Pais

Deus é nosso Pai celestial — amoroso, provedor, disciplinador e fiel. As Escrituras também honram os pais terrenos e os chamam a criar os filhos na instrução do Senhor.

O Pai celestial

Deus é Pai de misericórdias. Ele nos adotou como filhos, nos ama incondicionalmente e cuida de cada detalhe da nossa vida.

Ma Jou’ongu Madutu 'ai ngowa-ngowa’a

1 Ngene mode-mode’e wo heranga ma duhu sa’olo Ma Jou’ongu Madutu na dadalara ngene: Ngene nena-ne, Unanga 'o si’aro’o 'Ai ngowa-ngowa’a! Re mode-mode’e ngene Ma Jou’ongu Madutu 'ai ngowa-ngowa’a! Ngowa’a ga’a ngaku Yesus ua 'aḏi mangaku ua ngene sa’olo Ma Jou’ongu Madutu 'ai ngowa-ngowa’a, sababu ananga gena-ge 'aḏi nana’o Ma Jou’ongu Madutu ua.

1 João 3:1

Ma Jou’ongu Madutu 'ai ngowa-ngowa’a

1 João 3:1

15 Sababu Ma Ngagara 'Ofi-'Ofi ga’a Ma Jou’ongu Madutu 'a pula’a ra ngini, si’a’a ua ngini ni dadi ngowa’a budaka, singadolo ngini ni 'ahu mojongo ma hukumu ra Ma Jou’ongu Madutu. Siḏibo ḏi’i, Ma Ngagara 'Ofi-'Ofi 'i si’a’a ngini dadi Unanga 'ai ngowa-ngowa’a nau’u. Re sababu Ma Ngagara 'Ofi-'Ofi ma kuasa, ngene nga’unu wo 'aro’o Ma Jou’ongu Madutu, "Baba, ngene nanga Ḇaḇa." 16 Ma Ngagara 'Ofi-'Ofi masiretene 'i sisakisi mamete’e ra ngene nanga roh, mangale ngene Ma Jou’ongu Madutu 'ai ngowa-ngowa’a.

Romanos 8:15,16

12 Mada’a 'a guna ḇato 'o dawongo re 'o ngaku Unanga, Unanga 'o pula’a haku ra ananga di’a 'aḏi dadi Ma Jou’ongu Madutu 'ai ngowa-ngowa’a.

João 1:12

1-3 Jama’ata-jama’ata mo-moini toma daeraha Galatia. Surata nena-ne ma 'asala ra ngoi, Paulus, Yesus 'ai so-soma’a, re ḏi’i ngowa’a ngaku Yesus mo-moini ga’a mamete’e ra ngoi. Ngomi mi manyiata mi golo’o ra Ma Jou’ongu Madutu, nanga Ḇaḇa, re nanga Jou Yesus Kristus di’a pula’a dame re ḏi’i pula’a mura re dadalara ra ngini. Ma Jou’ongu Madutu ga’a dadunu ro si’ahu Yesus Kristus toma ngowa’a senge-sengene manga sigolona, pa’i Unanga gena-ge re Yesus Kristus ḇato 'aḏi sitede ngoi to dadi Yesus 'ai so-soma’a -- ngowa’a toropo moi i’a ua 'aḏi sitede ngoi, bolo matengo i’a ua 'o siḏingoto ngoi.

Gálatas 1:3

O cuidado paterno de Deus

O Pai celestial sabe do que precisamos antes de pedirmos. Ele dá boas dádivas aos filhos que pedem e cuida até dos passarinhos.

26 Oḏi’i ḇato namo diwanga, enanga 'i so’ana mai ua, 'i 'utu’u mai ua, re 'i lomu mai ua guḏa ma hasili toma titila. Kalaha so’o gena, ninga Ḇaḇa toma soroga 'a pula’a enanga ma ngo-ngoromo. Tantu ḏua ngini reni waro, ngini lebe la-lamo’o i’a reo namo diwanga!

Mateus 6:26

29 Pipisi senga moi, nyengara sitibo namo cuḇili romoḏiḏi. Kalaha so’o gena na’o Ḇaḇa 'ai mau ua, rimoi mai ua 'i eta’a toma tana’a. 30 Ninga utu taninga sae’e mai Ma Jou’ongu Madutu 'a waro ma repe. 31 Sababu gena-ge ni mojongo awa! Ngini ninga ijana lebe lamo’o i’a reo namo cuḇili ma repe ra Ma Jou’ongu Madutu 'ai momina!"

