Pais
Deus é nosso Pai celestial — amoroso, provedor, disciplinador e fiel. As Escrituras também honram os pais terrenos e os chamam a criar os filhos na instrução do Senhor.
O Pai celestial
Deus é Pai de misericórdias. Ele nos adotou como filhos, nos ama incondicionalmente e cuida de cada detalhe da nossa vida.
Ya mangayseꞌ na Tyumanem
Anenganenga mayu na to-o dakulaꞌ ya pagginawa kanaten na Ama na yan ya Tyumanem, kay pigtawag kitadun nan na kanan mangayseꞌ. Aw matinaw saba yeiy! Manang ya manga utaw na walaꞌ pangintu-u sa Tyumanem, walaꞌ nilan ka-ede-i na mangayseꞌ kitadun nan asuntu na walaꞌ nilan ka-ede-i sakanan.
Ya mangayseꞌ na Tyumanem
Anenganenga mayu na to-o dakulaꞌ ya pagginawa kanaten na Ama na yan ya Tyumanem, kay pigtawag kitadun nan na kanan mangayseꞌ. Aw matinaw saba yeiy! Manang ya manga utaw na walaꞌ pangintu-u sa Tyumanem, walaꞌ nilan ka-ede-i na mangayseꞌ kitadun nan asuntu na walaꞌ nilan ka-ede-i sakanan.
Idtu muna, kasiling kamu na allang na gayed nyallek sa pagpa-emel-emel na tagtun kamayu. Manang adun, pigbagu la kamu na Ispiritu aw nya-imoꞌ da kamu mangayseꞌ na Tyumanem. Yanagaw walaꞌ da ya kakallekan tadun magpalapit kanan, aw magi sa Ispiritu nan mabatug da tadun ya pagpanawagtawag adti kanan na maglong "Kay Maꞌ." Aw ya Ispiritu nan, yan ya migmatinaw adti kanaten na kitadun ya tengteng manga mangayseꞌ na Tyumanem.
Manang ya kadég na dumawat aw mangintu-u kanan, pig-atagan nan silan na katundanan na ma-imoꞌ mangayseꞌ na Tyumanem.
Padatengen galu adti kamayu ya grasya aw kalinaw na lyumekat adti Tyumanem na yan ya Ama tadun aw adti kan Jisu-Kristu na kanaten Matas na Pangulu.
O cuidado paterno de Deus
O Pai celestial sabe do que precisamos antes de pedirmos. Ele dá boas dádivas aos filhos que pedem e cuida até dos passarinhos.
Inunuwa mayu ya manga langgam. Walaꞌ silan pananem, aw walaꞌ silan uman pag-ani. Aw walaꞌ ya pul na un nilan pagludukan sa kanilan makan. Manang pigpakan silan saba na Ama mayu na awun ni tas na langit. Aw asuntu na to-o pa saba dakulaꞌ ya alagaꞌ mayu kay sa kanilan, yanagaw atagan kamu nan sa kadég na kamayu kapelekan!
"Anenganenga mayu na tagbiꞌ to-o ya pagbayad sa duwa ya langgam na maya, manang walaꞌ ya pangkay sambuk kanilan na molug na walaꞌ tumbayan na Ama mayu. Aw kamu uman, kya-ede-an da saba na Tyumanem kun pila ya kadég na lugay mayu. Yanagaw diliꞌ kamu magkallek kay to-o pa dakulaꞌ ya alagaꞌ mayu kay sa madég na manga maya!
Manang kun manawagtawag kaw adti Tyumanem, adtu kaw ni tambiꞌ mu aw dayaw takepi ya suwangan pada diliꞌ kaw kita-en na eped na utaw, aw panawagtawag kaw adti Ama. Kay kita-en nan saba ya pig-imoꞌ mu aw pakadyawun kaw nan.
Manang kun magpuwasa kamu, pagkulamus kamu aw dayaw kamu panuwat, pada walaꞌ ya utaw na maka-edeꞌ na migpuwasa kamu. Yan oloꞌ ya maka-edeꞌ ya kamayu Ama na awun ni tas na langit. Pangkay diliꞌ sakanan pagkita-en, manang pigkitaꞌ nan saba ya pig-imoꞌ mu aw pakadyawun kaw nan.
Alimbawaꞌ, kamu na manga ama, kun magsekat ya iseꞌ mayu sa isdaꞌ, unu, atagan mayu baling na ulud? Diliꞌ saba! Aw kun magsekat silan sa iseꞌ na manuk, atagan kaꞌ mayu baling na sangalan? Diliꞌ saba! Yanagaw, pangkay makasasalaꞌ kamu, manang kya-ede-an mayu kun unu ya madyaw atag adti kamayu mangayseꞌ. Na, to-o pa dun ya Ama mayu na adti tas na langit. Atag nan saba ya Ispiritu Santo adti kadég na magsekat kanan."
