Ouvir
Ouvir é uma disciplina espiritual essencial. A Bíblia exorta: 'Quem tem ouvidos, ouça.' A fé vem pelo ouvir, e ouvir é mais que escutar — é obedecer e agir.
A fé vem pelo ouvir
Sem ouvir a Palavra, não há fé. A pregação do evangelho gera fé nos corações de quem ouve com disposição e humildade.
Ítara liña lubeiti, lídangiñe haganbuni gürigia uganu hafiñera, ani Lererun Kristu uganu ligía.
Ítara liña lubeiti, lídangiñe haganbuni gürigia uganu hafiñera, ani Lererun Kristu uganu ligía.
Ida lubati gayara lan hagúaruni lun lasalbaruniña anhein mafiñerungiña lubéi luagu? Ida luba giñeti gayara lan hafiñerun luagu, anhein maganbungiña lubéi luagu? Ida lubati gayara lan haganbun luagu, anhein uá habéi apurichihati uganu houn?
Ha garigeirugutiña lun haganbun, aganba hamá».
Hawagu lagunfulira le meha lariñagubei profeta Isaíasi dan le lariñagunbei:
"Huguya, haganbuba, gama lumoun úabei gunfuranda humá;
harihuba, gama lumoun ibidiñebei hun ka lan lílabei le harihubei;
ladüga dereeru hanigi gürigia ha,
daruhali lau haganbun,
ani daruhali giñe hagu.
Anhein hamuga mítaranti,
arihatiña hamuga lau hagu,
aganba hagía hamuga lau harigei,
gunfurandatiña hamuga tau hanigi,
aba hamuga hayabin nun,
aba hamugati nagaranihan houn".
Ouvir e obedecer
Não basta ouvir — é preciso praticar. Quem ouve a Palavra e a pratica é como o homem sábio que edificou sobre a rocha.
Adüga huméi le tariñagubei Lererun Bungiu, mama lun aganbarügü humani. Anhein haritagua hubéi luagu buídurügü lan lúnrügü haganbuni Lererun Bungiu, heyeedaguña hungua.
Adüga huméi le tariñagubei Lererun Bungiu, mama lun aganbarügü humani. Anhein haritagua hubéi luagu buídurügü lan lúnrügü haganbuni Lererun Bungiu, heyeedaguña hungua.
Ligía lubeiti, niduheñu hínsiñetiña nun, kada aban hídangiñe lunti aranseñu lan lun laganbun, gama lumoun lunti hámaru lan lun ladimurehan luma lun lagañidun;
Ligía lubeiti, niduheñu hínsiñetiña nun, kada aban hídangiñe lunti aranseñu lan lun laganbun, gama lumoun lunti hámaru lan lun ladimurehan luma lun lagañidun; lugundun gürigia le gáñibei, madügün lumuti le aubei lagundaara Bungiu.
«Le aganbutina, adügaléi le nubeibei, ítara liña kei aban wügüri gunfurandati le adügübei luban ligibuagu dübü.
«Le aganbutina, adügaléi le nubeibei, ítara liña kei aban wügüri gunfurandati le adügübei luban ligibuagu dübü. Aba liábingua huya, aba liñurun duna, fugua garabali tuagun muna tuguya; méiguaduntu ladüga luagu lan dübü tabunúa. Ánheinti le aganbutina gama lumoun madügün lumuti le nubeibei, aban wügüri ibidiougua tau ligía, le ábunagubei ligibuagu sagoun, aba liábingua huya, iñura duna, fugua garabali tuagun muna tuguya; ma lanarime tábürühan!»
Aba lóunabun Hesusu: Tariñahare Lererun Bungiu: "Mámarügübei tau fein habagarida gürigia; habagariduba giñe lau sun dimurei le lariñagubei Bungiu".
Aba lariñagun Hesusu:
—Fuleseiwatimatiña ha aganbubalin ani adüga haméi le lubeibei Bungiu!
