Pais

Gisisi 'ba Wïrï

1 Ongɔ 'e te, hala 'bu o’dɔ lɔvɔ ze ndra. Lɔvɔ 'bɔmo ëdï kyedre ne re ra ako’jo ze gisisi 'ba Wïrï, here tïnyö, dëdï ze. Kö’du ne re ra damöku ayɔlɔ ze dë, ayɔlɔ Wïrï dë.

Gisisi 'ba Wïrï

1 Ongɔ 'e te, hala 'bu o’dɔ lɔvɔ ze ndra. Lɔvɔ 'bɔmo ëdï kyedre ne re ra ako’jo ze gisisi 'ba Wïrï, here tïnyö, dëdï ze. Kö’du ne re ra damöku ayɔlɔ ze dë, ayɔlɔ Wïrï dë.

12 Vïdï maakowe ombannï mo ehe ï’dï koma 'bënnï mï mo. Here mo ï’dï dangölö zi zë, zi tëdïnnï na gisi 'ba Wïrï.

26 Ongɔ’e aliye te, zë isi nnï wa dë, zë umunnï wa dë kï’dï mo mï lɔ’bi. 'Bu 'ba komorïyë ne ëdï zë kulu. Here anza’e dë kyedre ta da aliye? Asösu 'be’e 'e ra dë kyedre ta da aliye?

29 Nje tarifa kölö akatɔ’bɔ silɔ kogo rïyö. Here silɔ ma kölö alëpï dë akaŋo kazi da kö’du komba 'ba 'bu’e. 30 Ga kö’du yëvu biya ma de 'e ne, ëdï akiti. 31 Here ere’e dë ëdïye na laka ndra ta da silɔ kayo."

6 Ëzë omba mötu ödu kutu yï aba loko 'bëyï isi haloko gë yï a mötu zi 'Bu yï, zi Wïrï mati ongɔ rɔ mo dë ne. Wa mati o’dɔ’e ku liwo ne, 'Bu’e akï’dï biriti mo zi ye.

17 Ëzë ëdï he 'e koro, akaka’e komo’e osa’e yënï re 'e, 18 kazi vïdï maako’e ayɔlɔnnï ëdïye he 'e koro, nje 'bu’e ma ongɔ rɔ mo dë ne, mo ra nje ma yɔlɔ wa ma o’dɔ’e na liwo ne mo akï’dï biriti mo zi ye.

17 Wa kï’dï biya laka ne, ehe wakï’dï biya ŋbala ne ayi ta komorïyë, ayi akaŋo kazi Wïrï 'Bu 'ba bi kanyi 'ba komorïyë. Mo ofɔ dë kaa galili.

6 Yësu aya’ba henye, "Ma gërï, tïnyö, ehe dïdï! Kazi ma, vïdï maako ɔ’bɔ dë tï’bë zi 'Bu.

2 Loko kayo ëdï mï liŋɔ 'ba 'Bu ma. Ma yada nenye dë zi ye, ëzë anza dë tïnyö. Mëdï tï’bë ani zi bi kɔ’jɔ biya zi ye na kölö kölö.

13 Ako’jowe ha ma, ehe ma ko’dɔ wa mati ako’jowe kö’du mo. Gërï nenye aba, Wisi akika wayeto zi 'Bu.

21 Ëzë ɔwe ma, ako’de wa mati miya, ehe 'Bu atɔwɔ e. Ma katɔwɔ e kpa ehe yada zi ye ma kaa a’di."

23 Yësu aya’ba henye, "Ëzë vïdï maako ɔwɔ ma, zë akoronnï ma. Here 'Bu ma akatɔwɔ zë, da katayi zi zë ehe lima mï zë.

18 Vïdï maako gba ongɔ Wïrï dë. Nje Wisi kölö ne mo ra tïnyö Wïrï ehe ëdï kara ra 'Bu, ayada zi ze Wïrï ëdï kaa a’di.

28 Mï’dï dïdï ma ŋburu zi zë, here kazi zë ölunnï. Vïdï maako akoba zë dë yaga ta kala ma. 29 'Bu ma ï’dï zë zi ma, ehe mo kyedre ta da agamowe biya. Vïdï maako ɔ’bɔ dë zë koba ta kala mo 30 Ma kölö 'Bu aba."

24 "'Bu, momba vïdï biya mati ï’dï zi ma zi tëdï ma aba, bi mati mëdï 'dɔmo. Neene zë akongɔnnï bikanyi kyedre mati ï’dï zi ma, ga kö’du ɔwɔ ma gba o’dɔ damöku dë.

27 'Bu ma ï’dï wa ku biya zi ma. Vïdï maako ayɔlɔ Wisi dë nje 'Bu. Vïdï maako ayɔlɔ 'bu dë nje Wisi, zë ma Wisi inzi zi nnï yada."

48 Ëdï na laka ta ga kadra biya kaa 'bu yï 'ba komorïyë.

8 "Akɔ’jɔ yï dë, ‘Vo komoyandi,’ ga kö’du 'e biya ta dakota kölö, vo komoyandi nje kölö. 9 Akɔ’jɔ vïdï maako dë dakaŋo kinye na ‘'bu,’ ga kö’du ëdïye nje 'bu kölö aba komorïyë.

53 Ayɔlɔ’e dë makako’jo 'Bu ma kö’du wa kɔnyi, kandi mo akutu kyɔ ta da malayika kpuluku’butë dɔmorïyö 'ba vo wehe?

13 Mëdï ayöru zi ye, 'bu 'e,

ga kö’du ayɔlɔ 'e mo ëdï kyere biyeto aba.

Mëdï ayöru zi ye, vïdï mati zë gba na ɔbi,

ga kö’du a’da 'e Satani ku.

Mëdï ayöru zi ye gisi ama 'e,

ga kö’du ayɔlɔ 'e 'bu ne ku.

14 Mëdï ayöru zi ye 'bu’e,

ga kö’du ayɔlɔ 'e mo ëdï kyere biyeto aba.

Mëdï ayöru zi ye vïdï mati zë gba na ɔbi,

ga kö’du 'e na kyigɔ,

me’do 'ba Wïrï alima mï ye,

a’da’e Satani ku.

Lɔvɔ 'ba damöku

15 O’dɔ 'e lɔvɔ damöku dë mandere wa mati ëdï na 'ba damöku ne. Ëzë o’dɔ’e lɔvɔ damöku, o’dɔ’e lɔvɔ 'bu ne dë.