Paixão

24 ክርስቶሳ የሱሳባ ግድያዋንቱ ባረንቱ አሳተ አ ኢታ ቆፋናነ አ አሙዋና እትፐ ማስቃልያ ቦላን ምስማርያን ሺደ ካቄድኖ።

ኤጫነ ኦራ ደኡዋ

5 ሄዋ ድራዉ፥ ህንተንቱን ደእያ ሀ ሳኣ አሞቱዋ ዎተ፤ ሄዋንቱካ ዎሹምያዋ፥ ቱናተ፥ ዎሹማናዉ ኮይያዋ፥ ኢታ አሙዋ፥ ሚሻ አሞትያዋ። ዮራንቻ ግዱሳይ ኤቃዉ ጎይንያዋፐ ዱማተና።

ጾሳ አይላቱዋ

11 ታ ዳባቶ፥ ህንተ ሀ ሳኣን እማነ በተ ግዲደ ደእያዋንታ ግዴዳዋዳን፥ ኡባ ዎደ ህንተ ሸምፑዋና ኦለትያ አሳተ አሙዋፐ ህንተ ሃካና ማላ፥ ታን ህንተና ዎሳይ።

4 ህንተንቱ ሁጲያን ሁጲያን ጌሻተንነ ቦንቹዋን ህንተንቱ ማችያና ዎት ደአነንቶ* ኤራናዉ በሴፐ አትን፥ 5 ጾሳ ኤረና አማነና አሳቱዋዳን፥ ሎይ አሞትያዋን አካናዉ በሰና።

31 ስም ህንተ አያነ ሞፐ፥ ዎይ አያነ ኡሾፐ፥ ዎይ ህንተ አያነ ኦፐ፥ ኡባባ ጾሳ ቦንቾ ኦተ።

9 ሽን አሙዋን ጉደትያዋፐ አክያዌነ ገልያዌ ሎአ ግድያ ድራዉ፥ ኡንቱንቱ ባረንታ ናጋናዉ ዳንዳያና ዮፐ፥ አክኖነ ገልኖ።

26 ሄዋ ድራዉ፥ ጾሳይ ኡንቱንቱ ፖኮባ አሞታና ማላ፥ ኡንቱንታ አጌዳ፤ ሀራይ አቶ ኡንቱንቱ ማጫዋንቱ ባረንቶ በስያዋ አጊደ፥ በሰናዋ ሀኔድኖ። 27 ሀዋዳንካ፥ አቱማ አሳይ ቃይ ባረንቶ በስያዋዳን ማጫዋንቱና ጋከትያዋ አጊደ፥ እቱ እቱዋና ጋከታናዉ ኮዬድኖ፤ አቱማ አሳይ እቱ እቱዋና ፖኮባ ኦደ፥ ባረንቱ ኦዳ ባላን ባረንቶ በስያ ፕርዳ አኬድኖ።

3 አያዉ ጎፐ፥ አሳይ ቱሙ ትምርትያ ስሰናን እጽያ ዎዲ ያናዋ። ሽን አሳይ ባረንቱ አሙዋ ካሊደ፥ ስሳናዉ ናሸችያዋ ኦድያ ታማርስያዋንታ ጉጅ ጉጅ ሺሻና። 4 ኡንቱንቱ ቱሙ የዉዋ ስስያዋ አጊደ፥ ቶሳ ስሳናዉ ባረንቱ ሀይ ዎራ ዛራና።

3 ጾሳ ዎሲታ፥ ሽን ደምክታ፤ ጋሱካ ባላ ኦግያን ዎሲታ። ሄዋ ህንተና ናሸችያዋን ፔሻናዉ ኮይያ ድራሳ።