18 Ang kahambog ug kamapahitas-on sa usa ka tawo

makapalaglag kaniya.

5 Ngil-aran ang Ginoo sa mga mapahitas-on,

ug sigurado gayod nga silotan sila.

25 Tingali naghuna-huna ka nga nagsubay ka sa ensaktong dalan,

apan padulong diay kini sa kalaglagan.

13 Ang nagtahod sa Ginoo nasilag sa daotan.

Gikasilagan ko ang pagpanghambog,

ang pagkamapahitas-on,

ang daotang batasan,

ug ang pagpamakak.

2 Ang manghambog maulawan,

apan ang mapainubsanon mahimong maalamon.

2 Ang manghambog maulawan,

apan ang mapainubsanon mahimong maalamon.

23 Ang kahambogiro sa tawo maghatod kaniya sa kaulawan,

apan ang pagkamapainubsanon makahatag kaniyag dungog.

23 Ang kahambogiro sa tawo maghatod kaniya sa kaulawan,

apan ang pagkamapainubsanon makahatag kaniyag dungog.

12 Ang pagpanghambog makapalaglag sa tawo,

apan ang pagpaubos makahatag ug kadungganan.

12 Ang pagpanghambog makapalaglag sa tawo,

apan ang pagpaubos makahatag ug kadungganan.

25 Gub-on sa Ginoo ang balay sa mga mapahitas-on,*

apan panalipdan niya ang mga yuta sa mga biyuda.

6 Apan ang Dios naghatag kanato ug dugang pa nga grasya. Mao kana nga nag-ingon ang Kasulatan:

"Gisumpo sa Dios ang mapahitas-on,

apan kaloy-an niya ang mapainubsanon."*

10 Pagpaubos kamo diha sa Ginoo, ug iya kamong pasidunggan.

9 Ang mga kaigsoonan diha kang Cristo nga kabos adunay hinungdan nga malipay tungod kay gipasidunggan sila sa Dios. 10 Ang mga adunahan angay usab nga malipay sa pagpaubos kanila sa Dios. Kay sama sa mga bulak sa sagbot, ang adunahan dili usab molungtad.

5 Kamo usab nga mga batan-on, pagpasakop kamo sa mga tigulang. Ug kamong tanan nga tumutuo, magpaubos kamo ug mag-alagad sa usag-usa, kay nag-ingon ang Kasulatan,

"Sumpoon sa Dios ang garboso,

apan kaloy-an niya ang mapainubsanon."*

6 Busa pagpasakop kamo sa gahom sa Dios, kay moabot ang adlaw nga pasidunggan niya kamo. 7 Itugyan ninyo kaniya ang inyong mga gikabalak-an kay aduna siyay kahangawa kaninyo.

11 Kay si bisan kinsa nga mapahitas-on ipaubos, ug ang mapainubsanon ipataas."

3 Ayaw kamo pagbuhat ug bisan unsa tungod lang sa kahakog o sa pagkamapahitas-on; kondili pagpaubos kamo ug huna-hunaa ninyo nga mas maayo pa ang uban kay kaninyo. 4 Dili lang ang inyong kaayohan ang inyong huna-hunaon kondili ang kaayohan usab sa uban.

5 Batoni ninyo kini nga panghuna-huna nga iya usab ni Cristo Jesus:

16 Kay ang tanan nga kalibotanon, nga gipangandoy sa tawhanong pagbati, nga gikaibgan sa mga mata, ug gipasigarbo sa mga tawo, dili gikan sa Amahan kondili iya sa kalibotan.

12 Busa kon naghuna-huna kamo nga ang inyong pagtuo lig-on na, pagbantay kamo kay basin kon makasala usab kamo.

3 Bisan i-apod-apod ko pa sa mga kabos ang tanan kong mga kabtangan, ug bisan ihalad ko ang akong lawas aron sunogon,* kon wala akoy gugma, wala gihapon akoy kapuslanan.

