Obediência aos pais

12 "તમારાં માતાપિતાનું સન્માન કરો, જેથી હું યહોવાહ તમારો ઈશ્વર તમને જે દેશ આપનાર છું તેમાં તમે લાંબુ આયુષ્ય પામો.

16 ઈશ્વર તારા યહોવાહે તને જેમ આજ્ઞા આપી છે, તેમ તારા માતા અને પિતાનો આદર કર, કે જેથી ઈશ્વર તારા યહોવાહે તને જે દેશ આપ્યો છે તેમાં તારું આયુષ્ય લાંબુ થાય અને તારું ભલું થાય.

4 કેમ કે ઈશ્વરે કહ્યું છે કે, ‘તમે તમારા માતાપિતાનું સન્માન કરો’ અને ‘જે કોઈ પોતાના માતાપિતાની નિંદા કરે તે નિશ્ચે માર્યો જાય.’

બાળકો અને માતાપિતા

1 બાળકો, પ્રભુમાં તમારાં માતાપિતાની આજ્ઞાઓ માનો, કેમ કે એ ઉચિત છે. 2 તારા માતાપિતાનું સન્માન કર. તે પહેલી વચન યુક્ત આજ્ઞા છે, 3 ‘એ સારુ કે તારું ભલું થાય, અને પૃથ્વી પર તારું આયુષ્ય દીર્ઘ થાય.’"

4 વળી પિતાઓ, તમારાં બાળકોને ખીજવશો નહિ, પણ પ્રભુના શિક્ષણમાં તથા બોધમાં તેઓને ઉછેરો.

20 બાળકો, તમે દરેક બાબતમાં તમારાં માતાપિતાની આજ્ઞાનું પાલન કરો, કેમ કે તે પ્રભુને પસંદ છે.

8 મારા દીકરા, તારા પિતાની શિખામણ સાંભળ

અને તારી માતાનું શિક્ષણ તજીશ નહિ.

9 તેઓ તારા મસ્તકે શોભાયમાન મુગટરૂપ

અને તારા ગળાના હારરૂપ થશે.

વ્યભિચાર સામે વધુ ચેતવણી

20 મારા દીકરા, તારા પિતાની આજ્ઞાઓનું પાલન કરજે

અને તારી માતાની શિખામણો ભૂલીશ નહિ.

21 એને સદા તારા હૃદયમાં બાંધી રાખજે;

તેમને તારે ગળે બાંધ.

22 જ્યારે તું ચાલતો હોઈશ ત્યારે તેઓ તને માર્ગદર્શન આપશે;

જ્યારે તું ઊંઘતો હશે ત્યારે તેઓ તારી ચોકી કરશે;

અને જ્યારે તું જાગતો હશે ત્યારે તેઓ તારી સાથે વાતચીત કરશે.

23 કેમ કે આજ્ઞા તે દીપક છે, અને નિયમ તે પ્રકાશ છે;

અને ઠપકો તથા શિક્ષણ તે જીવનના માર્ગદર્શક છે.

જ્ઞાનની ફળપ્રાપ્તિ

1 દીકરાઓ, પિતાની શિખામણ સાંભળો,

સમજણ મેળવવા માટે ધ્યાન આપો.

2 હું તમને ઉત્તમ બોધ આપું છું;

મારા શિક્ષણનો ત્યાગ કરશો નહિ.

3 જ્યારે હું મારા પિતાનો માનીતો દીકરો હતો,

ત્યારે હું મારી માતાની દૃષ્ટિમાં સુકુમાર તથા એકનોએક હતો,

4 ત્યારે મારા પિતાએ મને શિક્ષણ આપીને કહ્યું હતું કે,

"તારા હૃદયમાં મારા શબ્દો સંઘરી રાખજે

અને મારી આજ્ઞાઓ પાળીને જીવતો રહે.

5 ડહાપણ પ્રાપ્ત કર, બુદ્ધિ સંપાદન કર;

એ ભૂલીશ નહિ અને મારા મુખના શબ્દ ભૂલીને આડે માર્ગે વળીશ નહિ.

6 ડહાપણનો ત્યાગ ન કરીશ અને તે તારું રક્ષણ કરશે,

તેના પર પ્રેમ રાખજે અને તે તારી સંભાળ રાખશે.

1 જ્ઞાની દીકરો પોતાના પિતાની શિખામણ માને છે,

પણ અડિયલ દીકરો ઠપકાને ગણકારતો જ નથી.

6 બાળકે જે માર્ગમાં ચાલવું જોઈએ તેમાં ચાલવાનું તેને શિક્ષણ આપ

અને જ્યારે તે વૃદ્ધ થાય ત્યારે તેમાંથી તે ખસે નહિ.

15 સોટી તથા ઠપકો ડહાપણ આપે છે;

પણ સ્વતંત્ર મૂકેલું બાળક પોતાની માતાને બદનામ કરે છે.

26 જે પુત્ર પોતાના પિતાને લૂંટે છે અને પોતાની માતાને કાઢી મૂકે છે

તે બદનામ કરાવનાર તથા બટ્ટો લગાડનાર દીકરો છે.

17 જે આંખ તેના પિતાની મશ્કરી કરે છે

અને તેની માતાની આજ્ઞા માનવાની ના પાડે છે,

તેને ખીણના કાગડા કોચી કાઢશે

અને ગીઘનાં બચ્ચાં તેને ખાઈ જશે.

15 અને જો કોઈ પોતાના પિતાને કે માતાને મારે, તો તેને નક્કી મૃત્યુની સજા થાય.

અણકહ્યાગરા દીકરા બાબતે

18 જો કોઈ પુરુષને જીદ્દી અને બંડખોર દીકરો હોય અને તે તેના માતાપિતાનું કહેવું માનતો ન હોય અને તેઓ શિક્ષા કરવા છતાં પણ તેં તેમને ગણકારતો ન હોય. 19 તો તેમનાં માતાપિતા તેને પકડીને તેઓના નગરના વડીલોની આગળ અને નગરના દરવાજા પાસે તેને બહાર લાવે.

20 અને તેઓ તે નગરના વડીલોને કહે કે "આ અમારો દીકરો જીદ્દી અને બળવાખોર છે તે અમારું કહ્યું માનતો નથી. તે લાલચું અને મદ્યપાન કરનારો છે." 21 પછી તે નગરના બધા માણસોએ તેને પથ્થરે મારીને મારી નાખવો. અને આ રીતે તારે તારી વચ્ચેથી દુષ્ટતા દૂર કરવી. પછી બધા ઇઝરાયલીઓ તે સાંભળશે અને બીશે.

20 જો કોઈ વ્યક્તિ પોતાનાં માતા કે પિતાને શાપ આપે છે,

તો તેનો દીવો ઘોર અંધકારમાં હોલવી નાખવામાં આવશે.

7 જે શિક્ષા તમે સહન કરો છો, તે શિક્ષાણને માટે છે જેમ પુત્રની સાથે તેમ તમારી સાથે ઈશ્વર વર્તે છે, કેમ કે એવું કયું બાળક છે જેને પિતા શિક્ષા કરતા નથી?

4 વળી કોઈ વિધવાના સંતાનો અથવા સંતાનોના સંતાનો હોય તો તેઓ પ્રથમ પોતાના ઘર પ્રત્યે સમર્પિત બને અને પોતાનાં માતાપિતાનું ઋણ ચુકવવાનું શીખે, જે ખરેખર ઈશ્વર સમક્ષ રુચિકર છે.