Pais
Deus é nosso Pai celestial — amoroso, provedor, disciplinador e fiel. As Escrituras também honram os pais terrenos e os chamam a criar os filhos na instrução do Senhor.
O Pai celestial
Deus é Pai de misericórdias. Ele nos adotou como filhos, nos ama incondicionalmente e cuida de cada detalhe da nossa vida.
Limono nki dzyi Taara ali a lo mu bihi-a-be,
Mpaala bata bihi-a-be baana ba Nzaami.
Mu engaŋma, bihi lili baana ba Nzaami.
Me mu obo, baara ba nsie bagwene ogyahaba bihi-a-be,
Mu kuulu bo kaala ka bagyahaba Nzaami o.
Limono nki dzyi Taara ali a lo mu bihi-a-be,
Mpaala bata bihi-a-be baana ba Nzaami.
Mu engaŋma, bihi lili baana ba Nzaami.
Me mu obo, baara ba nsie bagwene ogyahaba bihi-a-be,
Mu kuulu bo kaala ka bagyahaba Nzaami o.
Be ka lígyagha mufulu wu bunkana o, mufulu wu aafirikagwa be nzalamweẽ. Lo be líigyagha Mufulu mumõ wu aakakirili bihi nkara a baana ba Nzaami, mu nde bihi-a-be liikakehe engubu ti: «Aba!» Mbaala ti, «Taara!» Mufulu ndeme li mu okasuo bumpughulu kundaa mufulu a bihi ti bihi-a-be lili baana ba Nzaami.
Lo kundaa babo ba báagyagha nde,
babo ba baakasa kana mu nkwumu a nde,
nde aagwi muswa mu okala baana ba Nzaami.
Nyaã bwehe ya edzuunu bi bifi kundaa Nzaami Taara a bihi ya kundaa Mfumu a bihi Yiisu-Kriste, bikala ya be!
O cuidado paterno de Deus
O Pai celestial sabe do que precisamos antes de pedirmos. Ele dá boas dádivas aos filhos que pedem e cuida até dos passarinhos.
Litala baŋmini ba yulu: Bo ka baakakunu o, ya ka baakatolo o, bo ka baakakwu mu bitaghala o, ya Taara a be wu li ku yulu, aakabuŋunu bo. Lo bunu, be ka libvulu bo mupfunu o?
Ka baakatyeghe binswini-a-nswini byele mu mupara mumõ. Lo emõ mu bye ka ekughu obwa ŋa nsie o, kala ti Taara a be ka gwi muswa o. Ya kundaa be, si okala mfu a be, Nzaami soolo mutala a yo yohono. Mu obo, ka likala a nzalamweẽ o! Be libvulu binswini-a-nswini bi bilagha mu mupfunu.»
Lo we, mu matala ma dzyi we osamana, somo munsa ngwumu a we, dzughubu muŋma a nzo, ya samana Taara a we mu ensweghe. Ya Taara a we wu aakamono mu ensweghe sa agwa we mvuru.»
Lo we, ŋa aakakuru we nswele mu bala, aakaswagha busu bu we, ya aakagyogho mutswi a we mananaase. Mu kuulu nyaã omoŋono kundaa baara ti we aakuru nswele mu bala, ya Taara a we wu aakamono mu ensweghe, sa agwa we mvuru.»
Nki Taara wu kughu ogwa mwana a nde ntaala kala ti mwana luomo nde nswi? Bwunu we ngie, kala ti mwana luomo nde bi? Kala ti be baara ba babi lisoolo ogwa bilogho bi bibwe kundaa baana ba be, lo Taara a be wu li ku mayulu, bunu akughu ogwene ogwa Mufulu a Ngili kundaa babo ba baaluomo nde nde?"»
«Mukaã a bindoomo wu asala, ka kala a nzalamweẽ o, mu kuulu Taara a be aamono ti oli bubwe nde agwa be Emfumu e nde.
Nswe kaba li libwe ya nswe embwaã kii mukughu biikafa ku yulu, kundaa Taara nga-a-mambaa, mu nde ka oli a lisobo o, ka oli a edzyimi-a-dzyimi ki eenyiŋi o.
Nde wu aatyeghe Mwana a ndeme mu nkooro a bihi bwohono, bunu-abo, mu nzili a bwehe, akughu ogwene ogwa bihi si byehene emõ ya Mwana a nde?
Conhecer o Pai
Jesus é o caminho para o Pai. Ninguém conhece o Pai senão o Filho e aquele a quem o Filho quiser revelar.
Yiisu ályele nde ti: «Me ndi nzili, engaŋma ya laama. Ka oli a mbwuru wu kughu ogye kundaa Taara o kala ti nde ka luru mu me o.
Mu nzo a Taara a me oli a bibini bilagha. Kala pele, me ka aakandyele be ti me sa yingyighili be ebini o.
Mandagha mwohono ma akala liiluomo be mu nkwumu a me, me sa ngyighili mo, mpaala Taara abagha nsia mu Mwana.
Munde wu dzyi me, me munde wu li a Mikyene mi me ya wu aakanama mye. Mu obo munde wu dzyi me, Taara a me sa adzyi nde, mehe si sa ndzyi nde ya sa me moŋono kundaa nde.»
