Pais
Deus é nosso Pai celestial — amoroso, provedor, disciplinador e fiel. As Escrituras também honram os pais terrenos e os chamam a criar os filhos na instrução do Senhor.
O Pai celestial
Deus é Pai de misericórdias. Ele nos adotou como filhos, nos ama incondicionalmente e cuida de cada detalhe da nossa vida.
Xoossa Nayta
Nuni Xoossa nayta geetettana mala Aaway darssi siiqida iza siiqoy nuus ay mala gitakkonne ane be7ite! Tumukka nu iza nayta; alamey nuna erontta aggiday iza erontta aggida gishshassa.
Xoossa Nayta
Nuni Xoossa nayta geetettana mala Aaway darssi siiqida iza siiqoy nuus ay mala gitakkonne ane be7ite! Tumukka nu iza nayta; alamey nuna erontta aggiday iza erontta aggida gishshassa.
Intte ekkida Ayanay zaaridi inttena aylleteththan haariza ayana gidontta «Nu Aawawu» gi xeygisiza naateteththa Ayana ekkideta. Nuni Xoossa nayta gididayssa he Ayanay ba baggara nu ayanara issife nuus markkattees.
Gido attiin iza ekkidayti iza sunththan ammanidayti istti Xoossa nayta gidana mala maata isttas immides.
nu Aawaa Xoossaafe Godaa Yesus Kirstoosappe Xoossa kiyateththinne saroy inttes gido.
Aaway ba naytas
qadhettiza mala
GODAY baas yayyizaytas qadhettees.
Aaway ba naytas
qadhettiza mala
GODAY baas yayyizaytas qadhettees.
Nuni aazappe medhettidaakko
izi erees;
nuni biitta gididayssaka
izi akeekees.
Xoossi ba geeshshasohon dishe
aaway bayndaytas aawa;
qasse am7etaska pirdiza daanna.
Gidikkoka abeet GODAWU,
neni nuus aawa; nuni urqqata;
neni nuna medhdhidayssa;
nuni ubbayka
ne kushen medhettidayta.
Abrahaamey nuna erontta aggiko,
Isra7eeleykka
nuna akeekontta aggikokka
neni nuus aawa.
Abeet GODAWU, neni nuus aawa;
Beniisofekka doommidi
ne sunththay nuna wozzizayssa.
Hekko nuus nay yelettides!
Attuma naykka nuus imettides!
Halaqateththi
iza hashe bolla gidana;
iza sunththi,
«Malalisiza zoranchcha,
Wolqqama Xoossa,
Mernaa Aawa,
Saroteththa Halaqa» geetettana.
Hekko nuus nay yelettides!
Attuma naykka nuus imettides!
Halaqateththi
iza hashe bolla gidana;
iza sunththi,
«Malalisiza zoranchcha,
Wolqqama Xoossa,
Mernaa Aawa,
Saroteththa Halaqa» geetettana.
O cuidado paterno de Deus
O Pai celestial sabe do que precisamos antes de pedirmos. Ele dá boas dádivas aos filhos que pedem e cuida até dos passarinhos.
Ane salo kafota xeellite! Zerettenna; maxettenna; di7en qolettenna; gido attiin intte salo Aaway istta mizees. Intte isttafe keehi aadhdheketii?
Issi santen bayzettiza nam7u siine kafotappe issiniyakka intte salo Aawaa sheney baynda coo kunda attuku. Haray attoshin intte hu7e binanaykka taybon dees. Hessa gishshas babbofte. Daro siine kafotappe intte waagay aadhdhi bonchchettidaaza.
Neni woossana geliza ne kifile gela; karekka ne bolla gordada geeman diza ne Aawaakko woossa. Geeman oosettidayssa be7iza ne Aaway ne ooso mala nees immana.
Neni xooma xoomashe ne ayfeso meecetta, ne hu7e tiyetta. Hessaththo ne xoomikko geeman diza ne Aaway xalala erizaazinne asi oonikka erontta qotan gidana. Qotan oosettidayssa be7iza ne Aawaykka ne waaga nees immana.
