Pais e filhos
A relação entre pais e filhos é uma das mais preciosas na Bíblia. Deus estabeleceu a família como escola de fé, amor e formação de caráter.
Honrar pai e mãe
Honrar os pais é o primeiro mandamento com promessa. Os filhos são chamados a obedecer, respeitar e cuidar de seus pais.
"आपणैं ईजा-बाबो करै अदर, तेता करै हणीं थारी तैहा ज़ैगा खास्सी अमर ज़ुंण ज़ैगा मुंह बिधाता तम्हां लै दैणीं।
ईज-बाब अर लान्हैं
ए लान्हैंओ, पबित्र शास्त्र बोला इहअ, "आपणैं ईज-बाबो करा अदर इहअ करै हणीं तम्हां लै सोभै गल्ला भली अर थारी हणीं पृथूई दी लाम्मी अमर।" अह आसा पैहलअ हुकम ज़ुंण परमेशरै करारा संघै आसा दैनअ द। तम्हैं लान्हैं ज़ुंण प्रभू दी विश्वास करा तम्हां लै आसा इहअ ई ठीक कि तम्हैं हआ आपणैं ईज-बाबे हर गल्ला शुणनै मनणै आल़ै।
ओ शोहरूओ, सोभी गल्ला दी हआ आपणैं ईजा-बाबे शुणनै मनणै आल़ै ज़िहै तिंयां तम्हां लै बोला किल्हैकि प्रभू हआ तेता करै खुश।
16
आपणैं बाबे गल्ला दी दैणअ धैन, ज़ै सह निं हंदअ, तै निं तम्हैं बी हणैं तै,
ज़ेभै थारी ईज प्रोढी होए, तेभै करनी तेसे होर बी खास्सी कदर।
ज़ुंण आपणैं बाबा नकदरै करा अर आपणीं ईजा घअरा का पोर्ही काढा,
इहअ मणछ हआ शर्मिंदअ अर तेऊए निं किधी इज़त हंदी।
ज़ुंण आपणैं ईजा-बाबा लै फिटक दैआ,
तिन्नों लाटू जाआ छ़ेक्कै हिठी, संघा हआ तिन्नां लै बी न्हैरअ।
ज़ै कहा बिधबा बेटल़ीए शोहरू-माठै या पोचै आसा होए, तिंयां करे पैहलै आपणैं ई टबरा संघै तिहअ बर्ताअ ज़िहअ मसीहे विश्वासी करनअ लागा। तिन्नां लागा आपणैं ईज-बाब अर दादू-दादीए हेर-सभाल़ करी तिन्नों हक पूरअ करनअ किल्हैकि तिन्नैं आसा तिंयां धाची-पाल़ी बडै किऐ दै। परमेशर बी हआ एता लै खुश।
Instruir os filhos
Os pais devem instruir os filhos no caminho certo. A educação começa cedo, com disciplina amorosa e ensino constante da Palavra.
आपणैं लान्हैं लै डाहणीं होछ़ी उझै बुध खोज़ी कि तिन्नां केही ज़िन्दगी लोल़ी ज़िऊई,
सह रहणीं तिन्नां सारी अमरा आद।
बिधाते बधान अर बिधी ज़ुंण मंऐं आझ़ खोज़ी लाऐ, तिंयां लोल़ी तम्हैं आपणैं दिलै सदा आद डाहै। इना डाहै तम्हैं आपणैं शोहरू-माठै का भिई-भिई बोली खोज़ी। हर बगत करनी तिन्नां संघै एते ई बारै गल्ला, घअरै-बणैं, हांढदी-फिरदी, बैल़ी सुत्तदी अर दोत्ती उझ़दी करै तम्हैं एते ई बारै गल्ला।
लान्हैंओ, आपणैं ईजा-बाबे शिक्षा दी दैआ धैन कि
तिंयां तम्हां लै किज़ै बोला,
तिन्नें शिक्षा हणीं तम्हां लै मुंडे मुगट
अर गल़े कंठी ज़ेही।
ओ शोहरू-माठै आल़ैओ, आपणैं शोहरू लै निं धैल़ रोश्श काढा, पर तिन्नां धाचा-पाल़ा प्रभूए शिक्षा अर चतैनगी दैई करै।
ओ लान्हैं आल़ैओ, आपणैं शोहरू-माठै निं हर गल्ला पिछ़ू कबल्लै च़िक्कदै-मारदै निं लागा, इहअ निं हआ कि तिंयां हिम्मत हारी तिन्नों दिल चुटे।
ज़ै लान्हैं नैरै समझ़ाऊऐ, तेता करै हआ तिन्नों भलअ,
पर ज़ै शोहरू नैरनै बाझ़ी एही छ़ुटअ, बादा का लागा तेखअ तेऊए ईजा शर्मिंदै हणअ।
ज़ुंण आपणैं शोहरू-माठै लै झ़ूरा, सह डाहा तिन्नां नैरी बी,
पर ज़ुंण नांईं झ़ूरदअ, सह दैआ तिन्नां कज़ेही करनै।
तम्हैं ज़िरा दुख सबक समझ़ी, परमेशर करा तम्हां संघै शोहरू समझ़ी बर्ताअ, इहअ कुंण शोहरू आसा, ज़हा तेऊओ बाब नैरदअ निं आथी?