Ya ka-unan na adti tas na langit
"Ya kadég mayu na kanaken manga umagakan, pangkay tabay kamu manang diliꞌ kamu magkallek, kay yan ya pagkaliman na Ama mayu na awun ni tas na langit na atag kamayu ya kadég na awun ni kanan Kasakupan.
Alag madyaw ya kadég na pig-atag nan aw alag saba uman umbaꞌ ya pigdawat tadun adti Tyumanem. Yan ya mig-imoꞌ sa sega aw bulan aw manga bitun, aw pangkay gayed magka-uman ya silat nilan manang ya Tyumanem diliꞌ saba ma-uman.
Walaꞌ nan demetan ya kanan Iseꞌ manang pigtumbay nan baling na patayen adti krus pada sa kadég tadun. Kun pig-atag nan ya kanan Iseꞌ, walaꞌ saba ya diliꞌ nan atag kanaten.
Conhecer o Pai
Jesus é o caminho para o Pai. Ninguém conhece o Pai senão o Filho e aquele a quem o Filho quiser revelar.
Aw tyumubag si Jisus kanan, "Aku ya agiyanan, aku ya katinawan, aw aku ya lyekatan sa ginawa na walaꞌ ya katigkasan. Walaꞌ ya pangkay sambuk na makakadtu ni Ama kun diliꞌ magi kanak.
Adti balay na Ama ku, madég ya manga tambiꞌ. Diliꞌ aku seiy maglong kamayu kun bekeꞌ pa yeiy na matinaw. Yanagaw muna aku madtu na un magtagilan sa eya-anan mayu.
Aw pangkay unu ya sekaten mayu magi sa kanak ngalan, imo-un ku pada madeyen ya Ama magi dun ni kanan Iseꞌ.
Aw ya utaw na dayaw dyumalug sa manga suguꞌ ku, yan ya utaw na tengteng gyuminawa kanak. Aw ya utaw na gyuminawa kanak, ginawa͡an uman na kanaken Ama. Aw maynan uman, ginawa͡an ku sakanan aw bukasan ku adti kanan kun singalan aku pada to-o nan kalabetan."
Aw tyumubag si Jisus kanan, "Pangkay singalan ya gyuminawa kanak, dalugun nan ya palna-u ku. Aw ginawa͡an sakanan na kanak Ama, aw meyaꞌ kami ya Ama ku adti kanan.
Walaꞌ ya utaw na kyumitaꞌ sa Tyumanem. Yan oloꞌ ya kyumitaꞌ kanan ya kanan Iseꞌ na tamisa. Aw yan ya migpa-edeꞌ adti kadég tadun sa Ama nan kay gayed silan mig-iyeped.
Aw pig-atagan ku silan na ginawa na walaꞌ ya katigkasan. Aw diliꞌ silan ka-eletan lekat adti kanak kay walaꞌ ya sambuk na makakamang kanilan lekat adi kanak. Pig-atag da silan kanak na Ama ku, aw dakulaꞌ pa ya katulus nan kay sa kadég. Walaꞌ ya pangkay singalan na makakamang kanilan lekat adti Ama. Kay ya Ama aw aku sambuk da saba."
"Kay Ama, ya manga utaw na pig-atag mu kanak, kaliman ku mag-iyeped kami dun ni sayid mu. Aw kita-en nilan ya pig-atag mu kanak na katulus asuntu na pigginawa͡an aku mu lekat pa na walaꞌ pa ka-imoꞌ ya kadakulaꞌ na banwa.
Pagkatigkas yan, miglong si Jisus adti manga umagakan nan, "Pigtumbay da na Ama ya kadég adi kanak. Ya kanaken Ama, yan oloꞌ ya nyaka-edeꞌ kanak. Aw aku oloꞌ ya nyaka-edeꞌ kanan, aw pangkay singalan uman ya tumbay ku na maka-edeꞌ sa Ama, bukasan adti kanilan ya pagpaka-edeꞌ kanan.
"Yanagaw, dun ni kadég na imo-unun mayu, dayaw silingi ya bet na Ama mayu na awun ni tas na langit, kay walaꞌ ya salaꞌ dun ni kanan.
Manang diliꞌ kamu magkalim na tawagen na manga eped na ‘Magpalna-uway’ kay sambuk da oloꞌ ya kamayu Magpalna-uway. Aw ya kadég mayu kasiling da kamu na mangkaylug dun ni pagpangintu-u mayu. Aw diliꞌ mayu pagtawagen na ‘Ama’ ya kamayu manga magpalna-uway asini tas na lupaꞌ, kay sambuk da oloꞌ ya Ama mayu na yan ya awun ni tas na langit.
Unu, walaꞌ mu ka-ede-i na mabatug ku ya magsekat sa tabang adti kanak Ama, aw maksay saba aku padala͡an na pangkay pilammalalan ya anghil?
Yanagaw pagkallatan mayu ya kadég, kasiling na pagkallat na Tyumanem na kamayu Ama.
