Obediência aos pais

12 "Wateghelese aba wako na mai wako, ili ukale ghamatsuwa mengi mna isi iyanitsokwing’a nene IMNDEWA, Imulungu wako.

16 "Muwategheletse aba tsenu na mai tsenu, ka IMNDEWA, Imulungu wenu pfayawalaghitse, ili mkale matsuwa mengi, na mkabalikighwe mna isi iyomwing’ani IMNDEWA, Imulungu wenu."

4 Kwaapfila Imlungu kalonga, ‘Umheshimu aba wako na mai wako,’ na ‘Imunu wowose iyomligha aba wake au mai wake ayo ukufa nayafe.’

Iwana ne iwelesi wawo

1 Mwemwe muwana, muwategheletse waletsi wenu kwaapfila mwomtoghola Imtwatsa, mana pfinogha kutenda apfo. 2 Ka Ghamaandiko pfagholonga, "Wategheletse aba wako na mai wako." Alino ilo laghitso lya mwanduso line laghano, laghano alyo lyolonga, 3 "Kutsobweda na kutsokala ghamatsuwa mengi muisi."

4 Namwe tsina aba mleke kuwaghobola iwanenu, ila muwalele ka pfayobama Imtwatsa, kwa kuwalangusa pfawobamighwa kukala pfinoghile na muwalangulitse pfinu apfo.

20 Namwe iwana muwahulikitse aba tsenu na mai tsenu mna ghose, mana apfo pfipfo pfaimnoghelesa Imtwatsa.

8 Mwanangu tegheletsa ghayokulaghitsa aba wako, wala uleke kughaleka ghayokufunda mai wako. 9 Agho ghatsakuwa ka taji mwitwi mwako, na ka mkufi ghunoghile msingo mwako.

Ughoni woghendelela ukughomighwa

20 Mwanangu tegheletsa ghayokulaghitsa aba wako, wala uleke kughaleka ghayokufunda mai wako. 21 Ugheke mmoyo mwako, na ughendelele kughoha ka mkufi msingo mwako. 22 Haughenda mnzila ghatsokulongotsa, hauwasa ghatsokukalitsa, haulamka ghatsolonga naghwe. 23 Kwa apfila ghamalaghitso aghano gha tala, na ghamahala aghano gha ghumwanga, ukukanyighwa iyo inzila ighenda kuna ugima,

Wana ihekima watsobweda

1 Wanangu tegheletseni aba wenu chayowafunda, muwambe ghamaghutwi mtegheletse na mmanye. 2 Mana nene nowafunda ghamahala, wala mleke kughalema malangulitso ghangu. 3 Hanikalile na mwana kwa aba wangu, mhole, na mwana nyalimwe kwa mai wangu iyanikundile. 4 Aba wangu kanongela apfino, "Ugheke mmoyo ghanikulongela, kinda ghamalaghitso ghangu, naghwe kwakuwa mgima. 5 Uwe na ihekima na ukumanya, uleke kwisemwa wala kughalema ghanilonga. 6 Uleke kumleka Ihekima, kwaapfila katsokukinga, umkunde naye katsokukinga.

1 Imwana yana ihekima komtegheletsa aba wake hayomfunda, lekeni imwana msughu ng’otegheletsa baye ahala hayokanyighwa.

6 Umfunde imwana apfila pfaibamighwa yalelighwe, naye ng’atsesemwa baye hata yang’awa kalala.

15 Ukumfapula na ukumkanya imwana komwing’a ihekima, lekeni imwana iyalekighwe yatende pfayobama, ayo komghuma chinyala mai wake.

26 Ayula iyomtendela ughobo aba wake, na iyomuwinga mai wake, ayo ka mwana iyoghuma chinyala na kodesa ghendo.

17 Inenge ya munu imbetsa aba wake, na aila ileka kumhulikitsa mai wake, wabondwa wa kuchiwala watsoing’ola, na pfitsiya wa magengele watsoija.

15 "Imunu wowose iyomtowa aba wake au mai wake, ayo naye yakomighwe ghendo.

Imwana yane chidandali

18 "Ka munu kana mwana mmale msughu na kana chidandali, naye ng’owategheletsa baye aba wake na mai wake hawomkanya, 19 aba wake na mai wake wamghale imwana ayo hambele ha iwakulu wa ghumji ghwayokala, hana lilango lya ghumji. 20 Wawalongele iwakulu awo, ‘Imwanetu ayuno msughu na kana chidandali, ng’obama baye kututegheletsa, kakwasa hela tsisendi na kopatika.’ 21 Kuya iwanu wose iwokala mna ghumji aghwo wamtowe na mabwe mbaka yafe. Mng’atenda apfo mtsoghalapfa ghehile mna mwemwe, na wanu wose wa Isiraeli watsohulika na kupfuka."

20 Imunu wowose iyowalighita aba wake na mai wake, itala ya ugima wake itsotsimika mna ichisi tititi.

7 Mdudumile ahala hamkanyighwa, Imulungu kowatendelani ka iwanaghe. Apfi imwana wachi yang’okanyighwa na aba wake?

4 Lekeni ka chitsuka kana iwana au watsukulu, welangulitse tanu kughatenda ghawobamighwa kutenda kwa kuwalolesa iwanu wa kaye tsawo iwenyegho, na kwa kutenda apfo wowaliha iwabala wawo na welesi wawo. Kwaapfila kutenda apfo komnoghelesa Imulungu.