Mateus 10:29-31

6 Mada’a wakutu ngini ni manyiata, osama toma kamara re kuci ngalana, kara ni manyiata ra ninga Ḇaḇa ga’a wa oḏi’i ua. Ḏua Unanga ḏuanga i’a 'o pula’a ngogele ra ngini sababu pa’i ninga Ḇaḇa ḇato 'a oḏi’i ngini ni manyiata.

Mateus 6:6

17 Mada’a wakutu ngini ni puasa na loca’a ninga biono re na kuḇa ninga utu, 18 la ngowa’a ya waro ua mangale ngini ni puasa, pa’i ninga Ḇaḇa ḇato, ga’a wu oḏi’i ua, Unanga ra waro. Ḏua Unanga ḏuanga i’a 'o pula’a ngogele ra ngini sababu pa’i ninga Ḇaḇa ḇato 'a oḏi’i; ngowa’a matengo i’a mai ua 'a oḏi’i!"

Mateus 6:17,18

11 Sanga ua 'age rema ḇaḇa matengo taninga sigolona, na’o 'ai ngowa’a nau’u 'o golo’o nyao’o, unanga 'o pula’a cuku’u! 12 Bolo na’o 'ai ngowa’a 'o golo’o namo ma gosi, unanga 'o pula’a kalajengking! 13 Kalaha ngini ngowa’a baraḏosa, ngini mai ni waro ḏi’i ni pula’a 'ori i’a ma la-la taninga ngowa-ngowa’a. Ma la-lamo’o i’a ḏi’i, ninga Ḇaḇa toma soroga! Tantu ḏua, Unanga 'o pula’a Ma Ngagara 'Ofi-'Ofi ra ananga ga’a 'aḏi golo’o ra Unanga!"

Lucas 11:11-13

'Ori i’a rana toma soroga

32 Ngini mojongo awa kalaha ni repe ua re ni te’e ua! Sababu Ma Jou’ongu Madutu 'o sanangi sidadi ngini Unanga 'ai ngowa-ngowa’a.

Lucas 12:32

17 Bu-bula’a ma la-la bolo ti-tiai mo-moini, gena-ge ma 'asala toma soroga ino 'i 'uci da’u ra Ma Jou’ongu Madutu tala. 'Ori i’a ga’a ta-tarangi toma diwanga gena-ge Ma Jou’ongu Madutu 'ai do-dadi. 'Ori i’a ta-tarangi gena-ge 'i ngali tau-taunu, mada’a Ma Jou’ongu Madutu kama ngali-ngali ua. Unanga gena-ge sou moi nyangu 'o pula’a bu-bula’a ma jira.

Tiago 1:17

32 'Ai Ngowa’a Nau’u masiretene Unanga 'a sidoa’a toma ngowa’a ma jira, la ananga 'U sisengene di’a sisalamata ngene mo-moini ga’a ngowa’a baraḏosa. Dadi, tantu ḏua Unanga 'o pula’a 'oru ḇato ga’a ngene wo paralu!

Romanos 8:32

Conhecer o Pai

Jesus é o caminho para o Pai. Ninguém conhece o Pai senão o Filho e aquele a quem o Filho quiser revelar.

6 Yesus 'o sangoro, "Ngoi nena-ne ngo’omo di’a ni sapolo ra Tari Ḇaḇa. Ngoi nena-ne to sijumu 'oru ga’a 'i banari mangale 'Ari Ḇaḇa. Re ḏi’i Ngoi nena-ne to pula’a 'ahu kasingado-ngadolo i’a. Pa’i Ngoi nena-ne ḇato to dadi ngo’omo ga’a sigasa ngowa’a Tari Ḇaḇa.

João 14:6

2 Tari Ḇaḇa 'ai wala 'age kamara ma repe. Ngoi ḏuanga i’a to tagi di’a ta sidodahe ngini ninga kamara-kamara. Ngoi to kanau ra ngini so’o gena sababu mode-mode’e 'age rema kamara-kamara gena-ge di’a ngini.

