Obediência aos pais
A obediência aos pais é mandamento divino com promessa de vida longa. A Bíblia valoriza a honra filial e ensina os filhos a respeitar e obedecer aos pais com amor.
Honrar pai e mãe
O quinto mandamento ordena honrar pai e mãe. É o primeiro mandamento com promessa: para que vá bem e vivas muito na terra.
Luor wuonu gi minu mondo udagi amingʼa e piny ma Jehova Nyasaye ma Nyasachu miyou.
Luor wuonu gi minu mana kaka Jehova Nyasaye ma Nyasachu osechikou, mondo udagi amingʼa kendo mondo udhi maber e piny ma Jehova Nyasaye ma Nyasachu miyou.
Nimar Nyasaye nowacho ni, ‘Luor wuonu gi minu’ kendo ni, ‘Ngʼato angʼata mokwongʼo wuon kata min nyaka negi.’
Nyithindo, winjuru jonywolu kuom Ruoth nikech timo kamano en gima kare. Chik mokwongo man-gi singruok wacho niya, "Luor wuonu gi minu mondo ngimani odhi maber, kendo udag amingʼa e piny."
Wuone kik umi nyithindu bedo gi mirima; to ritgiuru maber, kurieyogi kendo upuonjogi kuom Ruoth.
Obedecer e respeitar
Filhos, obedecei a vossos pais no Senhor. A obediência filial é expressão de amor e temor a Deus.
Un nyithindo, luoruru jonywolu e gik moko duto, nikech mano ema longʼo ni Ruoth.
Siem kuom hoch manono
Wuoda, chik iti ni puonj wuonu,
kendo kik ijwangʼ puonj mar minu.
Ginibedni kaka kondo michwowo e wiyi,
kendo kaka thiwni miketo e ngʼuti mondo ineri maber.
Siem kuom terruok
Wuoda, rit chike wuonu
kendo kik iwe puonj minu.
Kan-gi ka ipandogi e chunyi nyaka chiengʼ;
twegi e ngʼuti motegno.
Ka iwuotho, to gibiro chiki;
to ka inindo, to giniriti;
to ka ichiewo, to giniwuo kodi.
Nikech chikegi gin taya,
to puonjni en ler,
kendo kwer mikwerogo ngʼato kuom gima otimo marach
kelo mana ngima,
Ohala miyudo kuom bedo gi rieko
Yawuota, winjuru puonj mag wuonu;
chikuru itu eka ubed gi ngʼeyo moloyo.
Puonj mara mamiyou beyo,
omiyo kik ujwangʼ puonjna.
Kane pod an wuowi e od wuora,
kane pod an rawera kendo nyathi achiel kende mar minwa,
nopuonja kowacho niya,
"Mak matek wechena gi chunyi duto,
rit chikena eka inibed mangima.
Yud rieko kod ngʼeyo matut,
wiyi kik wil kod wechena kata weyogi.
Kik ijwangʼ rieko to obiro bedoni ragengʼ;
here, to obiro ritoi.
Wuowi mariek winjo puonj wuon mare,
to ngʼat ma wangʼe tek ok winj wach kikwere.
Puonj nyathi e yo monego odhiye,
to ka obedo maduongʼ to ok obi baro oa kuome.
Disciplina e consequências
A vara e a repreensão dão sabedoria. A Bíblia adverte sobre as consequências sérias da rebeldia e desonra aos pais.
Ka ichwado nyathi kendo ikwere eka ikonye bedo mariek
to nyathi ma owe aweya kelo wichkuot ne min mare.
Ngʼat mamayo wuon mare kendo riembo min mare
en wuowi makelo wichkuot kod dwanyruok.
"Wangʼ ma jaro wuoro,
ma dagi winjo wach miyo,
ibiro lodho oko kod agak manie holo,
ibiro chamgi gi achudhe.
"Ngʼato angʼata ma omonjo wuon kata min nyaka negi.
Wuowi ma jendeke
Ka ngʼato nigi wuowi ma jendeke ma ok winj wuon kod min kendo ok owinjgi ka okume, wuon gi min nyaka kawe mitere ir jodongo e ranga dalagi. Giniwach ne jodongo niya, "Wuodwani wiye tek kendo ja-jendeke, ok owinjwa, en janjore kendo jakongʼo." Eka ji duto modak e gwengʼno nogoye gi kite motho. Nyaka ugol tim marachni e dieru kendo jo-Israel duto kowinjo wachno nobed maluor.
Ka ngʼato okwongʼo wuon mare kata min mare,
to ngimane norum mana ka taya motho e mudho molil.
Ka uyudo chandruok to beduru modhil nikech mano e yo ma Nyasaye puonjougo kaka nyithinde. Bende nitie nyathi ma wuon ok nyal kumo?
To ka dhako ma chwore otho moro nigi nyithindo kata nyikwayo to ber mondo gitingʼ nying Nyasaye malo kuom rito joodgi ka gikonyo jonywolgi gi kweregi kod deyegi, nikech timo kamano longʼo ni Nyasaye.