Paciência
A paciência é fruto do Espírito e virtude essencial da vida cristã. Deus é paciente conosco, e nos chama a ser pacientes com os outros e nas provações.
A paciência de Deus
Deus é clemente e tardio em irar-se. Sua paciência revela seu desejo de que todos se arrependam e cheguem ao conhecimento da verdade.
Jehovha ane tsitsi nenyasha,
anononoka kutsamwa, azere norudo.
Ishe haanonoki kuita zvaakavimbisa, sokunonoka kunonzwisiswa navamwe. Ane mwoyo murefu nemi, haadi kuti ani zvake arasike, asi kuti vose vatendeuke.
Asi musakanganwa chinhu chimwe chete ichi, vadikani, kuti: Kuna Ishe zuva rimwe chete rakaita sechiuru chamakore, uye chiuru chamakore chakaita sezuva rimwe chete.
Bvarurai mwoyo yenyu,
kwete nguo dzenyu.
Dzokerai kuna Jehovha Mwari wenyu,
iye ane nyasha uye ane tsitsi,
anononoka kutsamwa
uye ane rudo rukuru;
anozvidzora pakutumira vanhu njodzi.
Asi nokuda kwechikonzero ichochi ndakaitirwa ngoni kuitira kuti mandiri ini mutadzi mukuru, Kristu Jesu aratidze mwoyo murefu wake usingaperi kuti ndive muenzaniso kuna avo vachatenda kwaari uye vagowana upenyu husingaperi.
Asi Jehovha anoshuva kukuitirai nyasha;
anosimuka kuti akuratidzei tsitsi.
Nokuti Jehovha ndiMwari wokururamisira.
Vakaropafadzwa vose vanomurindira!
Esperar com paciência
Os que esperam no Senhor renovam as forças. A paciência produz caráter, e o caráter produz esperança que não decepciona.
Rindira Jehovha;
iva nesimba,
utsunge mwoyo ugomirira Jehovha.
Nyarara pamberi paJehovha, umurindire unyerere;
usava neshungu kana vanhu vachibudirira panzira dzavo,
pavanoita mano avo akaipa avakaronga.
Mangwanani, munonzwa inzwi rangu, imi Jehovha;
mangwanani ndinoisa zvikumbiro zvangu pamberi penyu
uye ndichimirira netariro.
Asi kana tine tariro yechinhu chatisina, tinochimirira nokutsungirira.
Farai mutariro, tsungirirai pakutambudzika, rambai muchinyengetera.
Jehovha achakurwirai; imi ingonyararai bedzi."
Paciência nas provações
O amor é paciente. A paciência é marca de maturidade espiritual e nos permite perseverar mesmo quando as circunstâncias são adversas.
Rudo runo mwoyo murefu, rudo runo mwoyo munyoro. Haruna godo, haruna manyawi haruzvikudzi. Haruiti zvokuvirimira vamwe, harutsvaki zvarwo, harukurumidzi kutsamwa, haruna pfundi pfundi.
Ngatiregei kuneta pakuita zvakanaka, nokuti nenguva yakafanira tichakohwa kana tisingaori mwoyo.
Mwari anopa kutsungirira nokukurudzira ngaakupei mweya wokuva nomwoyo mumwe pakati penyu pamunenge muchitevera Kristu Jesu,
Muzvininipise zvachose uye mupfave; muite mwoyo murefu, muchiitirana mwoyo murefu murudo.
Naizvozvo savasanangurwa vaMwari, vatsvene uye vanodikanwa kwazvo, zvifukidzei netsitsi, nounyoro, nokuzvininipisa, nokupfava uye nomwoyo murefu.
Paridza shoko; ugare wakagadzirira panguva yakafanira kunyange isakafanira; rayira, tsiura, uye ukurudzire nomwoyo murefu zvikuru uye nokudzidzisa zvakanaka.
Perseverança até o fim
Quem perseverar até o fim será salvo. O domínio próprio é maior que a conquista de uma cidade.
Asi uyo achatsungirira kusvikira kumagumo, achaponeswa.
"Naizvozvo, garai makagadzirira nokuti hamuzivi zuva iro Ishe wenyu achauya naro.
Zviri nani kuva munhu ane mwoyo murefu pane kuva murwi,
munhu anozvibata pakutsamwa kwake ari nani pane uyo anotapa guta.
Munhu ane mwoyo murefu anonzwisisa,
asi munhu anokurumidza kutsamwa anoratidza upenzi.
Ndiri kukurumidza kuuya. Batisisa icho chaunacho, kuti kurege kuva nomunhu anokutorera korona yako.
Nokuti kutsamwa kwake ndokwenguva duku,
asi nyasha dzake ndedzoupenyu hwose;
kuchema kungangovapo usiku.
Asi mufaro unouya mangwanani.