Obediência aos pais

12 "तू अपणे माँ-बाप का आदर करिये, जिसतै जो देश तेरा परमेसवर यहोवा तन्‍नै देवै सै उस म्ह तू घणे दिन तक रहण पावै।"

16 अपणे पिता अर अपणी माँ का आदर करियो, जिस तरियां के थारे परमेसवर यहोवा नै थारे ताहीं हुकम दिया सै; जिसतै जो देश थारा परमेसवर यहोवा थमनै देवै सै उस म्ह थम घणे दिन ताहीं रहण पाओ, अर तेरा भला हो।

4 क्यूँके परमेसवर नै कह्या, ‘अपणे माँ-बाप की इज्जत कर, अर जो कोए माँ-बाप नै भुंडा बोल्‍लै, वो मार दिया जावै।’

माँ-बाप अर बाळक

1-3 पवित्र ग्रन्थ कहवै सै, के "अपणे माँ-बाप का आदर कर, तो तेरा भला होगा अर इस धरती पै तेरी उम्र भी लम्बी होवैगी।" अर यो परमेसवर की ओड़ तै दिया गया पैहला हुकम सै, जिसके गैल वादा भी सै। हे बाळकां आळो, यो थारे खात्तर सही सै, के थम जो परमेसवर पै बिश्वास करो सों, तो अपणे माँ-बाप का कहणा मान्‍नो। 4 हे बाळकां आळो, अपणे बाळकां नै गुस्सा ना दुवाओ, पर शिक्षा अर चेतावनी देंदे होए उनका पालन-पोषण करो।

20 हे बाळकों, सारी बात्तां म्ह अपणे-अपणे माँ-बाप के हुकम नै मान्‍नो, क्यूँके प्रभु इसतै खुश होवै सै।

दुष्ट सलाह तै बचणा

8 हे मेरे बेट्टे, अपणे पिता की शिक्षा पै कान लगा,

अर अपणी माँ की शिक्षा नै ना भूल्‍लै;

9 क्यूँके वे मान्‍नो तेरे खात्तर सिर पै सजण आळा मुकुट,

अर तेरे गळे का हार होवैंगी।

जारी तै सावधान

20 हे मेरे बेट्टे, अपणे पिता के हुकम नै मान,

अर अपणी माँ की शिक्षा नै ना छोड़।

21 उननै अपणे मन म्ह सदा गाँठ बाँधे राख;

अर अपणे गळे का हार बणाले।

22 वो चालण म्ह तेरी अगुवाई,

अर सोन्दे बखत तेरी रुखाळ,

अर जागदे बखत तन्‍नै शिक्षा देवैगी।

23 प्रभु का आदेश तो दीवा सै अर शिक्षा रोशनी,

अर सिखाण आळे की डाँट जीवन की राह सै,

बुद्धि के फायदा

1 हे मेरे बेट्टों, पिता की शिक्षा नै सुणो,

अर समझ पाण म्ह मन लगाओ।

2 क्यूँके मन्‍नै थारे ताहीं खरी शिक्षा दी सै;

मेरी शिक्षा नै ना छोड़ो।

3 देक्खो, मै भी अपणे पिता का बेट्टा था,

अर माँ का इकलौत्ता लाडला था,

4 अर मेरा पिता मन्‍नै यो कहकै सिखावै था,

"तेरा मन मेरै वचनां पै लाग्या रहवै;

तू मेरे हुकमां का पालन करै, तो तू जिन्दा रहवैगा।

5 बुद्धि नै पा ले, समझ नै भी पा ले,

उननै भूल ना जाईये, अर ना ए मेरी बात्तां नै छोड़िए।

6 बुद्धि नै ना छोड्डै, अर वा तेरी हिफाजत करैगी;

उसतै मोह राख, अर वा तेरा पैहरा देवैगी।

1 बुद्धिमान बेट्टा पिता की शिक्षा नै सुणै सै,

पर मखौल करण आळा फटकार नै भी न्ही सुणदा।

6 बाळक नै उसे राह की शिक्षा देओ जिस म्ह उसनै चालणा चाहिए,

अर वो बुढ़ापे म्ह भी उसतै न्ही मुड़ैगा।

15 छड़ी अर डाँट तै बुद्धि मिलै सै,

पर जो बाळक न्यूए छोड्या जावै सै वो अपणी माँ की बेजती का कारण होवै सै।

26 जो बेट्टा अपणे बाप नै उजाड़ै, अर अपणी माँ नै भगा देवै सै,

वो अपमान अर शर्म का कारण होवैगा।

17 जिस आँख तै कोए अपणे बाप नै अनादर की नजर तै देक्खै,

अर अपमान कै गैल अपणी माँ की बात ना मान्‍नै,

उस आँख नै तराई के काग खोद-खोदकै लिकाड़ैगें,

अर उकाब के बच्‍चें खा जावैंगे।

15 "जो कोए अपणे माँ-बाप नै मारै-पिटै तो वो जरुर मार दिया जावै।"

हठील्‍ला बेट्टा

18 "जै किसे का हठील्‍ला अर बिद्रोही बेट्टा हो, जो अपणे माँ-बाप की बात न्ही मान्‍नै, बल्के सजा देण पै भी उनकी ना सुणै, 19 तो उसके माँ-बाप उस ताहीं पकड़कै अपणे नगर तै बाहर फाटक कै लोवै नगर के अगुवां कै धोरै ले जावैं, 20 अर वे नगर के यहूदी अगुवां तै कहवैं, ‘म्हारा यो बेट्टा हठील्‍ला अर बदमाश सै, यो म्हारी न्ही सुणदा; यो उड़ाऊ अर शराबी सै।’ 21 फेर उस नगर के सारे आदमी उस ताहीं पथराव करकै मार दें, इस तरियां तै तू अपणे बीच म्ह तै इसी बुराई नै दूर करिये, फेर सारे इस्राएली सुणकै भय खावैंगे।"

20 जो अपणे माँ-बाप नै कोस्सै,

उसका दीवा बुझ जावै, अर घणा अन्धेरा हो जा सै।

7 थम दुख नै पिता की ताड़ना समझकै सह ल्यो, परमेसवर थारे ताहीं बेट्टा जाणकै थारे गेल्या सलूक करै सै वो कौण सा बेट्टा सै, जिसकी ताड़ना पिता न्ही करदा?

4 जै किसे बिधवा के बाळक या नात्ती-पोत्ते हों, तो वे सब तै पैहल्या अपणे ए कुण्बे कै प्रति अपणे फर्ज नै पूरा करकै परमेसवर का भगत बणणा सीखै, अर अपणे माँ-बाप के उपकारां का फळ दे, क्यूँके यो परमेसवर नै भावै सै।