Aba lariñagun Hesusu:
—Fuleseiwatimatiña ha aganbubalin ani adüga haméi le lubeibei Bungiu!
Falá huméi sun le arufudaha náalibei hun luma sun le resibi humaalibei númagiñe. Gúnfuli humá lau le nariñagubei hun; áyeiha huméi nigaburi. Ábame huma lan Lubungiute darangilaü.
Deus ouve nossas orações
O Senhor ouve os que clamam a Ele de coração sincero. Ele inclina os ouvidos para as nossas súplicas e responde com fidelidade.
Hínsiñeti Nabureme nun,
ladüga aganba laali lan nayumuragun;
ladüga ténihali lan nun.
Nagúahabei súnwandan!
Lidan násiñaragun nungua, wátina lun Nabureme;
amuriahatina ídemuei luma Nubungiute,
aba laganbunina lúbiñegiñe;
chülüti nagúaragun larigeirugun!
Góunigi lumutiña Aburemei ha harumabaña émeri,
ru lumuti giñe larigei lun laganbuniña.
Aganba bumuti numalali binaafin;
ru numuti nikesin bigibugiñe binaafingiua,
aba nerederun agurabei bóunabun.
Buíngüdabana lau ugundani;
gundaaguagüdayabana lau sun dürügua baali lan buga nugundan.
Subudigüdabana libügürü bínsiñehabu binaafin,
ladüga ru naali nemenigin buagun.
Subudigüdabei nun ida luba lan nóuserun,
ladüga buma nálugei le nayumahabei.
Hemenigitiwa luagu Bungiu, lugundun subudi wamuti luagu ánhawa lan amuriaha furumiñeguarügü katei keisi lugundan, laganbubadiwa lan.
Ani ítara kei wasubudiruni luagu aganba lani Bungiu wafurieidún, subudi wamuti giñe luagu lóunabubadiwa lan.
Ábameti hagúahanina, afurieida huguyame nun ábame naganbunün.
Waba nuagu, ábame nóunabunibu, ábame narufudun katei wéinamuburiti ani aramudaguati bun, le ibidiñeti bun.
Malouguadungili lubafu Bungiu lun mesefuhanhaali lan,
mamaganbadidun ligía lun lásiñaruba lan laganbun.
Ouvir a voz de Deus
Jesus disse: 'As minhas ovelhas ouvem a minha voz.' Deus fala através da Palavra, do Espírito e das circunstâncias — cabe a nós ouvir.
Subudi hamuti nilügüniña mudún numalali, subudi numutiña giñe, ani falá hamutina,
«Ninarün hau, luagu le lan aganbuti le nariñagubei lun, afiñe ligía luagu le óunahabalina, gabagariti le magumuchaditi; masiadirúnwabei giñe, sügühali lídangiñe óunweni lidoun ibagari le magumuchaditi. Ninarün hau luagu anitebei lan dan, ani anihán dan ligía, danme le haganbuni hilaaña numalali; ha ñǘdünbaña lau le nubeibei, gabagaribaña.
Anaha bénabu, nagúahaña; le aganbuti numalali, aba ladaaruni bena nubá, nebeluruba lumoun, ábame neigin luma, hou ligíame numa.
Anaha bénabu, nagúahaña; le aganbuti numalali, aba ladaaruni bena nubá, nebeluruba lumoun, ábame neigin luma, hou ligíame numa.
Falá huméi Bungiu le Hubungiute, lúnrügüla híchiga inebesei, aganba huméi lilurudun, hudugua humá lun, badüleñu huma luagu.
Dan le líchuguni Bungiu lani Sífiri hun, adüga ligía milaguru haganagua, ka san uagu ladügei? Mama luagu gúnfuli humani lúrudu ladügei, ladügünbalin lugundun afiñe humá luagu uganu le aganba humaalibei.
Sabedoria no ouvir
Seja pronto para ouvir e tardio para falar. A sabedoria começa com a disposição de ouvir instrução e aceitar correção.
