Obediência aos pais
A obediência aos pais é mandamento divino com promessa de vida longa. A Bíblia valoriza a honra filial e ensina os filhos a respeitar e obedecer aos pais com amor.
Honrar pai e mãe
O quinto mandamento ordena honrar pai e mãe. É o primeiro mandamento com promessa: para que vá bem e vivas muito na terra.
Ruba inebesei lun búguchi luma tun búguchu, migife láamuga bibagari ligibuagu ubóu.
—Inebelá húguchi hun tuma húguchu ítara kei lariñaguni lilurudun Aburemei le Hubungiute hun, lun migife lan hibagari, buidu ligíame lidin hun lidan fulasu le líchugubei Wabureme le Hubungiute hun.
Lariñahare Bungiu: "Inebe hamá bagübürigu bun; le anabagutiña lagübürigu, lasiadirúba lun lounwen".
Isaanigu, le lunbei hadügüni keisi afiñetiña lun gaganbadi humá houn hagübürigu, lugundun ligía richabei. Anihán aban gumadi wéiriti lídangiñe lugumadin Bungiu le anügübei buiti woun lau wagunfuliruni: «Inebelá búguchi tuma búguchu bun lun buidu lan dan bun ani migife ligíame bibagari ya ubouagu».
Huguya agübürigu, magañidagüda humaña hisaanigu, agüriaharügü humaña buidu lun gaganbadi hamá, arufudaheina houn kei labusenruni Wabureme.
Obedecer e respeitar
Filhos, obedecei a vossos pais no Senhor. A obediência filial é expressão de amor e temor a Deus.
Isaanigu, aganba humaña hagübürigu lidan sun katei, ladüga ligía hínsiñebei lun Bungiu.
Eweridihani burí houn nibureintiña
Niráü, aganbabéi lererun búguchi,
teni buguyame lun tarufudahan búguchu;
ladüga ítara luba kei aban uéndeni bun,
kei aban iñari o kei lan aban ridi.
Katei le burí lanügübei agabarahani
Niráü, areidabei hagumadin bagübürigu
luma harufudahan lidan bisaminan súnwandan.
Barübei tidan banigi súnwandan,
gürabei luagu bigiina.
Ladundehabadibu lidan buéiyasun,
lóunigirubadibu dan le barumugun,
layanuhaba buma dan le bagagudun.
Lidan inarüni, gumadi luma arufudahani,
ítara liña kei aban igemeri durunguati;
adeinhani luma eweridihani,
ligía lémeribei ibagari.
Eweridihani lun lafalarúniwa üma le buídubei
Nisaanigu, teni humá lun le harufudahabei hagübürigu hun,
ru humá arigei lun, ibiha humaamuga gunfurandaü.
Buiti sun le narufudahabei hun,
mabulieida huméi lubeiti nilurudun.
Isaani meha giñe au,
wéiriti meha nínsiñe tun núguchu,
arufudahati meha núguchi nun, lariñaga nun:
«Haritaguabá luagu le nariñagubei bun súnwandan,
adügabéi le nubeibei bun, ábame babagaridun.
Ibihabá lichú aau luma lubuidun ichügü,
mabulieidabei le nubeibei bun.
Hínsiñela lichú aau bun,
mabulieidabei, ábame lóunigirunibu.
Isaanigu ha chúbaña aau,
aganba hamuti lererehan háguchi houn;
ánhaña ha ibidiouguabaña aau, meberesentiña lau ebechúni.
Arufudahabá buiti lun irahü dan le ñǘraügili;
íbini danme le wéiyaali mabulieidun lubéi.
Disciplina e consequências
A vara e a repreensão dão sabedoria. A Bíblia adverte sobre as consequências sérias da rebeldia e desonra aos pais.
Lau abeichúni luma ebechúni hafurendeira gürigia,
ánhañati isaanigu ha wéiriyati hínsiñegu rútiña busiganu tun háguchu.
Lóuseruni isaani lúguchi wuriba,
luma labugunu lúguchu múnadagiñe,
nibusigarídünati lira ani madünama ligía.
Ha íchugutiña mebereseni lau háguchi,
adüga hagía bula tau háguchu,
gadünatiña lun hachigini sanadi hagu luma lun héiginiña ágila.
Le áchuaguti lúguchu o lúguchi lasiadirúba lun lounwen.
Habeichún irahüñü deré taganbun
—Anhein garáü lubéi aban gürigia aban irahü maganbaditi ani mabuchahati, le madügünti gasu lau le hariñagun lagübürigu lun, ni íbini dan le habeichuni meberesenti hau, lunti hanügüni lagübürigu hagibugiñoun ábutigu lílana uburugu, hariñagame houn: "Dereti laganbun wasaani ani mabuchahati; mabahüdün lumutiwa, salufuriti, gátaati." Ábameti hachamuragun sun wügüriña ha lílana uburugu dübü luagun darí lounwen. Ítara luba hagumuchun lau wuribani le haganaguabei, dánmeti hasubudiruni Ísüraelina ábame hanufudedun.
Ha íñaragutiña háguchi o háguchu,
hóunweguba lidan lanarime luburiga.
Hasufuriruña lun haranseragun, lugundun lóuseruñadün Bungiu keisi lirahüñü. Anihein funagia úguchili mabeichun lumuti lisaani?
Anhein garahüñü tubéi aban würi to hilaali túmari, gabaña tuguya, lunti hafurendeirun irahüñü hagía lun hetenirun furumiñe lun le hemegeirubei haduheñu luma lun háguyugüdüni ínsiñehabuni le hadúeirubei houn hagübürigu; lugundun buiti katei le, gúndaati giñe Bungiu lau.