Órfãos

4 இறைவனைப் பாடுங்கள், அவருடைய பெயருக்குத் துதி பாடுங்கள்;

மேகங்களில் ஏறிப் போகிறவரை புகழ்ந்து உயர்த்துங்கள்;

யெகோவா என்பது அவருடைய பெயர்; அவருக்கு முன்பாகக் களிகூருங்கள்.

5 இறைவன் தமது பரிசுத்த வாழ்விடத்தில்

தகப்பன் இல்லாதவர்களுக்குத் தகப்பனாகவும்

விதவைகளுக்கு பாதுகாவலராகவும் இருக்கிறார்.

9 யெகோவா அயல்நாட்டவர்களைப் பாதுகாக்கிறார்,

அநாதைகளையும் விதவைகளையும் ஆதரிக்கிறார்,

ஆனால் கொடியவர்களின் வழிகளை அவர் முறியடிக்கிறார்.

3 பலவீனருக்கும், தந்தையற்றோருக்கும் நீதி வழங்குங்கள்;

ஏழைகளுடைய ஒடுக்கப்பட்டவர்களுடைய உரிமைகளுக்குப் பாதுகாப்பளியுங்கள்.

18 நான் உங்களை திக்கற்றோராய் விடமாட்டேன்; நான் உங்களிடத்தில் மீண்டும் வருவேன்.

27 கஷ்டப்படும் அநாதைகளையும் விதவைகளையும் பராமரிக்கிறதும், உலகத்தால் கறைபடாது தங்களைக் காத்துக்கொள்வதுமே, நம்முடைய பிதாவாகிய இறைவனால் ஏற்றுக்கொள்ளப்படுகிற தூய்மையான, மாசற்ற பக்தியாயிருக்கிறது.

17 சரியானதைச் செய்யக் கற்றுக்கொள்ளுங்கள்; நீதியைத் தேடுங்கள்.

ஒடுக்கப்பட்டவர்களுக்கு உதவுங்கள்.

திக்கற்றவர்களுக்கு நியாயம் செய்யுங்கள்;

விதவைக்காக வழக்காடுங்கள்.

9 "சேனைகளின் யெகோவா சொல்வது இதுவே: ‘நீதியைச் சரியாக வழங்குங்கள். ஒருவரிலொருவர் இரக்கம் காண்பித்து கருணை உள்ளவர்களாய் இருங்கள். 10 விதவையையோ, தகப்பன் இல்லாத பிள்ளையையோ, பிறநாட்டினனையோ, ஏழையையோ ஒடுக்கவேண்டாம். உங்கள் உள்ளத்தில் ஒருவனுக்கெதிராக ஒருவன் தீய திட்டங்களைச் செய்யக்கூடாது.’

22 "விதவைகளையும், அனாதைப் பிள்ளைகளையும் தன்னலத்துக்காக சுரண்டவேண்டாம். 23 அப்படிச் செய்தால் அவர்கள் என்னிடம் அழும்போது, நான் நிச்சயமாக அவர்கள் அழுகையைக் கேட்பேன். 24 அதனால் நான் கோபமடைந்து, உங்களை வாளினால் கொல்லுவேன். அப்பொழுது உங்கள் மனைவிகள் விதவைகளாவார்கள். உங்கள் பிள்ளைகள் தந்தையற்றவர்கள் ஆவார்கள்.

12 ஏனெனில் உதவிக்காக அழுத ஏழைகளையும்,

உதவுவாரில்லாத தந்தையற்றவர்களையும் நான் காப்பாற்றினேன்.

13 செத்துக்கொண்டிருந்த மனிதன் என்னை ஆசீர்வதித்தான்;

நான் விதவையைத் தன் உள்ளத்தில் மகிழ்ந்து பாடச்செய்தேன்.