Filhos como bênção
Os filhos são herança do Senhor. A coroa dos velhos são os filhos dos filhos, e a glória dos filhos são seus pais.
असली बर्गत हआ लान्हैं सुन्हैं हणैं,
तिंयां हआ बिधाता हाम्हां लै
आप्पू बाखा दैनी दी भैंट।
खारकी पलका खास्सै शोहरू-माठै हआ
शूरबीरा का खास्सै कतीरा ज़िहै
सोभी का खुशी हआ तेऊ मर्धा लै ज़सरी किर्ली इना इहै कतीरा करै भरी हआ,
तेऊए दुशमण निं तेऊ झ़गल़ै लै फेरा-फेर गोट दैई बी
नसाफ करने ज़ैगा पांच़ी लै हारी सकदै।
प्रोढे शोभा हआ तिन्नें पोचै,
अर लान्हें शोभा हआ तिन्नें ईज-बाब।
धर्मीं मणछे ईजा-बाबा भेटा खुशी,
ज़ै लान्हैं अक्ली आल़ै हुऐ, तेता पोर्ही निं घमंड करना लै किज़ै होर आथी।
सुलैमाने अक्लीए गल्ला
सुलैमानै आसा एही सैणीं गल्ला किई दी:
ज़ै शोहरू अक्ली आल़ै हुऐ, तेता करै हआ ईजा-बाबा बी खुशी,
पर ऐडी लुआद चोल़ा तिन्नों दिल।
"तम्हां मांझ़ै इहअ कुंण बाब हणअ कि तेऊओ शोहरू मांगा रोटी अर सह दैआ तेऊ लै पात्थर! तेखअ ज़ै म्हाछ़ली मांगा, तेते बदल़ै दैआ तेऊ लै दानअ! ज़ै आंडअ मांगे, तेऊ लै दैआ बिंच़ू! ज़ै तम्हैं बूरै हई बी आपणैं शोहरू लै राम्बल़ी च़िज़ा दैई सका, तै थारअ स्वर्गे रहणैं आल़अ बाब परमेशर आपणैं मांगणै आल़ै लै पबित्र आत्मां किल्है निं दैई सकदअ।"
पर ज़ै कोई आपणैं अर खासकर आपणैं टबरे हेर-सभाल़ नां करे, तै गअ सह विश्वासा का हुधूई, अर तिन्नां का बी बूरअ बणी ज़ुंण विश्वास निं करदै।
ज़ै तम्हैं बिधाते च़ाकरी नांईं करनी च़ाहंदै, तैहा गल्ला लआ आझ़ ई सोठी कि तम्हां कसरी च़ाकरी करनी? तै तम्हां फरात दरैऊआ पार तिन्नां देबते च़ाकरी करनी ज़सरी च़ाकरी थारै दाद-बाब करा तै? कि इधी तिन्नां अमोरीए देअआ-देबीए च़ाकरी करनी ज़सरी ज़ैगा तम्हैं एभै आसा बस्सै दै? रही मेरी गल्ल, मुंह ता करनी आपणैं टबरा संघी सदा बिधाते च़ाकरी।"
तैही रहणअ मर्ध आपणैं ईजा-बाबा छ़ाडी आपणीं लाल़ी संघै मिली अर तिंयां दुहै हणैं एक देही।
मौते सज़ा
"ज़ै कसरै शोहरू ज़ुल्म किअ होए, तेता पिछ़ू निं तेऊए ईजा-बाबा लै मौते सज़ा दैई अर नां कसरै ईजा-बाबे ज़ुल्मा पिछ़ू शोहरू लै मौते सज़ा दैई। ज़ुंण दोशी आसा, सज़ा बी लोल़ी तेऊ ई भेटी।