Pais
Deus é nosso Pai celestial — amoroso, provedor, disciplinador e fiel. As Escrituras também honram os pais terrenos e os chamam a criar os filhos na instrução do Senhor.
O Pai celestial
Deus é Pai de misericórdias. Ele nos adotou como filhos, nos ama incondicionalmente e cuida de cada detalhe da nossa vida.
Mu vainongoronia api agou ko! Sa vavagua jola sa na vairoqu tana Tamada, ko taqe tagigala na koburu tana Tamasa sa gita ko gita sa na koburu tana Tamasa sa kopira. Na kasia gusu sake gigilai sa gita sa na koburu tana Tamasa, ura na kasia gusu sake gigilai sa na Tamasa.
Mu vainongoronia api agou ko! Sa vavagua jola sa na vairoqu tana Tamada, ko taqe tagigala na koburu tana Tamasa sa gita ko gita sa na koburu tana Tamasa sa kopira. Na kasia gusu sake gigilai sa gita sa na koburu tana Tamasa, ura na kasia gusu sake gigilai sa na Tamasa.
Agou ko na Gagala qu tekua sa sake vaivapinausu ko bu kole matagutunia mule na Tamasa. Goto na Gagala qu tekua agou sa isa sa teku pausugou pana tatamana tana Tamasa ko isa sa boka vaparanga veinigita pira lao tana Tamasa, <<Aba! Ao na Tamaqu!>> sau. Na Gagalana mekana na Tamasa sa somana ule votunia vei sa pojai na gagalada gita sa gita sa na koburu tana Tamasa.
Ba ira doru qai vakamua ko qai vasosotoa sa nisongona isa, poni sa isa sa ianiria na neqi ko qai podo koburu tana Tamasa sira.
Na vairoqu vaialona beto na bule tana Tamasa na Tamada beto ti Jisu Karisito na Bangara mi kole somana tamugou.
O cuidado paterno de Deus
O Pai celestial sabe do que precisamos antes de pedirmos. Ele dá boas dádivas aos filhos que pedem e cuida até dos passarinhos.
Mu dororia tu agou sira na manugu pa vavagalo eqa: ira sa qaike umuma, qaike ababu, beto qaike aqaqono vaikamu pa ruma, ba na Tamamiu pa noka sa vatetekuria gu sira. Ba agou tu sa qu poreveveina jolaniria na manugu.
Kai pene ikete gu na vaidi sa karu kiri tu, ba sake pae tu pa roroqu tana Tamasa sa totonai sa vukele pa peso kame ira karu kiri pira. Ko agou ba doru vurungumiu pa batumiu ba sa tei anye betoria tu na Tamasa. Ko muke mamatagutu. Agou sa qu poreveveina jolaniria kubo ngavulu avara kiri,>> sau si Jisu.
Goto ao tonai mu vavara, sa mu tome lao pa mua lose, mu pateia na mua atakamana, beto sa mu vavara lao tana Tamamu sa suvere pa paena. Ko na Tamamu isa sa batia na roiti qu roitinia pa paena sa mina vanigo na pinia.
Goto ao sa tonai qu tatabu gagani, sa mu lumu vatalea na batumu beto mu subi vatalea na isumatamu. Ko ira na tinoni maike doro gigilai sa ao qu korapa tatabu gagani, goto na Tamamu gu pa paena sa mi gigilai. Ko na Tamamu isa sa batiria na mua roiti qu roitiniria pa paena sa mina vanigo na pinia>>, sau si Jisu.
Agou na tamadi na koburu sa vei bi tepagana igana sa kai tumiu, sa ai vei kode muna vania na dole? Babi tepagana toruru sisa, sa ai vei kode muna vania na mede? Agou na tinoni ikikeremiu tu ba qu balaumiu vaniria tugu na sakasava jongadi sira na tumiu. Ko ai mina koi vei jongana jola sa na vaiia tana Tamamiu pa noka, ura isa sa jongana jolaniria ira na tinoni. Kode na Gagala Tabuna tu ba mina vaniria sira qai tepa lao tana!>> sau si Jisu.
