Orgulho

6 Xómáꞌ ikhaa̱ phú mba̱a̱ nambáyálóꞌ ga̱jma̱á rí máján. Ikhaa jngó ka̱ma naꞌthán ná i̱yi̱i̱ꞌ ajngóo Ana̱ꞌlóꞌ:

«Ana̱ꞌlóꞌ na̱we̱je̱-ꞌthu̱ún xa̱bo̱ tsí nu̱xu̱xí-mijná,

xómáꞌ tsí nu̱xrígú-mijná rá, nambáñúu̱ ga̱jma̱á rí máján».*

10 Gu̱xrígú-mijnálaꞌ ná inuu Ana̱ꞌlóꞌ, jamí ikhaa̱ ma̱ꞌnii̱ rí ma̱gi̱ꞌdoo numalaꞌ.

Xa̱bo̱ tsí ngíníi jamí tsí phú guáꞌdáá

9 Dxájwalóꞌ tsí ngínáa, ma̱xáti̱yu̱u̱ꞌ, numuu rí phú gíꞌdoo numuu̱ ná inuu Ana̱ꞌlóꞌ. 10 Xómáꞌ xa̱bo̱ tsí phú gíꞌdoo rá, ma̱xáti̱yu̱u̱ꞌ ído̱ rí Ana̱ꞌlóꞌ maxríguíi̱. Numuu rí xa̱bo̱ tsí phú gíꞌdoo, na̱nguá mba̱yo̱ꞌ xtáa̱, xómá re̱ꞌe̱ rí ríga̱ ná xanáá.

Rí nithúún mbá xúgíin tsí nanimbu̱únꞌ juyáá Jesús

5 Xúꞌkhue̱n máꞌ ikháanꞌlaꞌ, xa̱bo̱ tikhu, gu̱ne̱-mbáníílaꞌ rí nuthan xa̱bo̱ buanuu. Mbá xúgiáanꞌlaꞌ gu̱xrígú-mijnálaꞌ jamí gu̱ni̱ꞌñá-mijnálaꞌ rí mu̱xna̱-ñájun-mijnálaꞌ, numuu rí:

«Ana̱ꞌlóꞌ na̱we̱je̱-ꞌthúu̱n xa̱bo̱ tsí nu̱xu̱xí-mijná,

xómáꞌ tsí nu̱xrígú-mijná rá, nambáñúu̱ ga̱jma̱á rí máján».

6 Ikhaa jngó, gu̱xrígú-mijnálaꞌ ná inuu Ana̱ꞌlóꞌ tsí gíꞌdoo mbá xúgíí tsiakhe̱, kajngó ikhaa̱ ma̱ꞌnii̱ rí phú ma̱gi̱ꞌdoo numalaꞌ ído̱ gága̱nú mbiꞌi. 7 Gu̱ni̱ꞌñáálaꞌ mbá xúgíí gajmá rí guáꞌdáálaꞌ ná ñawúun Ana̱ꞌlóꞌ, numuu rí ikhaa̱ na̱ña̱wa̱nꞌlaꞌ.

11 Numuu rí asndo tsáa tsí nakúxe̱-mina̱ꞌ, ma̱gu̱ma-mati̱i̱ꞌ. Xómáꞌ tsí naxrígú-mina̱ꞌ rá, ma̱gu̱ma-mba̱a̱».

3 Asndo náá rí nu̱ne̱laꞌ, ma̱xátsa̱ña̱ꞌlaꞌ ni máꞌ mu̱xúxu̱xí-mijnálaꞌ. A̱ꞌkhue̱n gakon gu̱ne̱-waba-mijnálaꞌ, jamí mbámbáa gáju̱mu̱u̱ rí i̱tha̱án gíꞌdoo numuu dxájuu xó rí ikhaa. 4 Mu̱xúꞌyálaꞌ i̱ndo̱ó máꞌ rí ndaꞌyálaꞌ ikháanꞌlaꞌ, rí ga̱xná-gamiéjwanlaꞌ rí ndaꞌñúú i̱ꞌwíin mangaa.

Nixrígú-mina̱ꞌ Krísto̱ jamí waxúxi̱i̱ neꞌne Ana̱ꞌlóꞌ

5 Ikhaa jngó, ga̱ꞌne xúꞌkhue̱n a̱kia̱nꞌlaꞌ, xómá rí neꞌne a̱kui̱in Krísto̱ Jesús mangaa:

16 Numuu rí mbá xúgíí rí ríga̱ ná numbaa ríge̱ꞌ, ikhaa ñajuun: rí nandoo xuyuu xa̱bo̱, rí na̱ni̱gu̱u̱ꞌ xa̱bo̱ ma̱gi̱ꞌdoo rí ndaꞌyoo, jamí rí nakúxe̱-mina̱ꞌ xa̱bo̱ ga̱jma̱á numuu rí gíꞌdoo. Mbá xúgíí rúꞌkhue̱n na̱ꞌkha̱ ná numbaa ríge̱ꞌ, ra̱ꞌkhá ná inuu Ana̱ꞌlóꞌ Mikhuíí i̱ꞌkha̱ ne̱.

