A nova jerusalém
A Nova Jerusalém é a cidade de Deus que desce do céu, morada eterna dos redimidos. Nela não haverá mar, morte, choro nem dor — Deus habitará com seu povo para sempre.
A cidade celestial
João viu a santa cidade, a Nova Jerusalém, descendo do céu como noiva adornada para o esposo. Ali Deus morará com seu povo.
A xei beyeeng vambuing wei Yerusalem vako yo, eno toundei is Anutu me di lam axone veil tyoung gheyapu nambei vex wei embei mendei leya yo eno vunekwou xow atax wo nimza en leya. De a ngo vya taxeing ti nanghei siaking eno neil, "Wei! Anutu beeng eno toundei is xomaxoneing me e mindei is xel. Xel xomaxoneing on e xe, me tyek Anutu venaxow na toumendei is xel me mendei nambei xel xe Anutu. Moxo tyek davu xel mendlouk sapa veil xel mend. Me xelti tyek se nox amey no o bong talot o engeing o daxe vanei en lulul wei myaxeeng eno lati dei ti se toundei no."
Me Laweeng Vambuing lam eivek ay de angela qou ay me la lukendu ngandoung wei gheyapu yo ti, me talex Beyeeng Vambuing Yerusalem wou ay, wei di lam veil Anutu nanghei tyoung gheyapu nei me lam axone. E tel en Anutu xe xeiyaing ngandoung. E xe xeiyaing nei siing ngandoung nambei qakous nimza maseim me nambei qakous jaspa wei mi tel nambei dewek o. E xe tete nei vaxading ngandoung is tete mya nei xoumeeng yuw me angela xoumeeng yuw toungale wou tete mya. Xel byex Israel velei xoumeeng yuw on leind eno lek tete beimambei yon mya. Tete mya yayal toungale ninei, yayal toungale punei, yayal toungale xonei de yayal toungale xeinei. Tete qes wei beyeeng ngandoung on eno xe qakous xoumeeng yuw me sinale xoumeeng yuw wei Sipsip Lingheing xe eno leind toungale lek qakous qes on.
A se xei xomek vambuing ti eivek beyeeng ngandoung on, en Tambiy Ngandoung Anutu Nikanzekta me Sipsip Lingheing nei eno nyei luw xomek vambuing. Beyeeng ngandoung on se teyeimbei seiv o dentouk a siing lek, en nambei xeiyaing ngandoung wei Anutu yo mi wo xeiyaing wou, de Sipsip Lingheing eno inyei e xe lam.
Woyom angela talex memiing ngandoung wei memiing mapieing o wou ay, wei tel ambei dewek me di lam me la eivek siaking wei Anutu me Sipsip Lingheing xe yo. Lam axo eivek sakwaing ngandoung wei beyeeng ngandoung on masenghoing. Xax wei mapieing eno toungale wou memiing ngandoung nenyawes valuvalu. De neing mi vuk teyei lek dentouk tambak eivek vakovek qes ti. De lis wei xax on eno nyei mi wo xomaxoneing tembuing sapa mi wo nimzalek. Tyek qayeeng wei neil vyalek eno na ma. Siaking wei Anutu yo me Sipsip Lingheing eno tyek na toumendei eivek beyeeng ngandoung on, me e xe xukxeyeiw tyek mendi bo lalo wou e. Tyek xel gyei e manghalus, de e lei tyek mendei lek xel dambendmya. Boukeing tyek na ma veil. Tyek xel se bounaleind en xeiyaing wei lam o, o xeiyaing wei sayeiv o, en Tambiy Ngandoung Anutu tyek na tel lek xel. Me tyek xel mendei nambei king luta luta.
A pátria celestial
Os patriarcas aguardavam uma cidade que tem fundamentos, cujo arquiteto e construtor é Deus. Nosso lar eterno está além desta vida.
Yesu neil embei, "Xam laleimim se bo maying. Xam ghe bongis Anutu, me xam ghe bongis ay is ambei nyon. Eivek Mang xe xomek nei eno lalei ngenong, wangwei se nambei nyon nei, on tyek a se neil wou xam. Om ambei na inyei me na menyex beyeeng wou xam. Me wangwei a na menyex wou xam bamim nei, on tyek a noum a qou xam me nana is xow, me beyeeng wei ambei mendei eno tyek xam ghe na mendei is ay.
A glória da Nova Jerusalém
Deus habitará no meio do seu povo. Sua presença será a luz da cidade, e o rio da vida fluirá do trono de Deus e do Cordeiro.
Tyek a nak wou wang daing. Om wa Zeimaxoun vati wei wa xe yo, en kandek xelti se qou wa xe xouveing. E wei xoklek nimaying eno tyek a balax e nambei mundeeng wei xomek vambuing wei a xe Anutu yo. Tyek se teyeimbei e nox me na veil no. Tyek a byex a xe Anutu lei lek e me beyeeng ngandoung wei a xe Anutu yo lei lek e is Yerusalem vako, wei lam xone veil tyoung gheyapu wei a xe Anutu yo, me tyek a byex leing vako lek e is ambei inyon.
Me wangwei xelti semaleeng qayeeng poropet wei di yeip eivek qapiya ne yo ti, yond Anutu tyek na zeim e ning lul nimza veil e, tyek se gya xaxaneing wei mapieing ne, me tyek se na eivek beyeeng vambuing ngandoung wei xel byex eivek qapiya ne yo.