1 Huna-hunaa ninyo kon unsa kadako ang paghigugma sa Amahan kanato! Gitawag niya kita nga iyang mga anak, ug tinuod gayod kini. Wala makaila kanato ang mga tawo dinhi sa kalibotan tungod kay wala man sila makaila sa Dios.

1 Huna-hunaa ninyo kon unsa kadako ang paghigugma sa Amahan kanato! Gitawag niya kita nga iyang mga anak, ug tinuod gayod kini. Wala makaila kanato ang mga tawo dinhi sa kalibotan tungod kay wala man sila makaila sa Dios.

15 Kay ang Espiritu nga inyong nadawat wala maghimo kaninyo nga mahadlokon sama sa inyong gibati kaniadto sa dihang mga ulipon pa kamo, hinuon naghimo kini kaninyo nga mga anak sa Dios. Karon, pinaagi sa Espiritu makatawag na kita sa Dios nga, "Abba,* nagkahulogan nga papa o kaha amahan. Amahan." 16 Ang Espiritu uban sa atong espiritu mao ang nagpamatuod nga kita mga anak sa Dios.

12 Apan si bisan kinsa nga midawat kaniya, nga mituo kaniya, gihatagan niya ug katungod nga mahimong anak sa Dios.

3 Hinaut nga madawat ninyo ang grasya ug kalinaw gikan sa Dios nga atong Amahan ug kang Ginoong Jesu-Cristo.

13 Ug maingon nga ang usa ka amahan maluoy sa iyang mga anak,

maluoy usab ang Ginoo sa mga nagtahod kaniya.

13 Ug maingon nga ang usa ka amahan maluoy sa iyang mga anak,

maluoy usab ang Ginoo sa mga nagtahod kaniya.

14 Kay nasayod siya kon giunsa niya kita paghimo.

Gihinumdoman niya nga gihimo kita gikan sa abog.

5 Ang Dios, nga nagpuyo sa iyang balaan nga puloy-anan,

nag-atiman sa mga nangailo sa amahan ug nanalipod sa mga biyuda.

8 Apan sa gihapon ikaw ang among Amahan, Ginoo.

Sama ikaw sa magkukolon, ug kami sama sa lapok.

Ikaw ang naghimo kanamong tanan.

16 Kay ikaw ang among Amahan bisan tuod

ug wala kami mailhi

sa among mga katigulangan nga si Abraham ug si Jacob.*

Oo, ikaw, Ginoo, ang among Amahan,

ang among Manluluwas sukad pa kaniadto.

6 Matawo ang usa ka batang lalaki

ug maghari siya kanamo.

Pagatawgon siya nga, "Maalamong Magtatambag,*

Makagagahom nga Dios, Amahan hangtod sa kahangtoran,

ug Prinsipe sa Kalinaw!"

6 Matawo ang usa ka batang lalaki

ug maghari siya kanamo.

Pagatawgon siya nga, "Maalamong Magtatambag,*

Makagagahom nga Dios, Amahan hangtod sa kahangtoran,

ug Prinsipe sa Kalinaw!"

26 Tan-awa ninyo ang mga langgam nga galupad-lupad. Wala sila magtanom, wala mag-ani, ug wala silay gitigom sa bodega, apan sa gihapon gipakaon sila sa inyong Amahan sa langit. Dili ba mas labaw pa kamo kaysa mga langgam?

29 Dili ba barato ra ang mga gagmayng langgam? Apan walay usa kanila nga mahulog sa yuta nga dili pagbuot sa inyong Amahan. 30 Ug bahin kaninyo, bisan ang inyong mga buhok inihap na niya ang tanan. 31 Busa ayaw kamo kahadlok, kay mas bililhon pa kamo kaysa mga langgam.

6 Apan kon kamo mag-ampo, sulod kamo sa inyong kuwarto ug panirado. Didto sa sulod, pag-ampo kamo sa inyong Amahan nga dili makita.* Unya mohatag ug ganti kaninyo ang inyong Amahan nga nakakita sa inyong gibuhat sa tago.

17 Apan kon kamo magpuasa, panghilam-os kamo ug panudlay, 18 aron walay makahibalo nga nagpuasa kamo gawas lang sa inyong Amahan nga dili makita. Unya mohatag ug ganti kaninyo ang inyong Amahan nga nakakita sa inyong gibuhat sa tago.

11 "Kamong mga ginikanan, kon mangayo ug isda ang inyong anak hatagan ba ninyo ug bitin? 12 Kon mangayo siya ug itlog, hatagan ba ninyo ug tanga? Dili gayod! 13 Kon kamong mga tawo nga daotan makahibalong mohatag sa maayong mga butang ngadto sa inyong mga anak, unsa pa kaha ang inyong Amahan sa langit! Ihatag gayod niya ang Espiritu Santo ngadto sa mga mangayo kaniya."

