Obediência aos pais

16 << Silamo’o ninga ḇaḇa re ngina sa’olo Ma JOU ro parenta ngini. Unanga gena-ge, Ma Jou’ongu Madutu ga’a ngini ni silamo’o re siḏubuso. Na’o ngini ni 'a’a so’o gena-ge, ngini ḏuanga i’a ni 'ahu la-la re tegoro ti’ara toma daeraha ga’a ti’ara ua Ma JOU 'A pula’a ra ngini. Unanga gena-ge, Ma Jou’ongu Madutu ga’a ngini ni silamo’o re siḏubuso.>>

4 Sababu Ma Jou’ongu Madutu ro kanau, ‘Silamo’o ninga ḇaḇa re ninga ngina.’ Re Unanga ro kanau ḏi’i, ‘ 'A guna ḇato 'o sosowini 'ai ḇaḇa bolo 'ai ngina, balasu 'o sanga hukumu sengene.’✝

Ngowa 'olo, ḇaḇa re ngina

1 Ngini, ngowa 'olo-ngowa 'olo, sababu ngini ni marimoi ra Ma Jou, ngini balasu ni 'isene ninga ḇaḇa re ngina, sababu balasu ni si’a’a so’o gena-ge ga’a banari ra Ma Jou’ongu Madutu 'ai momina.✝ 2 Toma Boku 'Ofi-'Ofi 'i silefo parenta so’o ne: "Silamo’o ninga ḇaḇa re ngina." Parenta gena-ge Ma Jou’ongu Madutu 'ai parenta ma mulaingi rema jaji: 3 "Na’o ni silamo’o ninga ḇaḇa re ngina, ninga 'ahu lai rousu re ninga 'umuru 'i kiḏanga toma dungia nena-ne."✝

4 Ioronongoḏu ngo-ngaku rimoi ga’a ni dadi ḇaḇa, awa ngini ninga ga’a 'i kasara taninga ngowa 'olo-ngowa 'olo, la ananga nu’u duruta awa. Siḏibo ḏi’i, ngini ni kalesanga re ni doto’o ninga ngowa 'olo ga’a mete’e Ma Jou 'ai do-doto’o.✝

20 Ngini ngowa-ngowa’a! Ngini balasu ni 'isene ninga ḇaḇa re ngina manga demo-demo mo-moini. Sababu duhu so’o gena-ge ni sisanangi Ma Jou’ongu Madutu 'ai 'akala re sinyingara.✝

Si’elingi ngowa’a ra-ramasa ie

1:8-19

8 'Ari ngowa’a nau’u, no totoho la-la ino 'ani ḇaḇa 'ai do-doto’o

re awa sidaioranga 'ani ngina 'ami demo-demo,

9 sababu 'ani ḇaḇa 'ai do-doto’o ma tero saya-saya toma sae’e,

re 'ani ngina 'ami demo-demo ma tero rate tani camala.

Duga re domolo mangale su-sudala

20 Hai 'ari ngowa’a nau’u, na si’a’a 'ani ḇaḇa 'ai parenta, re sidaioranga awa 'ani ngina mi duga re domolo. 21 Na 'elingi tau-taunu manga demo-demo, na gogono tani 'akala re sinyingara ma dara, na sikole tani camala. 22 Na’o no tagi, enanga ḏuanga i’a 'i sinyanyasele, na’o no otu, enanga ḏuanga i’a 'i jaga, na’o no momi’i, enanga ḏuanga i’a 'i pula’a duga re domolo ma la-la. 23 Sababu parenta gena-ge ma tero lapuru, re do-doto’o gena-ge ma tero tarangi; manga ḇangata ra ngana gena-ge 'i sila-la 'ani 'ahu ma ngo’omo,

Duga re domolo di’a disa 'akala soro’unu

4:1-27

1 'Ari ngowa-ngowa’a nau’u, na 'isene la-la 'ani ḇaḇa 'ai duga re domolo!

Na totoho gena-ge la ngana nga’unu no sahe wo-waro lai ngido.

2 Ga’a ngoi to doto’o ngini nena-ne 'i la-la,

sababu gena-ge na sito-to’u awa.

3 'Au nga’ene 'orasa ngoi 'ari ḇaḇa ga’a 'o doto’o ngoi,

re ngoi ngowa’a nau’u pa’i matengo ga’a 'ari ngina mo dadalara madutu,

4 ḏua 'ari ḇaḇa 'o doto’o ngoi so’o ne: <<No 'elingi 'ari duga re domolo tani 'akala re sinyingara

re no macako’o tari parenta, la ngana ḏuanga i’a 'ani 'ahu 'i sanangi.

