6 पर परमेश्वर ते हम्रिहिन्हे असिन खराब इच्छक विरोधमे लरक लग आकुर धेउर अनुग्रह देथाँ। तबेकमारे पवित्र शास्त्रमे असिके लिखल बा, "परमेश्वर घमण्डी मनैनके विरोध करथाँ, पर नम्र मनैनहे ऊ अनुग्रह करथाँ।"

10 प्रभुक आघे नम्र बनो, तब ऊ तुहुरिन्के आदर करहीँ।

9 जोन विश्वासी मनैया गरीब बा, उहिहे खुशी हुई परना हो कि परमेश्वर ओकर आदर कर्ले बताँ। 10 और उ मनै जेने धनी बताँ, ओइन्हे खुशी हुई परना हो कि परमेश्वर ओइन्हे नम्र बनैले बताँ। काकरेकी धनी मनैया घाँसक फूला हस कुलमुलाके ओराजाई।

5 ओस्तेहेँके हे जवानो, मण्डलीक अगुवनके अधिनमे बैठो। तुहुरे सक्कु जाने नम्रतासे एकदोसर जहनहे सहयोग करे परत। काकरेकी पवित्र शास्त्रमे असिके लिखल बा,

"परमेश्वर घमण्डी मनैनके विरोध करथाँ,

पर नम्र मनैनहे ऊ अनुग्रह करथाँ।"

6 तबेकमारे परमेश्वरके आघे अपनहे नम्र बनाऊ, जे सुरक्षा देहक लग बल्गर बताँ। ताकि ऊ ठिक समयमे तुहुरिन्हे सम्मान दिँत। 7 परमेश्वर तुहुरिन्के वास्ता करथाँ, तबेकमारे अपन सक्कु चिन्ता परमेश्वरहे दैदेऊ।

11 काकरेकी हरेक जे अपनहे भारी मानी, उहिहे छुटी कराजाई। और जे अपनहे छुटी मानी, उहिहे भारी बनाजाई।"

3 स्वार्थ या घमण्डसे कुछु ना करो, पर जतरा आदर तुहुरे अपनहे करथो, उहिसे धेउर आदर तुहुरे दोसुर जहनहे करो। 4 तुहुरे हरेक जाने अपन किल भलाई ना खोजो, पर दोसुर जहनके भलाईमे फेन ध्यान देऊ।

5 जसिन येशू ख्रीष्टके स्वभाव रहिन, ओस्तेहेँ स्वभाव तुहुरिन्केमे रहे परत।

16 काकरेकी ज्या चिज फेन संसारमे बा: शरीरके अभिलाषा, आँखीक अभिलाषा और जीवनके घमण्ड परमेश्वर बाबक थेनसे नै हो, पर संसारमेसे हो।

12 तबेकमारे कौनो विश्वासी परमेश्वरकेमे ओकर भरोसा बल्गर बतिस कहिके सोँचत कलेसे उहिहे सावधान रना चाही। असिन ना होए कि एकफाले उ कौनो लालचमे आजाए, और उ पाप करे लागे।

3 यदि मै सक्कु सम्पति गरीबनहे बाँटदेनु, और यदि मोरिक शरीर ओइन्हे जराइक लग दैदेनु। पर मै दोसुर जहनहे प्रेम नै करथुँ कलेसे मोरिक कौनो काम नै हो।

27-29 पर परमेश्वर असिन मनैनहे रोज्लाँ, जेनहे संसारके मनै मूर्ख मानिँत। ताकि परमेश्वर उ मनैनके लाज कराई सेकिँत जेने सोच्थाँ कि हम्रे जन्नाहाँसुन्नाहाँ बती। और परमेश्वर असिन मनैनहे रोज्लाँ, जेने कमजोर बताँ ताकि परमेश्वर बल्गर मनैनके लाज कराई सेकिँत। और जेनहे संसारके मनै एकदम खास मन्थाँ, ओइन्हे नाश करक लग परमेश्वर असिन मनैनहे रोज्लाँ, जेनहे संसारके मनै हेल्हा करथाँ। और असिन मनैनहे रोज्लाँ, जेनहे संसारके मनै कुच्छु फेन नै हो कहिके मन्थाँ। परमेश्वर असिके यहे कारणसे करलाँ ताकि कौनो फेन मनैया परमेश्वरके आघे घमण्ड करे ना सेके।

17 जसिके पवित्र शास्त्रमे लिखल बा, "यदि केऊ घमण्ड करे चाहत कलेसे ऊ प्रभुक बारेमे किल घमण्ड करे।" 18 काकरेकी जे अपन तारिफ करत उहिहे नै होके, जेकर तारिफ प्रभु करथाँ, उहिएहे सच्चा मानके स्वीकार करजाजाइत।

20 फेनदोस्रे येशू यी फेन कलाँ, "तुहुरिन्के मनमेसे जोन बाहेर निकरत, वहे मनैनहे अशुद्ध बनाइत। 21 काकरेकी तुहुरिन्के मनमेसे खराब विचार निकरत, जोन तुहुरिन्हे व्यभिचार, चोरी, हत्या, दोसुर जहनके जन्नीक थेन जैना। 22 लालच, हरेक मेरके खराब चिज, कपट, धोखा देना, जन्नीनके बारेम गलत व्यवहार, निन्दा, बिह्रे मुना और ठग्ना बात घमण्ड और मूर्खताके ओहोँर लैजाइत। 23 यी सक्कु बात तुहुरिन्के भित्तरसे निकरत, और यहे तुहुरिन्हे अशुद्ध बनाइत।"

17 यी संसारके धनी मनैनहे आदेश बा कि ओइने घमण्ड ना करिँत। और अपन धन-सम्पतिमे भरोसा ना करिँत, जोन धनसम्पत्ति धेउर समयसम नै रहत। पर ओइने परमेश्वरकेमे आशा करिँत, जे खुल्ला मनसे हम्रिहिन्हे उ सक्कु चिज देथाँ, जेहँका जरुरी हम्रिहिन्हे रहत, ताकि हम्रे उ चिजके आनन्द लेहे सेकी।

16 एकदोसर जहनके ओत्रेहे ध्यान देहो, जतरा ध्यान तुहुरे अपन धरथो; घमण्ड ना करो; पर नम्र मनैनके संगत करो; अपन नजरमे बुद्धिमान ना बनो।

22 जब पवित्र आत्मा हम्रिहिन्हे अगुवाई करत कलेसे हम्रे एकदोसर जहनसे प्रेम कर्थी। खुशी रथी। शान्ति रहत। सँस्सा करे सेक्थी। दोसुर जहनहे दया देखैथी। दोसुर जहनके भलाई कर्थी। एकदोसर जहनकेमे भरोसा रहत। 23 और हमारमे नम्रता रहत। और हम्रे अप्निहीँ अपनहे नियन्त्रण करे सेक्थी। असिन बातके विरोधमे कौनो मोशक नियम कानुन नै हो।