Pais e filhos

12 आपल्या वडिलांचा व आपल्या आईचा सन्मान करा, म्हणजे जो देश याहवेह तुमचे परमेश्वर तुम्हाला देत आहे, त्यात तुम्ही दीर्घकाळ राहाल.

1 लेकरांनो, प्रभूमध्ये तुम्ही आपल्या आईवडिलांची आज्ञा पाळा, कारण हे योग्य आहे. 2 "तुमच्या आई आणि वडिलांचा मान राखा" अभिवचन असलेली ही पहिली आज्ञा आहे. 3 "यासाठी की तुमचे कल्याण व्हावे आणि तुम्हाला पृथ्वीवर दीर्घायुष्याचा लाभ घेता यावा."*

20 लेकरांनो, तुम्ही सर्व गोष्टीत आपल्या आईवडिलांची आज्ञा पाळा, कारण त्यामुळे प्रभूला संतोष होतो.

सतरावे सूत्र

22 आपल्या वडिलांचे ऐक ज्याने तुला जीवन दिले,

आणि तुझी आई वृद्ध झाल्यावर तिचा तिरस्कार करू नको.

26 जे कोणी त्यांच्या वडिलांना लुटतात आणि त्यांच्या आईला हाकलून देतात,

ती अशी संतान आहे जी लज्जा व अप्रतिष्ठा यांना कारणीभूत होते.

20 जो आपल्या आईवडिलांना शिव्याशाप देतो,

त्याचा दीप गडद अंधारात विझून जाईल.

4 परंतु विधवेला मुले अथवा नातवंडे असतील, तर त्यांनी प्रथम आपल्या कुटुंबीयांशी सुभक्तीने वागून व आपल्या पितरांचे उपकार फेडण्यास शिकावे, यामुळे परमेश्वराला अतिशय संतोष होतो.

6 लहान मुलांनी जसे वर्तन केले पाहिजे, तसेच त्यांना वागावयास शिकवा,

म्हणजे मोठेपणी ती मुले त्या मार्गापासून दूर जाणार नाहीत.

6 या ज्या आज्ञा मी आज तुम्हाला देणार आहे, त्या तुमच्या अंतःकरणात सदैव असाव्या. 7 त्या तुमच्या मुलांवर बिंबवा. घरी बसले असताना, वाटेवर चालत असताना, झोपण्याच्या वेळी व झोपेतून उठल्यानंतर त्याबद्दल बोलत राहा.

पापी लोकांच्या आमंत्रणाविषयी सावधान

8 माझ्या मुला, तुझ्या वडिलांचे शिक्षण ऐकून घे

आणि तुझ्या आईची शिकवण विसरू नकोस.

9 ती तुझ्या मस्तकाला अलंकृत करणारी माळ आहे

आणि तुझ्या गळ्यातील सुशोभित हार आहे.

4 पित्यांनो,* तुम्ही आपल्या मुलांना प्रकोपित करू नका; याउलट प्रभूच्या शिक्षणात व बोधवचनात त्यांना वाढवा.

21 वडिलांनो,* तुम्ही आपल्या मुलांना प्रकोपित करू नका, नाही तर त्यांचे धैर्य खचेल.

15 छडी व ताकीद यामुळे ज्ञान मिळते;

परंतु बालकाला बेशिस्त सोडल्यास, ते आपल्या आईला कलंकित करते.

24 जे कोणी छडी आवरतात, ते त्यांच्या लेकरांचा द्वेष करतात,

परंतु जे त्यांच्या लेकरांवर प्रेम करतात, ते त्यांना काळजीपूर्वक शिस्त लावतात.

7 तुम्ही धीराने शिस्त सहन करत आहात; परमेश्वर तुम्हाला पुत्राप्रमाणे वागवितात आणि लेकरांना शिस्त लावत नाही असा कोण पिता आहे?

3 मुले, ही याहवेहकडून मिळालेला वारसा आहे,

प्रसवशील कूस, हे याहवेहकडून लाभणारे प्रतिफळ आहे.

4 तरुणपणी झालेली मुले,

शूरवीराच्या हातातील बाणांप्रमाणे आहेत.

5 ज्या पुरुषाचा भाता

अशा बाणांनी भरलेला आहे, तो धन्य!

असे पुरुष वेशीत आपल्या शत्रूशी न्यायालयात वाटाघाटी करतील,

तेव्हा ते लज्जित होणार नाहीत.

6 वयस्क माणसांची नातवंडे त्यांचे गौरवी भूषण आहेत;

आणि मुलांचे भूषण त्यांचे मातापिता आहेत.

24 नीतिमान मुलाच्या वडिलांना फार आनंद होतो;

जो मनुष्य सुज्ञ पुत्राचा पिता आहे त्यामध्ये तो उल्लसित असतो.

1 शलोमोनाची नीतिसूत्रे:

शहाणा मुलगा त्याच्या पित्याला सुखी करतो,

परंतु मूर्ख मुलगा त्याच्या आईला दुःख देतो.

11 "तुमच्यातील कोण असे वडील आहेत, जर तुमच्या मुलाने तुमच्याजवळ* मासा मागितला, तर तुम्ही त्याला साप द्याल? 12 किंवा जर त्याने अंडे मागितले, तर त्याला विंचू द्याल? 13 तर तुम्ही दुष्ट असताना तुमच्या लेकरांना चांगल्या देणग्या देण्याचे तुम्हाला समजते, तर मग स्वर्गीय पित्याजवळ जे मागतात, त्यांना ते कितीतरी विपुलतेने पवित्र आत्मा देणार!"

8 परंतु जर कोणी आपल्या स्वकीयांचे आणि विशेषकरून आपल्या घरच्यांची तरतूद करीत नाही, तर त्याने विश्वास नाकारला आहे आणि तो अविश्वासणार्‍यापेक्षा वाईट आहे.

15 परंतु याहवेहची सेवा करणे तुम्हाला अप्रिय वाटत असेल, तर तुम्ही कोणाची सेवा करणार ते आजच ठरवा, फरात नदीच्या पलीकडे तुमच्या पूर्वजांनी ज्या दैवतांची सेवा केली ती की ज्या अमोरी लोकांच्या देशात तुम्ही राहता त्यांच्या दैवतांची? परंतु मी आणि माझे घराणे, आम्ही याहवेहची सेवा करणार."

24 या कारणासाठी पुरुष आपल्या आईवडिलांना सोडून आपल्या पत्नीशी जडून राहील आणि ती एकदेह होतील.

16 आईवडिलांना त्यांच्या मुलांच्या कारणामुळे जिवे मारू नये, तसेच आईवडिलांच्या कारणामुळे त्यांच्या मुलांना जिवे मारू नये. प्रत्येकजण स्वतःच्या पापासाठी मरतील.