Obediência aos pais

12 आपल्या बापाचा व आपल्या आईचा मान राख म्हणजे त्यामुळे परमेश्वर तुझा देव जो देश तुला देत आहे त्या देशात तू चिरकाळ राहशील.

16 आपल्या आईवडीलांचा मान ठेवा. ही तुमचा देव परमेश्वर ह्याची आज्ञा आहे. हिचे पालन केले तर तुम्हास दीर्घायुष्य मिळेल. तुम्हास दिलेल्या प्रदेशात तुमचे कल्याण होईल.

4 कारण देवाने सांगितले आहे की, ‘तुझ्या आई-वडीलांचा मान राख आणि जो कोणी आपल्या आई-वडीलांबद्दल वाईट बोलतो, त्यास जिवे मारावे.’

पालक आणि मुले

1 मुलांनो, प्रभूमध्ये आपल्या आई-वडीलांच्या आज्ञा पाळा कारण हे योग्य आहे. 2,3 "आपल्या वडिलांचा व आईचा मान राख, यासाठी की तुझे सर्वकाही चांगले व्हावे व तुला पृथ्वीवर दीर्घ आयुष्य लाभावे." अभिवचन असलेली हीच पहिली आज्ञा आहे.

4 आणि वडिलांनो, तुम्ही आपल्या मुलांना चिडीस आणू नका पण तुम्ही त्यांना प्रभूच्या शिस्तीत व शिक्षणात वाढवा.

20 मुलांनो, तुम्ही सर्व गोष्टींत आपल्या आई-वडीलांच्या आज्ञा पाळा कारण हे प्रभूला संतोष देणारे आहे.

आदेश आणि ताकीद

8 माझ्या मुला, तू तुझ्या वडिलांची शिकवण ऐक,

आणि तू तुझ्या आईचा नियम बाजूला टाकू नकोस;

9 ते तुझ्या शिराला सुशोभित वेष्टन

आणि तुझ्या गळ्यात लटकते पदक आहे.

व्याभिचाराविषयी ताकीद

20 माझ्या मुला, तुझ्या वडिलांची आज्ञा पाळ,

आणि तुझ्या आईची शिकवण विसरु नकोस.

21 ती नेहमी आपल्या हृदयाशी कवटाळून धर;

ती आपल्या गळ्यात बांधून ठेव.

22 जेव्हा तू चालशील, ते तुला मार्गदर्शन करील;

जेव्हा तू झोपशील, तेव्हा ते तुझे रक्षण करील;

आणि जेव्हा तू उठशील तेव्हा ते तुझ्याशी बोलेल.

23 कारण ती आज्ञा दिवा आहेत आणि शिक्षण प्रकाश आहे;

शिस्तीचा दोषारोप जीवनाचा मार्ग आहे.

ज्ञानामुळे प्राप्त होणारे फायदे

1 मुलांनो, वडिलांचे शिक्षण ऐका,

आणि सुज्ञान समजण्यासाठी त्याकडे लक्ष द्या.

2 मी तुम्हास चांगला सल्ला देतो;

माझी शिकवण कधीही विसरु नका.

3 जेव्हा मी माझ्या वडिलाचा मुलगा होतो,

माझ्या आईच्या दृष्टीने सुकुमार व एकुलता एक होतो,

4 त्यांनी मला शिकवले आणि मला म्हणाले,

"तुझे मन माझी वचने घट्ट धरून ठेवो;

माझ्या आज्ञा पाळ आणि जिवंत राहा.

5 ज्ञान आणि सुज्ञता संपादन कर;

माझे शब्द विसरु नकोस आणि माझ्या मुखातले शब्द नाकारू नकोस;

6 ज्ञानाचा त्याग करू नकोस ते तुझे राखण करील;

त्याच्यावर प्रीती कर आणि ते तुझे रक्षण करील.

1 सुज्ञ मुलगा आपल्या पित्याचे शिक्षण ऐकतो,

परंतु निंदक निषेध ऐकत नाही.

6 मुलाने ज्या मार्गात चालावे त्याचे शिक्षण त्यास दे,

आणि जेव्हा तो मोठा होईल तेव्हा त्या मार्गांपासून तो मागे फिरणार नाही.

15 छडी आणि सुबोध ज्ञान देतात,

पण मोकळे सोडलेले मूल आपल्या आईला लाज आणते.

26 जो कोणी आपल्या पित्याला लुटतो, व आईला हाकलून लावतो,

तो मुलगा लाज आणि दोष आणणारा आहे.

17 जो डोळा पित्याची चेष्टा करतो,

किंवा त्याच्या आईची आज्ञा पाळणे तुच्छ मानतो,

त्यांचे डोळे खोऱ्यातले डोमकावळे टोचून बाहेर काढतील

आणि त्यास गिधडाची पिल्ले खाऊन टाकतील.

15 कोणी आपल्या पित्याला किंवा आईला मारहाण करील त्यास अवश्य ठार मारावे.

बंडखोर मुलगा

18 एखाद्याचा मुलगा हट्टी व बंडखोर, अजिबात न ऐकणारा, आईबापांना न जुमानणारा असेल शिक्षा केली तरी त्यांचे ऐकत नसेल. 19 अशावेळी आईवडीलांनी त्यास गावच्या चावडीवर वडीलधाऱ्यांपुढे न्यावे. 20 या शहरातल्या वडीलधाऱ्यानी त्यांनी सांगावे की, हा उद्दाम व बंडखोर आहे. तसेच तो खादाड व मद्यपी आहे. 21 यावर त्या गावातील मनुष्यांनी या मुलाला दगडांनी मरेपर्यंत मारावे. असे केल्याने तुम्ही हे पाप आपल्यामधून काढून टाकाल. इस्राएलमधील इतर लोकांच्या कानावर ही गोष्ट गेली की ते घाबरुन राहतील.

20 जर एखादा मनुष्य आपल्या आईला किंवा वडिलांना शाप देईल,

तर त्याचा दीप अंधारात विझून जाईल.

7 हा कठीण समय आहे म्हणून शिस्त सहन करा. ते असे दर्शवते की, देव तुम्हास मुलांसारखी वागणूक देत आहे; कारण असा कोणता मुलगा आहे ज्याला वडील शिस्त लावीत नाहीत?

4 पण जर एखाद्या विधवेला मुले किंवा नातवंडे असतील तर त्यांनी प्रथम आपल्या घरच्यांशी धार्मिकतेने वागायला व आपल्या वडिलांचे उपकार फेडायला शिकावे कारण हे देवाच्या दृष्टीने चांगले आहे.