5 No kutale di’a sanga 'akala soro’unu, no kutale di’a sanga wo-waro lai ngido,

re 'ari duga re domolo na sidaioranga awa re sipa-pake ua awa.>>

6 Awa no sipa-pake ua 'akala soro’unu, la enanga ḏuanga i’a 'i riono ngana,

dadalara enanga, la enanga ḏuanga i’a 'i jaga ngana, la 'ani 'ahu 'i ogoro.

1 Ngowa’a nau’u ga’a 'akala soro’unu ḏuanga i’a 'aḏi 'isene ma ḇaḇa 'ai do-doto’o,

mada’a ngowa’a ga’a 'aḏi situ-tuhu 'akala soro’unu, 'aḏi 'isene ua ngowa’a ya’u ḇangata.

6 Doto’o ngowa 'olo di’a mete’e ngo’omo boloto,

ḏua singadolo 'orasa ananga 'aḏi piri’i, ananga 'aḏi masai’i ua toma ngo’omo gena-ge.

15 Didiki re ḇangata 'i si’a’a 'ani ngowa-ngowa’a 'aḏi dadi 'akala soro’unu.

mada’a ngowa 'olo ga’a mete’e manga mau, ḏuanga i’a sipula’a mara’a ma ngina.

26 Ngowa’a nau’u ga’a 'o sikangela 'ai ḇaḇa re 'o dusu’u 'ai ngina,

unanga gena-ge 'o sijira re sipula’a mara’a 'ai diri masiretene.

17 Ngowa’a ga’a 'aḏi situ-tuhu manga ḇaḇa,

re 'aḏi 'isene ua ma ngina, *

namo ḇokaka toma picaru ya tubu’u manga la’o

re namo kareba ma ngowa 'i oromo manga mayeti.

'Atoranga mangale ngowa’a nau’u ga’a tata malawana

18 Na’o ḇaḇa matengo i’a rai ngowa’a nau’u ga’a tata malawana, ga’a 'isene ua 'ai ḇaḇa re ngina manga demo, re kalaha ananga 'u ca’olo, unanga gena-ge 'o 'isene ananga ua, 19 dadi 'ai ḇaḇa re ngina balasu 'aḏi gu’u unanga sisupu re gasa toma limau ma bi-biri’i—bi-biri toma ngalana lamo’o ga’a ananga 'aḏi tegoro 'age, 20 Ananga balasu 'aḏi siajele toma limau gena-ge ma bi-biri—bi-biri’i so’o ne: < Minga ngowa’a nau’u nena-ne 'o nyanyaḏi malawana singadolo 'o dadi tata malawana re 'isene ngomi ua; unanga pa’i ngowa’a nau’u ga’a 'eto-'etolo re da-danata ḇato.> 21 Gena ḏua, ngowa’a nau’u gena-ge, na-nau’u toma limau gena-ge balasu ya’u poini reo maḏi singadolo sengene. Rema duhu so’o gena-ge, ngini ni singi-ngiranga kajahatana taninga sigolona, re ngowa’a mo-moini toma Israel ḏuanga i’a ya 'isene re 'aḏi dadi mojongo.>>

20 Ngowa’a ga’a 'aḏi sikutuki manga ḇaḇa bolo manga ngina,

Ananga manga 'ahu ma ḏo-ḏogumu ma tero sa’olo poci ga’a 'i sengene wakutu 'i hafu moju.

7 Dadi, wakutu ngini ni sanga sangisara, balasu ni tahana. Sababu Ma Jou’ongu Madutu 'o pake sangisara di’a 'O doto’o ngini ma tero sa’olo ḇaḇa 'o pake hukumu di’a 'o doto’o 'ai ngowa’a nau’u. Sanga ua, ḇaḇa 'o doto’o 'ai ngowa’a nau’u so’o gena-ge ua.

4 Mada’a na’o we-were’a balo rami ngowa’a bolo rami danongo, balasu na’u ajele ma ngale ra ananga, ma siḏa-siḏa ananga balasu ya sidodai manga ngo-ngaku tamanga de’oso re ḏegoro tamanga ngitu re ngale re ya’u sioḏi’i manga bi-biri’i bolo manga bi’i, la ya balasa manga ngina bolo manga bi’i manga mura re la. Sababu madaga’a so’o gena-ge 'i sisanangi Ma Jou’ongu Madutu 'ai 'akala re sinyingara.