A paixão de Cristo

Հիսուսը խոսում է իր մահվան և հարության մասին

21 Այդ դեպքից հետո Հիսուսն սկսեց հայտնել աշակերտներին, որ ինքը պետք է Երուսաղեմ գնա, բազում չարչարանքներ կրի, անարգվի քահանայապետներից, դպիրներից ու ժողովրդի ծերերից, սպանվի և երրորդ օրը հարություն առնի։

38 Այդ ժամանակ նրանց ասաց. «Հոգիս մեռնելու աստիճան տրտմած է. այստե՛ղ մնացեք և ինձ հետ արթուն հսկե՛ք»։

8 Ինքն իրեն խոնարհեցրեց՝ հնազանդ լինելով մինչև մահ և այն էլ՝ խաչի մահ։

14 Արդ, որովհետև զավակները հաղորդակից եղան արյան և մարմնին, ինքն էլ մարդկային բնությամբ մասնակից եղավ նրանց, որպեսզի իր մահով կործանի նրան, որ մահվան իշխանություն ուներ, այսինքն՝ սատանային, 15 և ազատի նրանց, որ մահվան երկյուղով միշտ գերության վիճակում էին։

17 Այն բանի համար է իմ Հայրը սիրում ինձ, որ ես իմ կյանքն եմ տալիս, որպեսզի վերստին այն վերցնեմ։ 18 Այն ինձնից ոչ ոք չի վերցնի, այլ ես ինքս եմ այն տալիս. իշխանություն ունեմ այն տալու և իշխանություն ունեմ վերստին այն վերցնելու. այս պատվերն իմ Հորից ստացա»։

45 որովհետև Մարդու Որդին ինքն էլ չեկավ ծառայություն ընդունելու, այլ ծառայելու և իր կյանքը որպես փրկագին տալու շատերի համար»։

55 Իսկ քահանայապետներն ու ամբողջ ատյանը Հիսուսի դեմ որևէ վկայություն էին փնտրում, որպեսզի նրան սպանեն, բայց չէին գտնում։

8 Աստված իր սերը մեր հանդեպ հայտնեց նրանով, որ չնայած մեղավոր էինք, Քրիստոսը մեզ համար մեռավ։

21 որովհետև հենց այդ բանի համար կոչվեցիք, քանզի Քրիստոս էլ ձեզ համար մեռավ և ձեզ օրինակ թողեց, որ իր հետքերով գնաք։ 22 Նա «մեղք չգործեց, և նրա բերանում նենգությունը տեղ չգտավ»(Ես. 53.9)։ 23 Նախատվելով՝ նա չնախատեց, չարչարվելով՝ չսպառնաց, այլ հանձնվեց արդար դատավորին։ 24 Նա մեր մեղքերն իր մարմնով բարձրացրեց խաչափայտի վրա, որպեսզի մենք, զերծ լինելով մեղքերից, արդարության կենակից լինենք. նրա վերքերով բժշկվեցիք դուք։

3 Նրա տեսքն ավելի անարգ էր ու նսեմ,

քան բոլոր մարդկանց որդիներինը։

Նա հարվածների ենթակա մի մարդ եղավ,

որ ցավերին համբերել գիտի.

իր երեսը դարձնելով՝ արհամարհվեց ու բանի տեղ չդրվեց։

4 Նա մեր մեղքերն էր վերցնում

և մեզ համար չարչարվում,

սակայն մենք նրա ցավերը,

հարվածներն ու չարչարանքները համարեցինք

իբրև Աստծուց եկած բան։

5 Բայց նա վիրավորվեց մեր մեղքերի համար

և մեր անօրենությունների համար պատժվեց.

մեր խաղաղության համար նա՛ պատիժ կրեց,

և նրա վերքերով մենք բժշկվեցինք։