Ira na Isisongo pa Noka
<<Muke matagutu, qua minete, ura na Tamamiu pa noka sa na ona binangara tu ba sa tei vajonganai tu ko mina ianigou.
Doru vaivana jojongadi gu beto na puradi gu sa qai lagere vei pa nulu tana Tamasa sa vapodakaria na kabere pa vavagalo eqa. Ko na Tamasa isa sake boka bei babi vavarodomo vei na ongudi na lei pa vavagalo eqa.
Na Tuna tu mekana ba sake aru mulenia goto sa valageria ko sa mate vanigita gita doru, ko ai vei kode minake boka vatamo vanigita mutugu sira doru vaivana jongadi?
Conhecer o Pai
Jesus é o caminho para o Pai. Ninguém conhece o Pai senão o Filho e aquele a quem o Filho quiser revelar.
Poni sa oea i Jisu sisa, Ara sa na soana beto na sosoto beto na toa. Kepore sa kai tinoni mina lao tana Tamaqu vei minake lame vei taqu.
Pa ruma tana Tamaqu sa soku jola sira na ia susuverena. Vei bike sosoto sa bake pojanigou na veveina ara sapi, goto ara sa kopira sa ma lao vatana vanigou kai ia sagou.
Beto ko isa muna tepai pa isongoqu ara sa isa tugu sa mana roitinia, ko na Tamaqu mi tavalavata tana Tuna.
Isa sa isongoria na qua garunu beto sa tutiria, sa isa sa roroqusiu ara sisa. Ko na Tamaqu mina roroqua sisa sa roroqusiu ara, beto ko ara ba mana roroqua sisa beto mana vatadogoronisiu mekaqu tana,>> sau si Jisu.
Poni sa oea i Jisu aza, pira saunia, <<Isa na tinoni sa roroqusiu ara, sa sa kopuniria na qua paranga, beto ko na Tamaqu mina roroqua sisa beto agei karu mene lame tana ko mene roitinia na mei ia susuverena tana.
Kepore sa kai tinoni bi tei batini matana tu mai sa na Tamasa, goto na Tuna mekai gu, isa na Tamasa, isa sa togasa tana Tamana, isa sa sa ule vakabare vanigita sa na Tamasa.
Ara qa vaniria na toa jola ko maike isongo mate manyao, beto ko kepore kai tinoni mina ragata visu tekuria pa limaqu sira.
Na Tamaqu isa sa vanisiu sira sa sa lavata jolaniria doruna na sakasava, ko kepore kai tinoni mina boka ragata visu tekuria pa limana isa sira. Na Tamaqu beto ko ara sa kame gu,>> sau si Jisu.
Tamaqu! Ira qu tei valame vanisiu tu ao sa qa nyoroguaniria ko mai suvere ketakoi mana suvere ara ko mai batia sa na qua vinalavata, isa na vinalavata qu vanisiu ao. Qu vanisiu ao sa na vinalavata ura qu roroqusiu totonai tu sa oqoro taroiti na kasia gusu.
Na Tamaqu sa tei ianisiu tu ara doru sakasava, ko kepore sa kai tinoni bi gigilai na Tuna goto na Tamana gu, beto kepore sa kai tinoni bi gigilai na Tamana goto na Tuna gu beto ira gu sa vileria na Tuna ko sa vakabere vaniria na veveina na Tamasa.
Ko agou sa mi maladoruru na miu vairoqu vei tugu na Tamamiu pa noka ba sa maladoruru na ona vairoqu,>> sau si Jisu.
Ba agou na qua tinoni sa munake tagigala na <Rabi> ura na tamatasi gu sagou, beto ko kai memekana gu sa na miu Tinoni vaivagigalai. Muke gigalania na <tamamiu> sa kai tinoni pa peso, ura kai memekana gu sa na Tamamiu, isa na suverena pa noka.
Ai sa vei quke gigilai tu ao sa nake tapatana taqu sa ara ba boka tepai gu na Tamaqu ko bi garunu lagereniria ira na joa tina mateana ko bai tokanisiu?