32 "Pipila na lang kamong akong mga sumusunod.* Apan ayaw kamo kahadlok tungod kay pagbuot sa inyong Amahan nga maghari kamo kauban niya.

17 Kay ang tanan nga maayo ug hingpit nga gasa naggikan man sa Dios. Siya mao ang naghimo sa tanan nga atua sa langit nga naghatag ug kahayag dinhi sa kalibotan. Ug bisan mausab ang ilang kahayag ug mabalhin ang ilang landong, ang Dios dili gayod mausab.

32 Wala niya ihikaw ang iyang Anak, hinuon gihalad niya kini alang kanatong tanan. Kon gihatag niya ang iyang Anak, ihatag usab niya kanato ang tanang butang.

6 Mitubag si Jesus kaniya, "Ako mao ang dalan, ang kamatuoran, ug ang kinabuhi. Walay makaadto sa Amahan kon dili pinaagi kanako.

2 Didto sa balay sa akong Amahan adunay daghang lawak. Mouna ako didto aron sa pag-andam ug lugar alang kaninyo. Dili ako mosulti niini kaninyo kon dili pa kini tinuod.

13,14 Buhaton ko ang bisan unsa nga inyong pangayoon kanako, aron mapasidunggan ang Amahan pinaagi nga iyang Anak. Bisan unsa ang inyong hangyoon kanako pinaagi sa akong ngalan* buhaton ko kini.

21 "Ang nagdawat ug nagtuman sa akong mga sugo mao ang naghigugma kanako. Ug ang naghigugma kanako higugmaon usab sa akong Amahan. Higugmaon ko usab siya ug ipaila ko kaniya kon kinsa gayod ako."

23 Mitubag si Jesus kaniya, "Ang naghigugma kanako magtuman sa akong mga pulong; higugmaon siya sa akong Amahan, ug kami magpuyo kaniya.

18 Wala gayoy tawo nga nakakita sa Dios. Apan gipaila siya kanato sa bugtong Anak sa Dios, nga mao ra usab ang Dios, nga kauban kanunay sa Amahan.*

28 Gihatagan ko silag kinabuhi nga walay kataposan, ug dili gayod sila mawala. Walay makaagaw kanila gikan sa akong mga kamot. 29 Gihatag sila kanako sa akong Amahan nga gamhanan sa tanan, ug wala gayoy makaagaw kanila gikan sa kamot sa Amahan. 30 Ako ug ang Amahan usa lang."

24 "Amahan, buot ko nga kining mga tawo nga imong gihatag kanako makauban ko, aron makita usab nila ang akong himaya, ang himaya nga imong gihatag kanako, tungod kay gimahal mo ako bisan sa wala pa mamugna ang kalibotan.

27 Unya, miingon si Jesus sa mga tawo, "Gitugyan na kanako sa akong Amahan ang tanang mga butang. Ang Amahan lang ang nakaila sa Anak. Ug ang nakaila sa Amahan ako lang nga iyang Anak ug ang mga tawo nga buot ko nga makaila kaniya.

48 Busa magmahingpit kamo, sama sa inyong Amahan nga langitnon.

8 "Apan kamo dili angay magpatawag nga ‘Magtutudlo,’ kay managsoon kamo ug usa ra ang inyong magtutudlo. 9 Dili usab kamo magtawag ‘Amahan’ kang bisan kinsa dinhi sa yuta, kay usa ra gayod ang inyong Amahan, ang Amahan nga langitnon.

53 Wala ka ba masayod nga makapangayo akog tabang sa akong Amahan ug diha-diha padad-an niya ako ug dose ka batalyon nga mga anghel?

36 Magmaluloy-on kamo sama sa inyong Dios nga Amahan.

20 Dayegon nato ang atong Dios ug Amahan sa walay kataposan. Amen.

7 Busa antosa ninyo ang mga kalisdanan nga nangabot kaninyo, kay kana pagdisiplina sa Dios kaninyo tungod kay giisip niya kamo nga iyang mga anak. Dili ba nga wala may anak nga wala disiplinaha sa iyang amahan? 8 Kon wala kamo disiplinaha sa Dios sama sa naagian sa tanan niya nga mga anak, dili kamo niya tinuod nga mga anak. 9 Dili ba gidisiplina kita sa atong mga tawhanon nga amahan? Ug niana gitahod nato sila? Nan, labaw pang dawaton nato ang pagdisiplina kanato sa atong espirituhanon nga Amahan aron makabaton kita ug kinabuhi. 10 Ang atong mga amahan dinhi sa yuta nagdisiplina kanato sa hamubo lang nga panahon, ug sumala lang sa ilang mahuna-hunaan nga makaayo kanato. Apan ang Dios gadisiplina kanato alang gayod sa atong kaayohan, aron mahimo kitang matarong sama kaniya.