João 14:2

13 Re 'oru ḇato ga’a ngini golo’o ra Ngoi ni pake 'Ari lomanga, Ngoi ta si’a’a di’a ngini, la Ngoi to sigasa puji re silamo’o Tari Ḇaḇa.

João 14:13

21 'A guna ḇato 'o dawongo 'Ari parenta re 'a mete’e, unanga gena-ge 'o dadalara Ngoi. Re 'Ari Ḇaḇa ḏuanga i’a 'O dadalara unanga gena-ge ga’a 'o dadalara Ngoi, re Ngoi ḏi’i to dadalara unanga re Ngoi masiretene to masijumu ra unanga gena-ge."

João 14:21

23 Yesus 'o sangoro, "Na’o 'a guna ḇato 'o dadalara Ngoi, unanga 'a mete’e 'Ari do-doto’o. 'Ari Ḇaḇa ḏuanga i’a 'o dadalara unanga. Re 'Ari Ḇaḇa re Ngoi, ngomi mi sapolo ra unanga remi tegoro marimoi ra unanga.

João 14:23

18 Matengo i’a mai nyangu ro oḏi’i Ma Jou’ongu Madutu, mada’a pa’i 'Ai Ngowa’a Nau’u matengo, ga’a 'O marimoi rai Ḇaḇa. Unanga gena-ge ra sibaiti re Ra sitarangi mangale Ma Jou’ongu Madutu ra ngene.

João 1:18

28 Ngoi to pula’a 'ahu kasingado-ngadolo i’a ra ananga, re kasingado-ngadolo i’a ananga kama binasa ua. Ananga Tari giama ma sata re matengo i’a mai ua nga’unu 'u ra-rabasa. 29 'Ari Ḇaḇa ro pula’a ananga ra Ngoi, re 'Ai kuasa ma pari cua. Matengo i’a mai ua nga’unu 'o ra-rabasa ananga Tari Ḇaḇa 'ai giama ma sata. 30 Ngoi re 'Ari Ḇaḇa, ngomi gena-ge rimoi."

João 10:28-30

24 Baba, Ngoi to mau ngowa’a ga’a Baba reno pula’a ra Ngoi, ananga 'aḏi mamete’e ra Ngoi toma ngi’i ga’a Ngoi 'age, la ananga ya oḏi’i 'Ari mulia. Mulia gena-ge ga’a Baba reno pula’a ḏua ra Ngoi, sababu Baba no dadalara Ngoi wakutu dungia 'i dadi nyangu.

João 17:24

27 Ḏua Yesus 'o kanau, " 'Ori i’a mo-moini, 'Ari Ḇaḇa ra sidoa’a ra Ngoi. Matengo i’a mai ua 'o nana’o Ngoi ḏuga-ḏuga pa’i 'Ari Ḇaḇa ḇato. Matengo i’a mai ua 'o nana’o 'ari Ḇaḇa ḏuga-ḏuga pa’i Ngoi, 'Ai Ngowa’a Nau’u, re ra guna ḇato ga’a Ngoi to sinana’o 'Ari Ḇaḇa.

Mateus 11:27

48 Sababu gena-ge, ngini nena-ne balasu ni dadalara ti-tiai ngowa’a mo-moini ma tero sa’olo nanga Ḇaḇa toma soroga ga’a 'o dadalara ti-tiai ngowa’a mo-moini."

Mateus 5:48

8 Mada’a ngini awa simaha ngowa’a nu’u si’aro’o ngini re nu’u 'aro’o ngini ‘Guru’. Sababu ninga Guru pa’i matengo ḇato, re ngini mo-moini ni ioronongoḏu ngo-ngaku rimoi. 9 Re awa ni silamo’o re ni 'aro’o matengo i’a toma dungia nena-ne ‘Baba’. Sababu ninga Ḇaḇa pa’i matengo ḇato re Unanga gena-ge tegoro toma soroga.

Mateus 23:8,9

53 'Oru ngana no waro ua mangale na’o Ngoi to golo’o ri-riono tari Ḇaḇa, Unanga jau-jau 'o siḏingoto pai’i pasukana mala’ekata nga nyagi moi re nga muḏiḏi di’a riono Ngoi?!

Mateus 26:53

36 Ngini balasu ni sijumu ninga 'akala re sinyingara ma la-la toma ngowa’a ma tero sa’olo ninga Ḇaḇa, Ma Jou’ongu Madutu 'o sijumu 'Ai 'akala re sinyingara ma la-la toma ngowa’a ḏi’i.

