Obediência aos pais

12 आपल्या वडिलांचा व आपल्या आईचा सन्मान करा, म्हणजे जो देश याहवेह तुमचे परमेश्वर तुम्हाला देत आहे, त्यात तुम्ही दीर्घकाळ राहाल.

16 याहवेह तुमच्या परमेश्वराने आज्ञा दिल्याप्रमाणे आपल्या वडिलांचा व आपल्या आईचा सन्मान करा, म्हणजे जो देश याहवेह तुमचे परमेश्वर तुम्हाला देत आहे, त्यात तुम्ही दीर्घकाळ राहाल व तुमचे कल्याण होईल.

4 परमेश्वर म्हणाले, ‘तुझ्या वडिलांचा आणि आईचा सन्मान करा’* आणि ‘जो कोणी आपल्या आई किंवा वडिलास शाप देईल त्यास जिवे मारावे.’*

1 लेकरांनो, प्रभूमध्ये तुम्ही आपल्या आईवडिलांची आज्ञा पाळा, कारण हे योग्य आहे. 2 "तुमच्या आई आणि वडिलांचा मान राखा" अभिवचन असलेली ही पहिली आज्ञा आहे. 3 "यासाठी की तुमचे कल्याण व्हावे आणि तुम्हाला पृथ्वीवर दीर्घायुष्याचा लाभ घेता यावा."*

4 पित्यांनो,* तुम्ही आपल्या मुलांना प्रकोपित करू नका; याउलट प्रभूच्या शिक्षणात व बोधवचनात त्यांना वाढवा.

20 लेकरांनो, तुम्ही सर्व गोष्टीत आपल्या आईवडिलांची आज्ञा पाळा, कारण त्यामुळे प्रभूला संतोष होतो.

पापी लोकांच्या आमंत्रणाविषयी सावधान

8 माझ्या मुला, तुझ्या वडिलांचे शिक्षण ऐकून घे

आणि तुझ्या आईची शिकवण विसरू नकोस.

9 ती तुझ्या मस्तकाला अलंकृत करणारी माळ आहे

आणि तुझ्या गळ्यातील सुशोभित हार आहे.

व्यभिचाराविरुद्ध इशारा

20 माझ्या मुला, तू तुझ्या पित्याची आज्ञा पाळ,

आणि आपल्या आईचे शिक्षण सोडू नकोस.

21 त्यांचे उपदेश तू सतत आपल्या हृदयात बाळग;

ते तुझ्या गळ्यात बांधून ठेव.

22 तू चालशील, तेव्हा ते तुला मार्ग दाखवेल;

तू झोपशील, तेव्हा ते तुझे संरक्षण करतील;

आणि तू जागा होशील तेव्हा ते तुझ्याशी बोलतील.

23 कारण ही आज्ञा एक दीपक आहे,

आणि हे शिक्षण म्हणजे प्रकाश आहे;

आणि ही सुधारणा व बोधवचने

जीवनाचे मार्ग आहेत.

कोणतीही किंमत देऊन ज्ञान प्राप्त कर

1 माझ्या मुलांनो, वडिलांचा बोध ऐका;

त्याकडे लक्ष द्या आणि समंजसपणा मिळवा.

2 मी तुम्हाला उत्तम शिक्षण देतो,

म्हणून माझ्या शिक्षणाचा त्याग करू नका.

3 कारण मी सुद्धा माझ्या वडिलांचा पुत्र होतो,

अजूनही सुकुमार आणि आईच्या प्रेमात वाढलेला.

4 तेव्हा त्यांनी मला शिकविले आणि ते मला म्हणाले,

"तुझ्या संपूर्ण अंतःकरणापासून माझ्या वचनांकडे लक्ष लाव;

माझ्या आज्ञांचे पालन कर आणि तुला आयुष्य लाभेल.

5 सुज्ञान मिळव, समंजसपणा प्राप्त कर;

माझी वचने विसरू नकोस किंवा त्यांच्यापासून दूर जाऊ नकोस.

6 सुज्ञानाचा त्याग करू नकोस आणि ती तुझे रक्षण करेल;

तिच्यावर प्रीती कर आणि ती तुझे रक्षण करेल.

1 सुज्ञ पुत्र आपल्या पित्याच्या शिक्षणाकडे काळजीपूर्वक लक्ष देतो,

परंतु उपहास करणारा पुत्र फटकारास प्रतिसाद देत नाही.

6 लहान मुलांनी जसे वर्तन केले पाहिजे, तसेच त्यांना वागावयास शिकवा,

म्हणजे मोठेपणी ती मुले त्या मार्गापासून दूर जाणार नाहीत.

15 छडी व ताकीद यामुळे ज्ञान मिळते;

परंतु बालकाला बेशिस्त सोडल्यास, ते आपल्या आईला कलंकित करते.

26 जे कोणी त्यांच्या वडिलांना लुटतात आणि त्यांच्या आईला हाकलून देतात,

ती अशी संतान आहे जी लज्जा व अप्रतिष्ठा यांना कारणीभूत होते.

17 "आपल्या वडिलांचा चेष्टा करणारे डोळे,

आणि वृद्ध आईचा तिरस्कार करणारे डोळे,

दरीतील डोमकावळे टोची मारून बाहेर काढतील,

त्यांची शरीरे गिधाडे खातील.

15 "जे कोणी आपला पिता किंवा आईला जिवे मारतात* त्यांना जिवे मारावे.

बंडखोर पुत्र

18 जर एखाद्या मनुष्याला हट्टी व बंडखोर पुत्र असेल, जो आपल्या आईवडिलांची आज्ञा पाळत नसेल आणि त्यांनी शिस्त लावण्याचा प्रयत्न केला तरी तो त्यांचे ऐकत नसेल, 19 तर त्याच्या आईवडिलांनी त्याला धरून नगराच्या वेशीवर वडील मंडळीपुढे घेऊन जावे. 20 त्यांनी वडील मंडळीपुढे सांगावे, "हा आमचा पुत्र हट्टी आणि बंडखोर आहे. तो आमच्या आज्ञा पाळत नसून आमचे ऐकत नाही. तो खादाड व मद्यपी आहे." 21 मग त्या नगरातील सर्व लोकांनी त्याला धोंडमार करून ठार मारावे. अशा रीतीने तुमच्यामधील दोष तुम्ही घालवून टाकावे म्हणजे सर्व इस्राएली लोक हे ऐकतील आणि घाबरतील.

20 जो आपल्या आईवडिलांना शिव्याशाप देतो,

त्याचा दीप गडद अंधारात विझून जाईल.

7 तुम्ही धीराने शिस्त सहन करत आहात; परमेश्वर तुम्हाला पुत्राप्रमाणे वागवितात आणि लेकरांना शिस्त लावत नाही असा कोण पिता आहे?

4 परंतु विधवेला मुले अथवा नातवंडे असतील, तर त्यांनी प्रथम आपल्या कुटुंबीयांशी सुभक्तीने वागून व आपल्या पितरांचे उपकार फेडण्यास शिकावे, यामुळे परमेश्वराला अतिशय संतोष होतो.