Na Tamasa sa roroquria beto sa roiti vajongana lao tadira doru tinoni, ko agou ba mu roroquria beto mu roiti vajongana lao tugu tadira doru tinoni,>> sau si Jisu.
Na Tamasa na Tamada mi tavalavata beto mi tavatarasae ko mi kamua na kamua. Agua.
Disciplina e amor paterno
O Pai disciplina os filhos que ama. A correção divina produz fruto de justiça e paz para aqueles que foram exercitados por ela.
Mu vangaju veiniria na vavanau agou sira na vitigi qu tomeria. Na vitigi qu gosororia sa ulenia sa na Tamasa sa korapa veinigou na tuna sagou. Ura kepore sa kai koburu bike tavavanau pana tana tamana. Na Tamasa sa vavanauria sira doru tuna. Ko vei munake tavavanau sagou, poni sa nake tuna sosoto isa sagou goto na podo soanamiu gu. Ira gu na tamada pa peso ba tonai qai vavanaugita poni sa taqe pangaganiria tu. Ko sa poreveveina jola sa tana tutiria sira na vavanau tana Tamada pana Gagala ko tana toa. Ira na tamada mekada sa qai vavanaugita pana totoso papakana gu pana soana qai rove veinia sa tuvisi. Ba na Tamasa sa roiti vei ko mi tokanigita gita ko ta somana tekua sa na toa liosona vei sa toania isa sau.
Pais terrenos
A Bíblia honra os pais que criam os filhos nos caminhos de Deus. Honrar pai e mãe é mandamento com promessa de vida longa.
Ira na koburu beto na tinadi na tamadi
Agou na koburu, sa mu vataberia na tinamiu na tamamiu pana toa tutina na Bangara, ura isa sa na tuvisi. Na garunu tana Tamasa sa pira sau, <<Mu valavataria na tinamiu na tamamiu,>> ura isa sa na garunu momoe sa kolea na taringunguti jongana, ko na taringunguti isa sa pira sau, <<Ko vei sa muna toa vatale beto muna toa vakakasa pa peso,>> sau.
Agou na tamadi na koburu, muke vavatagigiriria sira na tumiu. Goto mu toni vataleniria tu pana vaivagigalai tuvisina beto pana vavanau tana Bangara.
Agou na tamadi na koburu, muke vavatagigiriria sira na tumiu. Goto mu toni vataleniria tu pana vaivagigalai tuvisina beto pana vavanau tana Bangara.
Agou na koburu, mu vataberia pana doru sakasava sira na tinamiu na tamamiu, ura isa sa na uana sa vaqerai na Bangara. Agou na tamadi, sa muke vavatagigiriria sira na tumiu, ura muna veiniria sa kode mai munyala pana dia popodeke.
Doruna na vinapodaka sa korapa nyorogua vivitiginia beto sa korapa vera vatalenia sa na totoso tonai na Tamasa mina ule votuniria sa ira na tuna sosoto.
Ka visa tamaqu, ara qa kuti lao tugu tamugou ura qu tei gigilai tu agou sa isa sa kole pa popodalaina. Ara qa kuti lao mutugu sa tamugou, agou na tinoni kokoregamiu, ura qu tei vakilasia tu agou sa na kutana nikerena.
Ka visa qua koburu, ara qa kuti lao tamugou ura qu tei gigilai tu agou sa na Tamada pa noka. Ka visa tamaqu, ara qa kuti lao tamugou ura qu tei gigilaimiu tu agou sa isa sa kole pa popodalaina. Ara qa kuti lao tamugou, agou na tinoni kokoregamiu, ura qu matua pana miu rarange beto na paranga tana Tamasa sa togasa tamugou, beto ko qu tei vakilasia tu agou sa na kutana nikerena.
Muke roroqua na kasia gusu babi ira na sakasava pa kasia gusu. Na tinoni sa roroqua na kasia gusu sa sake isongia na vairoqu tana Tamasa na Tamada.