28 Gipili sa Dios ang mga kabos ug talamayon, nga giisip sa katawhan nga walay kapuslanan, aron ipakita niya nga dili mahinungdanon ang giisip sa katawhan nga mahinungdanon. 29 Busa walay makapasigarbo atubangan sa Dios.

17 Sama ba sa giingon sa kasulatan, "Kon adunay magpasigarbo, magpasigarbo siya sa gibuhat sa Ginoo."* 18 Kay ang Ginoo dili malipay sa tawo nga gadayeg sa iyang kaugalingon, kondili sa tawo nga iyang gidayeg.

20 Miingon usab siya, "Ang naggawas sa tawo mao ang makapahugaw kaniya. 21 Kay gikan sa kasing-kasing sa tawo ang daotan nga mga panghuna-huna nga mao ang nagtukmod kaniya sa pagpakighilawas gawas sa kaminyoon, pagpangawat, pagpatay, 22 pagpanapaw, pagkahakog, paghimo sa tanang matang sa kadaotan, pagpanglimbong, pagbinastos, pagkasina, pagsulti ug daotan batok sa isigka-tawo, pagpasigarbo, ug pagbinuang. 23 Kining tanang mga daotang binuhatan gikan sa sulod sa kasing-kasing sa tawo, ug mao kini ang nakapahugaw kaniya."

10 Sa sobrang garbo,

adunay mga tawo nga dili maminaw ug tambag,

ug mao kini ang hinungdan sa kagubot.

Kon gusto sila magmaalamon kinahanglan

maminaw sila ug tambag.

4 Ang pagtahod sa Ginoo ug ang pagpaubos makahatag kanimo

ug bahandi, dungog, ug taas nga kinabuhi.

17 Bahin sa mga adunahan dinhi sa kalibotan, ingna sila nga dili sila magpasigarbo o magsalig sa ilang bahandi nga daling mahanaw. Kinahanglan nga ibutang nila ang ilang pagsalig ngadto sa Dios nga maoy naghatag kanato sa tanan aron magmalipayon kita.

7 Apan miingon ang Ginoo kang Samuel, "Ayaw basihi ang iyang hitsura o ang iyang gitas-on. Dili siya ang akong gipili. Dili ako sama sa tawo. Ang tawo nagtan-aw sa hitsura, apan ako nagtan-aw sa kasing-kasing."

3 Undangi na ninyo ang pagkamapasigarbohon

ug pagkamapahitas-on

kay ang Ginoong Dios nga nahibalo sa tanan,

ug ginatimbang-timbang niya ang mga binuhatan sa tawo.

2 Dili ba ako man ang naghimo sa tanang mga butang?

Gihatagan kog pagtagad ang mga tawo nga mapainubsanon,

mahinulsulon, ug adunay dakong pagtahod sa akong pulong.

37 Busa karon akong dayegon ug pasidunggan ang Hari sa langit, tungod kay husto ug matarong ang tanan niyang binuhatan ug ginapaubos niya si bisan kinsa nga nagpasigarbo.

11 Mitubag ang hari sa Israel, "Ingna ninyo siya nga ang sundalo nga nangandam pa lang sa pagpakig-gira dili angayng magpasigarbo sama sa sundalo nga nakahuman na sa pagpakig-gira."

16 Kinahanglan pareho ang inyong pagtagad sa matag-usa. Ayaw kamo pagmapahitas-on, hinuon pakighigala kamo sa mga tawo nga ubos ug kahimtang. Ayaw kamo paghuna-huna nga maalamon gayod kamo.

22 Apan kini ang makita sa kinabuhi sa tawo kon ang Espiritu mao ang naggahom kaniya: mahigugmaon siya, malipayon, adunay kalinaw, mainantuson, maayo sa iyang isigka-tawo, manggihatagon, kasaligan, 23 buotan ug makapugong sa iyang kaugalingon. Kon mao kini ang atong buhaton dili nato malapas ang mga sugo sa Dios kanato.