Lucas 6:36

20 Puji re silamo’o Ma Jou’ongu Madutu nanga Ḇaḇa kasingado-ngadolo i’a 'Amin.

Filipenses 4:20

Disciplina e amor paterno

O Pai disciplina os filhos que ama. A correção divina produz fruto de justiça e paz para aqueles que foram exercitados por ela.

7 Dadi, wakutu ngini ni sanga sangisara, balasu ni tahana. Sababu Ma Jou’ongu Madutu 'o pake sangisara di’a 'O doto’o ngini ma tero sa’olo ḇaḇa 'o pake hukumu di’a 'o doto’o 'ai ngowa’a nau’u. Sanga ua, ḇaḇa 'o doto’o 'ai ngowa’a nau’u so’o gena-ge ua. 8 Na’o ngini sanga hukumu ua taninga ḇaḇa toma dungia nena-ne, ngini ngimono madutu ua. So’o gena-ge Ma Jou’ongu Madutu 'o pake sangisara di’a doto’o 'ai ngowa’a nau’u mo-moini. Na’o so’o gena-ge ua, ngene 'Ai ngowa’a nau’u ua, mada’a ngowa’a haram. 9 Sidogo ḏi’i, ngene renanga ḇaḇa toma dungia, unanga na sihukumu di’a doto’o ngene, re dadi ngene wo silamo’o unanga, ma la-lamo’o i’a ḏi’i nanga Ḇaḇa toma soroga! Tantu ḏua ngene lebe wo ta’aloko ra Unanga, la ngene sanga 'ahu kasingado-ngadolo i’a. 10 Nanga ḇaḇa toma dungia nena-ne, ananga 'aḏi sihukumu di’a 'aḏi doto’o ngene toma dungia mete’e 'oru ga’a la-la tamanga fikirana re pa’i ti’ara ua. Mada’a Ma Jou’ongu Madutu 'o pake sangisara di’a doto’o ngene mete’e 'oru ga’a la-la di’a ngene, la wo dadi 'ofi-'ofi mamete’e ra Unanga.

Hebreus 12:7-10

11 'Ari ngowa’a nau’u, awa no itomo Ma JOU 'ai do-doto’o, re no ruta awa na’o Unanga 'o ḇangata ngana. 12 Sababu Ma JOU 'o sihukumu ngowa’a ga’a Unanga 'a dadalara, ma tero sa’olo ḇaḇa matengo 'o ca’olo 'ai ngowa’a nau’u ga’a unanga 'a dadalara.

Provérbios 3:11,12

Pais terrenos

A Bíblia honra os pais que criam os filhos nos caminhos de Deus. Honrar pai e mãe é mandamento com promessa de vida longa.

Ngowa 'olo, ḇaḇa re ngina

1 Ngini, ngowa 'olo-ngowa 'olo, sababu ngini ni marimoi ra Ma Jou, ngini balasu ni 'isene ninga ḇaḇa re ngina, sababu balasu ni si’a’a so’o gena-ge ga’a banari ra Ma Jou’ongu Madutu 'ai momina. 2 Toma Boku 'Ofi-'Ofi 'i silefo parenta so’o ne: "Silamo’o ninga ḇaḇa re ngina." Parenta gena-ge Ma Jou’ongu Madutu 'ai parenta ma mulaingi rema jaji: 3 "Na’o ni silamo’o ninga ḇaḇa re ngina, ninga 'ahu lai rousu re ninga 'umuru 'i kiḏanga toma dungia nena-ne."

4 Ioronongoḏu ngo-ngaku rimoi ga’a ni dadi ḇaḇa, awa ngini ninga ga’a 'i kasara taninga ngowa 'olo-ngowa 'olo, la ananga nu’u duruta awa. Siḏibo ḏi’i, ngini ni kalesanga re ni doto’o ninga ngowa 'olo ga’a mete’e Ma Jou 'ai do-doto’o.