12 Ikhaa jngó, tsí na̱ju̱mu̱u̱ rí wéje̱-gúkúu, ga̱ꞌyoo̱ lá ra̱ꞌkhá ma̱xpátri̱ga̱a̱ mbayíí.

3 Maske máꞌ ma̱xnu̱ú mbá xúgíí rí gúꞌdo̱ꞌ tsí ngíníi, o ma̱xna̱xí-mina̱ꞌ rí mi̱khúún mbo̱ꞌ, jamí tsíyoꞌ ja̱ñu̱ú xa̱bo̱, nda̱a̱ nitháan rí gíꞌdoo numuꞌ xúꞌkhue̱n rá.

28 Ikhiin tsí tsíjmii jayu, tsí ndawa̱a̱ tsí iya-makúún, jamí tsí nda̱a̱ nitháan numúú, tsúꞌkhue̱n niraꞌwíin Ana̱ꞌlóꞌ kajngó ma̱ꞌne-matii̱nꞌ tsí gíꞌdoo numúú. 29 Ikhaa jngó nimbáa ma̱xákúxe̱-mina̱ꞌ ná inuu Ana̱ꞌlóꞌ.

17 A̱ꞌkhue̱n gakon, tsí nandoo gákúxe̱-mina̱ꞌ, gakúxe̱-mine̱e̱ꞌ ga̱jma̱á numuu rí naꞌne Táta̱. 18 Numuu ído̱ rí mbáa xa̱bo̱ naꞌthán rí máján ga̱jma̱á numuu máꞌ ikhaa, nda̱a̱ máꞌ rí gíꞌdoo numuu rúꞌkhue̱n. Rí phú i̱tha̱án gíꞌdoo numuu ñajuun rí Ana̱ꞌlóꞌ maꞌthán rí máján ga̱jma̱á numuu xa̱bo̱.

20 Jamí niꞌthée̱n mangaa: «Rí nagájnuu awúún, rúꞌkhue̱n ñajuun rí naꞌne miꞌsmbaa xa̱bo̱. 21 Ikhín nagájnuu mbá xúgíí rí xkawe̱ꞌ nu̱ndxa̱ꞌwa̱-mijnée̱: rí nubúu̱n gajmíi̱ xa̱bo̱ tsí túya̱a̱, rí nu̱radíi̱n xa̱bo̱, 22 rí nune̱-ku̱ꞌwée̱, rí na̱ni̱gúu̱nꞌ ma̱guáꞌdáa̱ mi̱ndaꞌkho, rí nuni̱i̱ rí xkawe̱ꞌ, rí nune̱-nduwee̱, rí na̱wa̱ꞌa̱ a̱kuíi̱n rí muni̱i̱ aꞌkhán, rí naxígúu̱n, rí nuxna-maꞌíi̱n xa̱bo̱, rí nu̱xu̱xí-mijnée̱, jamí rí tsíndxa̱ꞌwa̱-mijnée̱ mújúu̱n. 23 Mbá xúgíí rí xkawe̱ꞌ rúꞌkhue̱n, ná awúun a̱kui̱ín xa̱bo̱ nagájnuu ne̱, jamí ikhaa máꞌ rúꞌkhue̱n ñajuun rí naꞌne miꞌsmbii̱n».

17 Arathúún xa̱bo̱ tsí guáꞌdáá guéño ná numbaa ríge̱ꞌ, rí mu̱xúxu̱xí-mijnée̱ ni máꞌ mu̱xútsijii̱ a̱kuíi̱n ná inuu rí guáꞌdáa̱ guéño, numuu rí tsígajyúu ne̱. A̱ꞌkhue̱n gakon, gu̱tsijii̱ a̱kuíi̱n ná inuu Ana̱ꞌlóꞌ tsí nanújngo-rámuu naxnálóꞌ mbá xúgíí rí ndaꞌyálóꞌ kajngó ma̱ꞌdxu a̱kia̱nꞌlóꞌ ga̱jma̱á numuu ne̱.

16 Gu̱ru̱wa̱a ju̱ma̱ꞌlaꞌ gajmiálaꞌ i̱ꞌwíin. Mu̱xúxu̱xí-mijnálaꞌ, rí ga̱mbáxa̱ꞌ gajmiálaꞌ tsí ngíníi. Ma̱xáju̱ma̱ꞌlaꞌ rí ikháanꞌlaꞌ phú na̱ma̱ñalaꞌ mbá xúgíí.

22 Xómáꞌ tsí Xu̱u̱ꞌ Ana̱ꞌlóꞌ rá, naꞌnii̱ rí ma̱galóꞌ juꞌñúú xa̱bo̱, rí ma̱ꞌdxu a̱kia̱nꞌlóꞌ, rí ma̱juwalóꞌ tsímáá, rí ma̱ꞌngo̱o̱ a̱kia̱nꞌlóꞌ, rí ma̱ꞌne gamakuáanꞌlóꞌ, rí ma̱ꞌne májáan a̱kia̱nꞌlóꞌ, rí mu̱ꞌne̱-mbáníílóꞌ rí nuꞌthánlóꞌ, 23 rí mu̱xrígú-mijnálóꞌ, jamí rí mu̱xúꞌne̱lóꞌ rí xkawe̱ꞌ nandoo xuyalóꞌ. Nda̱a̱ nimbá xtángoo rí naꞌthán rí ra̱máján rí mu̱ꞌne̱lóꞌ mbá xúgíí rúꞌkhue̱n.