«Inttefe aawaa gidi uttidi izi yelida nay mole oychchiko shoosh immizay daandee? Woykko phuuphphulle oychchiko masimaso immizay daandee? Intte iitata gidishe intte naytas lo7o imota imo erikko salon diza intte Aaway bana woossizaytas Xillo Ayana wostti darssi immennee?» gides.
Sa7a Bolla Miish Shiishshanaas Bessenna
«Intteno guuththa wude mehe mala gididaytoo! Kawoteth inttes immanaas intte Aawaas lo7o qofa gidida gishshas babbofte.
Lo7o imoteththinne kumeththa anjjoy wuri bolla salo poo7ota Aawappe wodhdheettes; iza achchan yaanne haa yuuyiza eeshoykka deenna.
Ba naazas mishettontta nu gishshas aaththi immiday iza; histtiin ubba miish nuus izara kiyateththan wursi aazas immennee?
Conhecer o Pai
Jesus é o caminho para o Pai. Ninguém conhece o Pai senão o Filho e aquele a quem o Filho quiser revelar.
Yesusikka izas, «Ogeynne, tumay, de7oykka tana; ta baggara gidikkofe attiin oonikka Aawaakko baana asi deenna.
Ta Aawaa achchan daro duussasoy dees; hessa gidonttaakko, ‹Inttes daanaso giigsanaas ta baana› gaana shin.
Aaway naaza gaason bonchchettana mala intte ta sunththan woossidayssa ta inttes wursa ooththana.
«Ta azazo ekkidi ooththizaadey tana dosees; tana dosizaadeka ta Aaway dosees; tanikka iza dosana; tanakka izaades qonccisana» gides.
Yesusikka izas, «Tana siiqizaadey ta qaala naagana; ta Aawaykka iza dosana; nuni izakko yaana; yiidikka izaadera issife daana.
Xoos be7iday oonikka baa. Gido attiin Xoossa Aawa matan diza Xoossa Naa issoy xalala iza qonccisides.
Ta isttas mernaa de7o immana; mulekka istti dhayettenna; istta ta kusheppe woththi ekkanaas dandayanaadey oonikka deenna. Taas istta immida ta Aaway ubbaafe aadhdhees; ta Aawa kusheppe istta oonikka bonqqanaas dandayenna. Taninne ta aaway nu issino» gides.
«Ta Aawawu! Ne tana hayssi alamey medhettanaappe kase dosida gishshas ne taas immida ta bonchchoza istti beyana mala hayti ne taas immidaytikka ta dizason tanara daana mala dosays.
«Wurikka ta Aawappe taas imettides; Aawappe attiin Naaza gishshas eriza asi baa; qasse Naazappenne Naazi ba shenen qonccisida asappe haray aawaa eriza asi baa.
Hessa gishshas intte salo Aaway wosoy bayndaytas gidida mala intteka wosoy bayndaade gidite.
«Intte gidikko, ‹Astamaare› geetetti xeygettofte; intte Astamaarey issaa xalala gidishin intte wurikka issoy issaas ishantta. Salon inttes issi Aaway xalala diza gishshas biitta bolla oonakka, ‹Aawawu!› gi xeygopite.
Koshshiko tani ta Aawaa oychchizaakko daro shiyan qoodettiza oliza kiitanchcha taas yeddontta aggana nees misatizee?
Intte aaway kiya gidida mala intteka kiyata gidite.
Nu Aawassinne nu Xoossaas mernaappe mernaas bonchchoy gido. Amiin.
Disciplina e amor paterno
O Pai disciplina os filhos que ama. A correção divina produz fruto de justiça e paz para aqueles que foram exercitados por ela.
Xoossi inttena ba naa mala qoodiza gishshas hanqo dandayte; aaway hanqontta nay oonee? Nay wuri seeran dicciza mala intte diccontta aggiko intte karen yelettida naa attiin soo naa gidekketa. Hessa ubbaafe bollara hayssa biitta bolla nuna hanqi dichchida asho aawati deettes; nunikka istta bonchchoos; histtiin de7on deyanaas nuus Ayana Aawaa gididayssas aazas hessafe aaththi azazettokonii? Nu aawati nuna baas lo7o misati beettida mala guuththa wodes qaxxayeettes; Xoossi gidikko nuni iza geeshshateththaa izappe demmana mala nuna go7anaas qaxxayees.