Efésios 6:1-4

Efésios 6:4

Si’elingi ngowa’a ra-ramasa ie

1:8-19

8 'Ari ngowa’a nau’u, no totoho la-la ino 'ani ḇaḇa 'ai do-doto’o

re awa sidaioranga 'ani ngina 'ami demo-demo,

9 sababu 'ani ḇaḇa 'ai do-doto’o ma tero saya-saya toma sae’e,

re 'ani ngina 'ami demo-demo ma tero rate tani camala.

Provérbios 1:8,9

24 Ḇaḇa matengo 'o monere na’o 'ai ngowa’a 'aḏi loasa re banari,

unanga gena-ge ḏuanga i’a 'o maroanga na’o 'ai ngowa’a nau’u 'akala soro’unu.

Provérbios 23:24

5 Ngowa’a haga 'aḏi 'isene ua ma ḇaḇa 'ai do-doto’o,

mada’a ngowa-ngowa’a ga’a 'aḏi dawongo ḇangata, ananga gena-ge 'akala soro’unu.

Provérbios 15:5

6 Ngowa’a re danongo 'aḏi dadi bi-biri’i manga lastari,

re ete re dotumu 'aḏi dadi ngowa 'olo manga biono gau’u.

Provérbios 17:6

20 Ngowa’a ga’a 'aḏi sikutuki manga ḇaḇa bolo manga ngina,

Ananga manga 'ahu ma ḏo-ḏogumu ma tero sa’olo poci ga’a 'i sengene wakutu 'i hafu moju.

Provérbios 20:20

20 Ngini ngowa-ngowa’a! Ngini balasu ni 'isene ninga ḇaḇa re ngina manga demo-demo mo-moini. Sababu duhu so’o gena-ge ni sisanangi Ma Jou’ongu Madutu 'ai 'akala re sinyingara.

21 Ngini ḇaḇa-ḇaḇa! Awa ni sikangela ninga ngowa-ngowa’a manga 'akala re sinyingara, singadolo manga 'akala re sinyingara 'i rapo’o.

Colossenses 3:20,21

16 Awa ḇaḇa matengo sanga hukumu sengene ma sababu 'ai ngowa’a. Ngowa’a matengo re matengo balasu sanga hukumu sengene ma sababu ḏosa masiretene.

Deuteronômio 24:16

19 'Oru ḇato Ma Jou’ongu Madutu 'ai do-dadi toma dungia nena-ne ma dara, enanga mo-moini 'i totoma re 'i ga-ganutu madutu di’a Unanga 'o sijumu 'Ai ngowa-ngowa’a nau’u.

Romanos 8:19

13 Ngoi to lefo surata nena-ne ra ngini ga’a ninga ngo-ngaku ma tero sa’olo ḇaḇa-ḇaḇa,

sababu ngini reni nana’o Unanga ga’a 'ua re 'au wali moju, rema enanga ḏua wakutu dungia 'i sidadi nyangu.

Ngoi to lefo surata nena-ne ra ngini ga’a ninga ngo-ngaku ma tero sa’olo ngowa-ngowa’a tubaie,

sababu ninga ngo-ngaku kama elala ua toma 'Iblisi ma bo-baja.

1 João 2:13

14 Ngoi to lefo surata nena-ne ra ngini ga’a ninga ngo-ngaku ma tero sa’olo ngowa 'olo-ngowa 'olo, sababu ngini ni nana’o Ma Jou’ongu Madutu ḏua sa’olo ninga Ḇaḇa.

Ngoi to lefo surata nena-ne ra ngini ga’a ninga ngo-ngaku ma tero sa’olo ḇaḇa-ḇaḇa,

sababu ngini reni nana’o Unanga ga’a 'ua re 'au wali moju, rema enanga ḏua wakutu dungia 'i sidadi nyangu.

Ngoi to lefo surata nena-ne ra ngini ga’a ninga ngo-ngaku ma tero sa’olo ngowa-ngowa’a tubaie,

sababu ngini ngowa’a te-te’e taninga ngo-ngaku,

re ninga de’oso re ḏegoro 'i mete’e Ma Jou’ongu Madutu 'ai do-doto’o re ninga ngo-ngaku kama elala ua toma 'Iblisi ma bo-baja.

1 João 2:14

15 Awa ngini ni dadalara dungia bolo 'oru ḇato toma dungia ma dara. Sababu na’o 'a guna ḇato 'o dadalara dungia, unanga 'o dadalara ua 'ai Ḇaḇa Ma Jou’ongu Madutu.