A paixão de Cristo

Yɛsu kan’kyään nkweel anà ngwiiyà ande

21 Fà taaŋ alan, Yɛsu kàsɛmà muswaŋ alɔŋki ande naa yan’kwo naa nde ubeenà Yɛlusàlɛm, ukàman mpay mbɔɔn kà an’kɔɔ a andweer, a amfum a angaŋ anà mà alɔɔŋ a Un’kɔɔn. Ba bàkyer akun’dwa, wɛɛ kà ilä kyàtär nde akyer asàwiyà.

38 Apan nde kàtɛn a ba naa: « Mpem amɛ yàŋàyɔl a ngyɛb mbɔɔn tsütsü a ukwà. Sàlakälà pà anà làgyɛɛŋ anà mɛ. »

8 nde kàtyeey nde ŋakwo anà kàswɛŋ unkyeey

tii kà ukwà, itàkal ukwà a kulunsi.

14 Ntɔn baan abà bye anà undiir mwɛy wà un’tüüb, an’kil anà in’twaŋ, ifà imwɛy sye, Yɛsu kàbulà asànaa ba, nde kàbwäär ndür a imbuur. Abun, u mbwo a nkweel ande, nde kàkwaam ngwal a mbuur kàkäärà ukwà, iswaŋà naa Ileŋ. 15 U mbwo a ba, nde kàtsuuŋ baar banswà bàkäl uboo a isɔ u mɔ̈ɔ̈ aba wanswà ntɔn bɔɔmà a ukwà.

17 Taa akyan’kwen, ntɔn mɛ in’fàpà mɔ̈ɔ̈ amɛ, ungö waa in’fàwal wa. 18 Akà mbuur mwɛy tɛy afan’duum mɔ̈ɔ̈, wɛɛ mɛ, mɛ wa in’fàpà a ukwen amɛ. Mɛ in’we anà ikɔ̈b apà wa, anà ikɔ̈b afàwal wa. Ayi nswɛɛŋ kan’pɛ Taaràmɛ. »

45 Lalan Mwan a mbuur kàyi anki ntɔn bun’syääl, wɛɛ nde kàyi ntɔn musyääl anà mupà mɔ̈ɔ̈ ande asànaa nkwiy ntɔn baar mbɔɔn. »

55 Kyekà andweer a angaŋ anà Làbay a nsaŋ a kölàköl bàkäl muleŋ imbäl a loor ntɔn Yɛsu ntɔn bun’dwä, wɛɛ ba kya bàmɛnà anki.

8 Wɛɛ Nzam afàswaŋ ukwen ande akà bi: Ntɔn, u taaŋ bàkäl bi baar a man’be, Klistɔ kàkü ntɔn bi.

21 Kyekà, yà ntɔn ya waa bàlabel, ntɔn Klistɔ sye kàkɔɔm mwäänà ntɔn bɛ, nde kàlaswɛŋ mbaan ntɔn bɛ làläb nkääl ande. 22 Nde kàkyer anki man’be, ndaa a an’kwaar sye yàtoo anki u mun ande, 23 nde kàfuur anki in’tswe, mpal bun’tö in’tswe. Wɛɛ mpal bun’pɛ ba mpay, nde kàŋän anki, wɛɛ ya yanswà nde kàpɛ akà mbuur afàtsul nsaŋ a balàbal lanswà. 24 Nde kàsyen buur a man’be abi nde ŋakwo tii u kulunsi, ntɔn bi kàkü anà man’be abi ŋakwo, ntɔn bi ikäl anà mɔ̈ɔ̈ ntɔn balàbal, nde kàlakɔɔr u mbwo a iwà ande.