Libidiounigan aau ani nibusigarídünati giñe
hóunabun gürigia lubaragiñe haganbun.
Ha alidihatiña buidu, buiti lidin houn;
fuleseiwatiña ha hemenigibaña luagu Bungiu!
Niráü, areidabei hagumadin bagübürigu
luma harufudahan lidan bisaminan súnwandan.
Ha ánharutiña lun ererehóuni, luéigiñeñanu lémeri ibagari;
ánhaña ha máhabaña lun, luéigiñeñanu lémeri günringuaü.
Ánhaña maha gürigia hadügün gasu lau lilurudun Bungiu,
maganbun lubéi giñe Bungiu hafurieidun.
Buítimati laganbún leweridihan chu tau
sügǘ lau habimehan ibidiougua tau.
Úati ni aban gayaraati lariñaguni furangu
ida liña lan labuchadun hawagu gürigia lubá sun katei;
úati giñe arihiti ni aganbuti le gumuti lun gufurumabei lan.
—Anhaün ítarameme eledegua nun, nabeichayabadün sédüya wéiyaasu lanwoun según hifigoun.
Lunti gaganbadi humá nun, lunti giñe deregüda lan nineben hun. Anhein madügün humá ítara, níñaragubadün. Keiti le mederagüdün humá lidan lichugúniwa inebesei nun, nadügüba lun íñarawaguni lan íbini le heresibirubei luagu hafadirihan. Aburemei Suntigabafu ariñagubalin.
Gama lumoun danme le nabusenrun nariñagun somu katei bun, nadügüba lun gayaraaya lan badimurehan, ábameti bariñagun houn: "Anihán le lariñagubei Aburemei". Le busenti laganbun, laganbuba, anhein le mabusenrunti laganbun, maganbunbei. Lugundun gürigia mabuchatiña hagía.
Lariñahare Wabureme:
«Anitebei weyu lun nóunahan ilamaü ubouagun;
mama ilamaü tun fein, ni mágürabu lun duna,
ilamaü lun laganbún nererun.
Kei burí luagun amidi áriebu, ñéinñanu Pábulu luma Sílasi afurieida luma eremuha lun Bungiu; ha híbiri, aganbaha.
Ábati lariñagun Hosué houn Ísüraelina:
—Yarafa humá aganbei le lariñagubei Wabureme le Hubungiute.
Ítara liña lubeiti, sun le hariñagubei lábugiñe luburiga, laganbúaba lidan larugounga; le hariñagubei darugu bena hau, laguarahóuba tábulugugiñe muna.
Anhein adüga biduhe wuribani bun, bayanuha luma hábuguarügü, ábame basubudiragüdüni lidurun lun. Anhein adüga gasu bau, gamadaguayaadün.
Anhein adüga biduhe wuribani bun, bayanuha luma hábuguarügü, ábame basubudiragüdüni lidurun lun. Anhein adüga gasu bau, gamadaguayaadün. Anhein madügün gasu bau, ábame banügün aban o bián gürigia hanwoun lun sun lan le ariñawagúti, añahein hamaamuga amu gefentiña luagu. Anhein madügün gasu hau, ábame bariñaguni lun hadamurin afiñetiña; anhein madügün gasu lau adamurini, ábame banügüni kei aban mafiñenti luagu Bungiu o kei lan aban aguburahati liseinsuna gumadi, gayara láamuga lasansiruni luriban ligaburi.
Aba lagundaarun Heturó luagu lareini Bungiu le larufudubei houn Ísüraelina lau lasalbaruniña luéi habafu Ehiptuna,
Geyegua lumutina óunweni;
sanditina anufudei ligibugiñe le gagünrinchaguadibei.
Güragua lumutina óunweni lau lugurudun
dariguatina burí nungua tidan sádara to gáfarahatu.
Wátina lun Nabureme lidan nidiheri,
amuriaha numuti lídehan Nubungiute,
aba laganbunina tídangiñe litenpulun,
chülüti nagúarahan larigeirugun!