Yanagaw naten patasen na walaꞌ ya tyamanan ya dengeg na Tyumanem na yan ya kanaten Ama. Amén.
Disciplina e amor paterno
O Pai disciplina os filhos que ama. A correção divina produz fruto de justiça e paz para aqueles que foram exercitados por ela.
Yanagaw pangkay unu ya kalugan na un dumateng kamayu, ti-isa mayu kay yeiy ya pagpitul kamayu na Tyumanem. Kay mangayseꞌ kamu nan saba. Singalan kaꞌ ya iseꞌ na diliꞌ palna-uwan aw pitulun na ama nan? Kun diliꞌ mayu apeten ya kanan pagpitul, na, bekeꞌ kamu na tengteng mangayseꞌ nan. Kasiling kamu baling na iseꞌ adti luwaꞌ. Kay ya kadég tadun na kanan tengteng iseꞌ, ka-agiyan tadun saba ya pagpitul nan. Na, ya tagsambuksambuk kanaten awun ama tadun asini tas na lupaꞌ na migpitul kanaten, aw pigbasa͡an tadun silan. Yanagaw anangaꞌ diliꞌ tadun dawaten ya pagpitul na kanaten Ama na awun ni tas na langit? Kay ya pagpitul yeiy makakadyaw saba kanaten. Ya kanaten manga ama, diliꞌ to-o madugay ya pagpitul nilan kanaten. Yan oloꞌ ya pagpitul nilan kun unu ya adti anenganeng nilan na madyaw kanaten. Manang ya kana Tyumanem pagpitul kanaten to-o dakulaꞌ ya ma-untung, pada magkalinis kitadun kasiling nan.
Pais terrenos
A Bíblia honra os pais que criam os filhos nos caminhos de Deus. Honrar pai e mãe é mandamento com promessa de vida longa.
Ya palna-u sa manga mangayseꞌ aw mangkatikadeng
Kamu na manga mangayseꞌ, asuntu na nyakasambuk da kamu kan Kristu, pagka͡agadan mayu ya kamayu mangkatikadeng, kay yan saba ya umbaꞌ imo-un. "Pagbasa͡an mu ya kanmu ama aw ina." Yeiy saba ya muna suguꞌ na Tyumanem na awun pakang. Aw ini ya pakang nan: "Basa͡an mu silan pada magkadyaw ya kanmu pag-eyaꞌ aw magkadugay ya pag-eyaꞌ mu asini tas na lupaꞌ."
Aw kamu uman na manga ama, diliꞌ mayu pagpasobla͡an ya pagpitul sa kamayu mangayseꞌ taman na kalatan kamu nilan na ginawa, manang dun ni pagpatulin mayu kanilan, palna-uwi mayu baling silan na dalugun nilan si Kristu.
Aw kamu uman na manga ama, diliꞌ mayu pagpasobla͡an ya pagpitul sa kamayu mangayseꞌ taman na kalatan kamu nilan na ginawa, manang dun ni pagpatulin mayu kanilan, palna-uwi mayu baling silan na dalugun nilan si Kristu.
Kamu na manga mangayseꞌ, pagka͡agadan mayu ya kamayu mangkatikadeng kay yan ya makatutuk sa Tyumanem. Kamu uman na manga ama, diliꞌ mayu pagpasobla͡an ya pagpitul sa kamayu mangayseꞌ pagaw magkalumay ya ginawa nilan.
Kay bekeꞌ oloꞌ na utaw manang dala uman ya kadég na inimo-an nan, alag silan nyiman na maksay da bukasan na Tyumanem kun singalan ya tengteng mangayseꞌ nan.
Kamu na manga unud da ya pagpangintu-u, migsulat aku kamayu kay madugay da mayu kya-ede-an kun singalan si Jisu-Kristu lekat na allaw na bagu pa kamu nyangintu-u kanan.
Aw kamu uman na bagu nyangintu-u, migsulat aku kamayu kay dyeg da mayu si Satanas.
Pigsulatan ta kamu na kasiling na mangayseꞌ ku kay kya-ede-an da mayu ya Ama na yan ya Tyumanem.
Aw ini ya du-an na migsulat aku kamayu na manga unud da ya pagpangintu-u, kay kya-ede-an da mayu kun singalan si Jisu-Kristu lekat pa na allaw na bagu kamu dyumengeg kanan. Aw migsulat aku uman kamayu na manga bagu nyangintu-u asuntu na masalig da ya pagpangintu-u mayu aw awun da ni anenganeng mayu ya palna-u na Tyumanem, aw pigdeg da mayu si Satanas.
Diliꞌ mayu pagginawa͡an ya manga asini tas na lupaꞌ na walaꞌ kalimi na Tyumanem. Pangkay singalan utawa ya gyuminawa sa asini tas na lupaꞌ, walaꞌ nan ginawayi ya Ama.