Obediência aos pais

12 «ጎዳ ኔ ጾሳይ ኔስ ኢሚዛ ቢታን ኔ ዳሮ ላይ ዳና ማላ፥ ኔ ኣዋኔ ኔ ኣዮ ቦንቻ።✝

16 « ‹ታኒ ጎዳ ኔ ጾሳይ ኔና ኣዛዚዳ ማላ ኔ ኣዋኔ ኔ ኣዮ ቦንቻ፤ ኔ ሄሳ ኦኮ ጎዳ ኔ ጾሳይ ኔስ ኢሚዛ ቢታይን ኔ ላይ ኣዱቃናኔ ኔስ ኢንጄታና።✝

4 ጾሲ፥ ‹ኔ ኣዮኔ ኔ ኣዋ ቦንቻ፤ ባ ኣዋ ቦላ ዎይኮ ባ ኣዪ ቦላ ኢታ ቃላ ሃሳይዳዴይ ሃይቆ!› ጊ ኣዛዚዴስ።

ዬሊዳይታኔ ናይታ

1 ናይቶ! ኢንቴ ኢንቴና ዬሊዳይታስ ጎዳን ኣዛዜቲቴ፤ ሄሲ ኢንቴስ ቤሴስ።✝ 2 «ኔ ኣዋኔ ኔ ኣዮ ቦንቻ» ጊዛ ኣዛዞ ጊዶን ዲዛ ሂዶታይ ኮይሮ ኣዛዞ። 3 ኔ ሄሳ ኦኮ ኔስ ሎኣናኔ ኔስ ላይይ ቢታ ቦላ ኣዱቃና። 4 ዬሊዳይቶ! ኢንቴካ ኢንቴ ናይታ ሃንቄፍቴ፤ ጊዶ ኣቲን ኢንቴ ናይታ ጎዳ ዞሬኒኔ ሴራን ዲቺቴ።✝

20 ናይቶ! ኢንቴ ጎዳ ኡፋይሳና ማላ ኢንቴ ኢንቴና ዬሊዳይታስ ኡባ ሚሻን ኣዛዜቲቴ።✝

ዬላጋ ናይታስ ኢሜቲዳ ዞሬ

8 ታ ናዞ!