11 Anak, ayaw ipakadaotan ang pagdisiplina sa Ginoo kanimo.* kanimo: o pagtul-id sa Ginoo sa imong pamatasan.

Ayaw ikasakit kon badlongon ka niya.

12 Kay disiplinahon sa Ginoo ang iyang pinangga,

sama sa ginahimo sa usa ka amahan ngadto sa anak nga iyang gikahimut-an.

11 Anak, ayaw ipakadaotan ang pagdisiplina sa Ginoo kanimo.* kanimo: o pagtul-id sa Ginoo sa imong pamatasan.

Ayaw ikasakit kon badlongon ka niya.

12 Kay disiplinahon sa Ginoo ang iyang pinangga,

sama sa ginahimo sa usa ka amahan ngadto sa anak nga iyang gikahimut-an.

1 Kamong mga anak, tumana ninyo ang inyong mga ginikanan kay mao kini ang angay nga buhaton sa usa ka nagtuo sa Ginoo. 2 "Tahora ang imong amahan ug inahan." Mao kini ang una nga sugo nga adunay saad; 3 ug mao kini ang saad, "Aron mahimong maayo ang imong umaabot ug lugwayan ang imong kinabuhi dinhi sa kalibotan."*

4 Kamong mga ginikanan, ayaw ninyo hagita nga masuko ang inyong mga kabataan, kondili amumaha hinuon ninyo sila sa pagdisiplina ug pagtudlo nga gikan sa Ginoo.

4 Kamong mga ginikanan, ayaw ninyo hagita nga masuko ang inyong mga kabataan, kondili amumaha hinuon ninyo sila sa pagdisiplina ug pagtudlo nga gikan sa Ginoo.

12 Tahora ninyo ang inyong amahan ug inahan aron magkinabuhi kamo ug dugay diha sa yuta nga gihatag sa Ginoo nga inyong Dios kaninyo.

8 Anak, pamatia ang pagtul-id sa imong ginikanan

sa imong pamatasan,

9 tungod kay kini makapasidungog kanimo

sama sa korona ug makapaanyag sama sa kuwintas.

24,25 Malipay gayod ang imong ginikanan

kon matarong ka ug maalamon.

Ikalipay nila nga sila nahimong imong amahan ug inahan.

5 Ang buang-buang nga tawo dili manumbaling

kon badlongon sa iyang amahan ang iyang pamatasan,

apan ang maalamon mopatuo.

6 Garbo sa mga tigulang ang ilang mga apo,

maingon nga garbo usab sa mga anak ang ilang mga ginikanan.

20 Ang anak nga manunglo ug ginikanan mamatay

sama sa suga nga napalong diha sa kangitngit.

20 Ug kamong mga anak, tumana ninyo kanunay ang inyong mga ginikanan, kay mao kini ang kabubut-on sa Ginoo.

21 Mga ginikanan, ayaw ninyo palabihi ang pagsilot sa inyong kabataan, kay basin unyag mawala ang ilang tinguha nga mobuhat ug maayo.

3 Ang mga anak gasa ug panalangin gikan sa Ginoo.

4 Ang mga anak nga natawo sa batan-on pa

ang amahan sama sa mga pana diha sa mga kamot sa usa ka sundalo.*

5 Bulahan ang tawo nga adunay daghang anak,*

kay dili siya mapildi kon makig-atubang siya sa iyang mga kaaway sa hukmanan.

19 Ang mga buhi lang ang makadayeg kanimo

sama sa akong ginahimo karon.

Ang matag henerasyon magsugilon sa mosunod

nga henerasyon sa imong pagkamatinumanon.

16 "Ang mga ginikanan dili angayng patyon tungod sa sala sa ilang mga anak, o ang mga anak tungod sa sala sa ilang mga ginikanan; ang matag-usa patyon tungod sa iyang kaugalingong sala.

19 Kay ang tanang binuhat sa Dios naghinam-hinam gayod nga nagpaabot sa higayon nga ipadayag na sa Dios ang iyang mga anak.

13 Nagsulat ako kaninyo, mga amahan,

tungod kay nailhan na ninyo siya,

nga anaa nang daan sukad pa sa sinugdanan.

Nagsulat usab ako kaninyo, mga batan-ong lalaki,

kay napildi na ninyo si Satanas.

14 Nagsulat ako kaninyo, mga pinalanggang anak,

tungod kay nailhan na ninyo ang Amahan.

Nagsulat ako kaninyo, mga amahan,

tungod kay nailhan ninyo siya

nga anaa nang daan sukad pa sa sinugdanan.

Nagsulat usab ako kaninyo, mga kabatan-onan,

tungod kay lig-on ang inyong pagtuo.

Gituman ninyo ang pulong sa Dios

ug napildi na ninyo si Satanas.

15 Ayaw ninyo higugmaa ang kalibotan o ang kalibotanon nga mga butang. Kon gihigugma ninyo ang kalibotan, wala kamo naghigugma sa Amahan.