefo lomanga mo-moini gena-ge ra ananga manga lese matengo re matengo. Re 'Ari lomanga su-sungi ta silefo ra ananga manga lese matengo re matengo ḏi’i.
Re na’o 'a guna ḇato 'a sikuranga nubuata nena-ne, Ma Jou’ongu Madutu ḏi’i 'a sikuranga unanga 'ai balangu toma ate 'ahu-'ahu ma sowo’o re toma limau 'ofi-'ofi gena-ge ga’a 'i siajele toma boku nena-ne.