ኔ ኣዋ ዞሬ ኤዝጋ፤

ኔ ኣያ ታማርሲዛይሳካ ኣጎፋ።

9 ሄሲ ኔ ሁኤስ

ቦንቾ ካላቻ፤

ኔስ ቆን ኣዛ

ኣሌቆ ማላ ጊዳና።

ላይማፔ ሃኮ

20 ታ ናዞ! ኔ ኣዋ ኣዛዞ ፖላ፤

ኔ ኣያ ታማርሲዳይሳካ ኣጎፋ።

21 ኢስታ ኡባቶ ኔ ዎዚናን ኦይካ፤

ኔ ቆንካ ቃቻ።

22 ኔኒ ሄሜቲዛ ዎዴ

ኢስቲ ኔና ካሌና፤

ኔኒ ኢቺዛ ዎዴ

ኢስቲ ኔና ናጋና፤

ኔኒ ቤጎቲዛ ዎዴካ

ኢስቲ ኔና ዞራና።

23 ኣይስ ጊኮ ሃ ኣዛዞቲ ኔስ ጾምፔ፤

ቲሚርቴቲካ ፖኦ፤

ቃሴ ሴራይካ

ዴኦኮ ኤፊዛ ኦጌ።

ኣ ኤራቴ ጎኣ

1 ታ ናይቶ! ኢንቴ ኣዋ ዞሬ ሲዪቴ፤

ዎዚናን ዎ ኤዝጊቴ፤

ኣኬካካ ኢንቴስ ሚሽ ሂስቲቴ።

2 ታኒ ኢንቴስ ሎኦ ቲሚርቴ

ኢሚዛ ጊሻስ

ታ ቲሚርቴ ኣጎፍቴ።

3 ታኒ ታ ሁኤንካ

ታ ኣዋስ ዬላጋ ና፤

ታ ኣዬይስካ ሜጺ ኢሲ ና።

4 ታ ኣዋይ ታና ታማርሲሼ፥

«ታ ቃላ ኩሜ

ዎዚናን ኦይካ፤

ታ ኣዛዞታካ ናጋ፤

ኔ ሂስቲኮ ፓጻ ዴኣና።

5 ኣ ኤራቴኔ ኣኬካ ኦይካ፤

ታ ቃላ ዶጎፓ፤

ኢዚፔካ ካሬ ኬዞፓ።

6 ኣ ኤራቴ ኣጎፋ፤

ኢዛ ኔስ ጎንዳሌ ጊዳና፤

ኢዞ ሲቃ፤

ኢዛካ ኔና ናጋና።

1 ኤራ ናይ ባ ኣዋ ዞሬ

ዎዚናፔ ሲዬስ፤

ቂልጪዛይ ጊዲኮ ሴራ ሲዬና።

6 ናይ ዋኒዲ ዴኣና ቤሲዛኮ

ታማርሳ፤

ሂስቲኮ ኢዚ ጪሚዲካ

ሄሳፌ ሃኬና።

15 ጹንዱቂ ዲሾይ ናይታስ

ኣ ኤራቴ ኢሜስ፤

ጊዶ ኣቲን ዬዳ ዲጪዳ ናይ

ባ ኣዮ ካዉሼስ።

26 ባ ኣዋ ቦንቂዛ ናይ፥

ባ ኣዮካ ኬሲ ዬዴዛ ናይ

ኢዚ ዬላቴኔ

ካዉሻቴ ኤሂዛ ና።

17 «ባ ኣዋ ቂዛ ና ኣይፌኔ፥

ባ ኣዮ ካዛ ና ኣይፌ

ኬልካን ዴኢዛ ቁሮቲ ዎጫና፤

ኢዛ ኣሾዛ ኣንኮቲ ማና።

15 «ባ ኣዋ ዎይኮ ባ ኣዮ ዋዛ ኣሲ ኦኒካ ሃይቆ።

ኣዛዜቶንታ ናይታስ ኢሜቲዳ ዎጋ

18 ኣዋሲኔ ኣዪስ ኣዛዜቶንታ ኢጺዲ ኢስቲ ሙሪንካ ሲሞንታ ኢጺዳ ማካላንቻኔ ዎዚና ሙሜ ናይ ኢስታስ ዲኮ፥ 19 ኣያኔ ኣዋይ ባንቲ ዲዛ ካታማታ ጋርሳን ጪማቲ ፒርዲዛሶ ኤኪ ቤቶ። 20 «ሃይሲ ኑ ናዚ ዎዚና ሙሜ፤ ማካላንቻ፤ ኑስ ኣዛዜቴና፤ ማቴሲኔ ሚሽ ጮ ይሴስ» ጊ ጪማታስ ዮቴቶ። 21 ሄ ካታማይን ዲዛ ኣቱማ ኣሳይ ኡባይ ኢዛ ሹቻን ጫዲ ዎቶ፤ ኢንቴ ሄሳ ሂስቲኮ ኢንቴ ጋርሳፌ ኢታ ሚሺ ያና፤ ኢስራኤሌ ዴሬን ዲዛይ ዉሪ ሄሳ ሲዪዲ ያያና።

20 ባ ኣዋ ዎይኮ

ባ ኣዮ ጫዪዛዴስ፥

ጾምፔይ ሳካና

ማን ቶኣና።

7 ጾሲ ኢንቴና ባ ና ማላ ቆዲዛ ጊሻስ ሃንቆ ዳንዳይቴ፤ ኣዋይ ሃንቆንታ ናይ ኦኔ?

4 ኢሲ ኣምኤይስ ናይ ዎይኮ ና ናይ ዲዛ ጊዲኮ ሄ ናይቲ ባሶ ኣሳታ ማዳናሲኔ ባና ዬሊዳይታስ ካሴ ኢስቲ ኦዳይሳ ኩሼ ዛሮን ሃራፔ ካሴቲዲ ባ ኣማኖ ኦሶን ቤሳናሲኔ ታማራናስ ቤሴስ፤ ሄሲካ ጾስ ኡፋይሲዛይሳ።