Ouvir a voz de Deus

27 मार गाड़ गाडरा मार शब्द सोंबवता छे; हाव हेको जानतु छे, आरू चाँ मार पछळ–पछळ चालता छे;

45 भविष्यवक्तान लेखो मा यो लिखलो छे: "चाँ सब यहोवा भगवानन आरू से सिकाल्ला होयसे।" जु कोय बासन सोंब्यु छे आरू सिकलु छे, त्यो मार जु आवतु छे।

47 जु यहोवा–भगवान साथे रोवतु छे, त्यो यहोवा–भगवानन वात सोमवीन छे; आरू तु एरकरीन नी सोंबवता कि तुमू यहोवा–भगवानन तरफ छे नी छे।"

24 हाव तुखे सच सच कयतु छे, जु मारो वचन सोमवीन मारा मोकलनेवाला पर विश्वास करे, अमरकाय जीवन हेरेन छे; आरू उका पर दण्डन हुकुम नी हुती, पुन ची मोत रईन पार होईन जीवन मा भरायने कर त्योक्यु छे।

25 "हाव तुखे सच सच कयतु छे त्यो टेम आवतु छे, आरू हिमी छे, जिनाम मरला यहोवा–भगवानन पोर्‍या शब्द सोंबायसे, आरू जु सोंबवसे त्यो जीवसे।

वचन देहधारी हुयो

1 पेहलुत शब्द हतो, आरू शब्द यहोवा–भगवान साथे हतो, आरू शब्द यहोवा–भगवान हतु।

14 आरू वचन देहधारी हयो; आरू फोकटन दया आरू सच्चाई से भरायला होईन हामरे विच मा डेरा कर्‍या, आरू हामु हेरेन ओसी महिमा देख्या, जोसी बासन एकखुळाय पोर्‍या महिमा।

16 सम्पूर्ण चुखलो शास्त्र यहोवा–भगवान की अगवायन लारे रची गयी छे आरू शिक्षा, आरू समझने, आरू सुधारने, न्यायपन की शिक्षा क करता लाभदायक छे। 17 ताकि यहोवा–भगवान क जन सिध्द बन, आरू हर एक वारला काम क करता तत्पर होय जाय।

20 पर पेहल यो जान लेय कि चुखलो शास्त्र की काही भी भविष्यव्दाणी काही क आपने ही विचार धार क आधार पर निकवती नी होती। 21 काहकि काही भी भविष्यव्दाणी मानुस की मरजी छे किही नी होयी, पर भक्त जन चुखलो आत्मा क द्वारा जुए देवाड़े जाईन यहोवा–भगवान की आरू छे बुलता हुता।

17 अतरान करीन विश्वास संदेश सोंबवने से, आरू सोंबवने मसीहन वचन से हतो छे।

अकलमान आरू मुर्ख मानुस

24 अतरान करीन–करीन जी काही यी वात सोमवीन तिनुक मानता छे चो तीनाक अकलमान मानुस क समान ठरसे जे आपसा घर चट्टान पर बनाड़े। 25 आरू वरहात आरू बाढ़े आवी, आरू वादुन आयु, आरू तिना घर पर टक्‍कर लागी, पुन चो नी पड़्यो, काहकि तेरी नींव चट्टान पर नाखी गयी होती।

28 त्यो कयो, "हाव; पुन धन्य वो छे जो यहोवा–भगवान क वचन आरू सोमवता आरू मानता छे।"