Ta naazoo!
GODAA seera kadhoppa;
izi nena hanqiza
wodekka lanccofa.
Aaway ba siiqiza naa
seerizayssaththo
GODAYKKA ba dosiza
naa seerees.
Ta naazoo!
GODAA seera kadhoppa;
izi nena hanqiza
wodekka lanccofa.
Aaway ba siiqiza naa
seerizayssaththo
GODAYKKA ba dosiza
naa seerees.
Pais terrenos
A Bíblia honra os pais que criam os filhos nos caminhos de Deus. Honrar pai e mãe é mandamento com promessa de vida longa.
Yelidaytanne Nayta
Naytoo! Intte inttena yelidaytas Godaan azazettite; hessi inttes bessees. «Ne aawaanne ne aayo bonchcha» giza azazo giddon diza hidotay koyro azazo. Ne hessaththo ooththiko nees lo7ananne nees layththay biittaa bolla aduqqana. Yelidaytoo! Intteka intte nayta hanqeththofte; gido attiin intte nayta Godaa zoreninne seeran dichchite.
Yelidaytoo! Intteka intte nayta hanqeththofte; gido attiin intte nayta Godaa zoreninne seeran dichchite.
«GODAA ne Xoossay nees immiza biittan ne daro layth daana mala, ne aawaanne ne aayo bonchcha.
Yelaga Naytas Imettida Zore
Ta naazoo!
Ne aawa zore ezga;
ne aaya tamaarsizayssaka aggofa.
Hessi ne hu7es
bonchcho kallachcha;
nees qoodhen aaththiza
alleqo mala gidana.
Xillo naa aaway
keehippe ufayettees;
wozinama naa yelida asikka
izan ufayettees.
Eeyay ba aawa seera kadhees;
gido attiin zore ekkizay
ba akeekateththaa qonccisees.
Nayta nayti
cimmida asatas kallachcha;
yelidayti bantta naytas bonchcho.
Ba aawa woykko
ba aayo cayizaades,
xomppey sakkanna
dhuman to7ana.
Naytoo! Intte Godaa ufayssana mala intte inttena yelidaytas ubba miishshan azazettite. Aawatoo! Nayti hidota qanxxontta mala intte nayta hanqeththofte.
Nayti GODAAPPE imettiza imotata;
naytikka tumappe iza woyto.
Asi naateththan dishe
yeliza attuma nayti
olanchcha kushen diza
yiishsha mala.
Iza kohoti he yiishshatan
kumiday anjjettidaade.
Izi katama pengen ba morkketara
marshettiza wode shatumettenna.
Tani hach nena galatizayssa mala
shemppora paxa de7izayti xalla
nena galatana;
ne ammaneteththa gishshas
aawati ba naytas yooteettes.
Nayti moorida mooron yelidayti, qasse yelidayti moorida mooron istta nayti hayqon qaxxayettanaas bessenna; issoy issoy ba moorida mooroza gishshas hayqon qaxxayetto.
Medheteththi wurikka Xoossa nayti qonccanayssa laamoteththan naagon dees.
Aawatoo! Kase koyroppe dizayssa intte eriza gishshas ta inttes xaafays; naateththatoo! Intte Xala7e xoonida gishshas ta inttes xaafays.
Naateththa naytoo! Intte Aawaa erida gishshas ta inttes xaafays; aawatoo! Koyroppe dizayssa iza intte erida gishshas ta inttes xaafays. Naateththatoo! Intte minota gidida gishshassinne Xoossa qaalay inttenan diza gishshas intte Xala7e xoonida gishshas ta inttes xaafays.
Alame Dosopite
Hayssa alameza woykko ha alamezan diza ay miishsheka dosopite; oonikka ha alameza dosikko Aawaa siiqoy izaade achchan deenna.