Yiisu ábvuhulu nde ti: «Kala ti mbwuru dzyi me, nde sa anama mandagha ma me, ya Taara a me sa adzyi nde. Mu obo, bihi sa ligya kundaa nde ya sa likala mu nde.
Mbwuru nkini ámaamono Nzaami o. Lo munde wu áasuo baara nde, me Nzaami Mwana wu a mbunu, wu li ŋa likara li Taara.
Ya me aakangwa laama lili mibvu ya mibvu kundaa bindoomo bi me. Bye ka bikughu opfighili o ya mbwuru si mumõ ka kughu ogwohono me bye ŋa ekee o. Taara a me wu aagwi me bye, bvulu byehene mu bunene ya mbwuru si mumõ ka kughu ogwohono elogho ŋa ekee e Taara o. Me ya Taara lili mbwuru mumõ.»
«Taara, me ndzyi ti babo ba aagwi we me, bakala si ya me oŋo ŋa akala aankala me, ya bo bamono nsia a me, nsia yi aasi we me, mu kuulu we áadzyi me nsomo we gyighili nsie.
«Taara a me ágwi me byehene. Ka oli a mbwuru si mumõ wu soolo Mwana o, kala ka oli yini a Taara o. Ya ka oli a munde wu soolo Taara o, kala ka oli yini a Mwana o ya munde wu odzyi Mwana osuo kundaa Taara.»
Be me baala likala baara ba bakughu, ti bu oli Taara a be mukughu mu mayulu.»
Lo be, banyaã okata be Muluo, mu kuulu be lili a Muluo yini a mumõ, ya be bwohono lili bakulu ya bambwee. Ka likata mbwuru si mumõ "Taara" a be ŋa nsie o. Mu kuulu be lili a nde yini a mumõ, Taara wu li ku yulu.
We bunu tsimi, ti me ka nkughu obuono Taara a me o, mu kuulu nde agwa me ŋa-ŋa mikaã mi bangye-yulu kwumu ya myele (12)?
Liikakala ya mukolo wu a nyiĩ bwunu a bu oli a Taara a behe si mukolo wu a nyiĩ.»
Nyaã nsia yikala kundaa Nzaami Taara a bihi mu mibvu ya mibvu. Aamene!
Disciplina e amor paterno
O Pai disciplina os filhos que ama. A correção divina produz fruto de justiça e paz para aqueles que foram exercitados por ela.
Mpara yi lili mu okamono be, me mu otwulu be bunsumu. Nzaami aakagwolo be ti anga baana ba nde ba babaghala. Munde nki mwana wuulu taara a nde ka aakasyeme nde o? Kala ti ka batwulu be bunsumu bwunu a bu baakatwulu baana bwohono bunsumu o, be ka lili nkara a baana o, lo be lili baana ba báburu ku mbala. Buulu bihi bwohono líili a taara wu a mu musunu wu áakasyeme bihi ya wu líkagwa budziri, lo mu emakye liikakuono obvulu okihi litumu li Taara wu mayulu, mpaala libagha bumweẽ? Taara munde ákasyeme bihi mu mana matala, ti bwunu a bu ákadzyi nde, lo Nzaami aakasyeme bihi-a-be mu nkooro a bubwe bu bihi, mpaala agwa bihi-a-be bungili bu nde.
Pais terrenos
A Bíblia honra os pais que criam os filhos nos caminhos de Deus. Honrar pai e mãe é mandamento com promessa de vida longa.
Baana, liikakihi litumu li biburu bi be, mu kuulu, obo oli bunsumu mu Mfumu. Gwa taara ya ngughu a we budziri, munde me mukyene wu a nsomo wu li ya misiini: mpaala we kala a esee ya we laama ŋa nsie .
Be bataara, ka likagwa baana ba be nkehe o, lo liikakwuhu bo kunsa maluo ya mu bigyehe bi Mfumu.
Be bataara, ka likagwa baana ba be nkehe o, lo liikakwuhu bo kunsa maluo ya mu bigyehe bi Mfumu.
Baana, mu mandagha mwohono, liikakihi litumu li biburu bi be, obo me bu odzyi Mfumu. Bataara, ka likata baana ba be nkehe o, mara bo bagwene a bukyini.
Mu kuulu byehene bi ógyighili Nzaami bili mu okakebe ya mukolo mbaa, omoŋono o nsia a baana ba Nzaami.
Bataara, me nsono be mukaana wu mu kuulu:
«Be lisoolo munde wu li obaana ku ebaana.»
Minkuru-mbala, me nsono be mukaana wu mu kuulu:
«Be liilughulu ŋa nkulu a Wu Mubi.»
Baana ba me, me aansono be mukaana wu mu kuulu:
«Be lisoolo Taara.»
Bataara, me aansono be mukaana wu mu kuulu:
«Be lisoolo munde wu li obaana ku ebaana.»
Minkuru-mbala, me aansono be mukaana wu mu kuulu:
«Be lili a mpini, ya ndagha a Nzaami yili mu be, ya be liilughulu ŋa nkulu a Wu Mubi.»
Ka lidzyi nsie o, ngu okala bilogho bi bili mu yo,
Kala ti mbwuru dzyi nsie,
Dzyi li Taara ka lili mu nde o.