Palavras de conforto
Deus é o Deus de todo conforto. Ele consola os que choram, restaura os quebrantados e promete que a dor presente dará lugar à alegria eterna.
O Deus de toda consolação
Bendito seja o Deus e Pai de nosso Senhor Jesus Cristo, Pai das misericórdias e Deus de toda consolação, que nos consola em todas as tribulações.
Polo ke na kusiika Nzambi
Beto siika Nzambi, Tata ya Mfumu ya beto Yesu-Klisto. Yandi kele Tata yina ke talaka bantu kyadi, mpe Nzambi yina ke katulaka kyadi ya bantu nyonso. Yandi ke katulaka beto kyadi na bampasi nyonso yina ke kuminaka beto, samu ti beto mpe lenda na kukatula kyadi na bayina nyonso ke talaka bampasi. Beto ke katula bawu kyadi mutindu Nzambi katulaka beto yawu.
Polo ke na kusiika Nzambi
Beto siika Nzambi, Tata ya Mfumu ya beto Yesu-Klisto. Yandi kele Tata yina ke talaka bantu kyadi, mpe Nzambi yina ke katulaka kyadi ya bantu nyonso. Yandi ke katulaka beto kyadi na bampasi nyonso yina ke kuminaka beto, samu ti beto mpe lenda na kukatula kyadi na bayina nyonso ke talaka bampasi. Beto ke katula bawu kyadi mutindu Nzambi katulaka beto yawu. Ya tsyelika, na mutindu beto ke na kutala mingi bampasi yina Klisto talaka, ni na mutindu yina mpe kyadi ya beto ke lutila na kukatuka na kuvwanda ya kukangama na Klisto. Kana beto ke na kutala mpasi, ya kele samu na kukatula kyadi ya beno, mpe samu na kukeba ya beno. Kana Nzambi ke na kukatula beto kyadi, ya kele samu na kukatula kyadi ya beno, samu ti beno vibidila bampasi yina beto ke na kutala. Na yina, beto kele na kivuvu ya ngolo, mpe beto zaba ti kana beno ke na kukabula bampasi kintwadi na beto, Nzambi mpe ke katula kyadi ya beno kintwadi na beto.
Ya tsyelika, na mutindu beto ke na kutala mingi bampasi yina Klisto talaka, ni na mutindu yina mpe kyadi ya beto ke lutila na kukatuka na kuvwanda ya kukangama na Klisto.
Beno bayina ke zitisaka Yave, beno kembila yandi!
Beno nyonso, bana ya Yakobi, beno kembila yandi!
Beno nyonso, bana ya Isayeli, beno tekita na ntadisi ya yandi!
Ntangu bantu ya kudedama ke lookaka,
Yave ke kuwaka bawu.
Yandi ke katulaka bawu na kati ya bampasi nyonso ya bawu.
Promessas de restauração
Deus sarará o quebrantado de coração e atará as suas feridas. Quem semeia em lágrimas, colherá com júbilo.
Yandi ke belusaka bantima ya bantu yina kele na mpasi
mpe yandi ke nyakisaka bamputa ya bawu.
Beno yimbila Yave,
beno mikwikisi ya yandi,
beno kembila Nkumbu ya yandi ya longo.
Yave yina yidikaka yinza kele na beto
Mukunga ya bana ya Kole yina ba yimbilaka na lutwadusu ya mfumu ya miyimbidi. Ba yimbilaka yawu na nsambi yina ke pesaka ndinga ya fyoti.
Yinwa ya yandi me lutila lembami na mafulu ya miliki,
kasi kaka mambu ya mvita ke na ntima ya yandi.
Mambu yina ke basikaka na yinwa ya yandi,
me lutila lembami na mafuta,
na kutala mbote,
yawu kele mbele ya mvita yina kele ve na kati ya nkutu ya yawu.
Na kusala yimbi, bawu ke na kubanza ti bawu ke vuuka.
Nzambi na nkele ya nge, bwisa bantu yina.
Ni yandi ke fundisaka yinza na ludedomo,
yandi ke fundisaka makanda ya bantu na kusungama nyonso.
Yandi tubaka: Yave mu zola nge, nge kele ngolo ya munu!
Paz e descanso
Jesus disse: 'Vinde a mim, todos os cansados e sobrecarregados, e eu vos aliviarei.' A paz de Deus que excede todo entendimento guarda o coração.
«Beno kwiza na sika ya munu, beno nyonso yina me lemba na kunata bizitu ya dema, mpe mu ke pesa beno mvundulu.
«Beno kwiza na sika ya munu, beno nyonso yina me lemba na kunata bizitu ya dema, mpe mu ke pesa beno mvundulu. Beno ndima lutumu mpe ndongosolo ya munu samu ti mu kele na ntima ya kulembama mpe ya kukuluka. Na yina, beno ke kuzwa mvundulu.
Kyese na bayina ke na kudila,
samu ti Nzambi ke bomba bawu!
Mu ke bikila beno kizunu. Mu ke pesa beno kizunu ya munu. Mu ke pesa beno yawu ve mutindu bantu ya yinza ke pesaka yawu. Beno tala ntima mpasi ve, mpe beno vwanda na boma ve.
Mu me zabisa beno yawu, samu ti beno kuzwa kizunu na munu. Beno ke tala mpasi mingi na yinza, kasi beno vwanda na kibakala, samu ti mu me nunga yinza.»
Beno mpe, ntangu yayi, beno ke na kyadi, kasi beto ke talana dyaka. Na yina, beno ke yangalala, mpe ata muntu ke lenda na kukatula nsayi ya beno.
Beno vwanda na manyongo ve. Kasi bantangu nyonso, beno zabisa bansatu ya beno na Nzambi na kati ya balusambulu nyonso, mpe na kuvutula yandi matondo.
Na yina, kizunu ya Nzambi yina me lutila nyonso yina muntu lenda kuvisa ke bumba bantima mpe mabanza ya beno, samu ti beno kele ya kukwikama na Yesu-Klisto.
Esperança eterna
Deus enxugará toda lágrima. A dor presente é momentânea, mas a glória futura é eterna. O Senhor transforma luto em dança.
Na manima, mu kuwaka ndinga ya ngolo yina wakanaka kisika vwandaka kiti ya kintinu. Yawu tubaka: «Ntangu yayi, Nzambi ke zinga na kati-kati ya bantu! Yandi ke zinga na bawu, mpe bawu ke vwanda bantu ya yandi. Yandi mosi Nzambi ke vwanda Nzambi ya bawu, mpe ke vwanda kintwadi na bawu. Yandi ke kusuna mansangasa nyonso yina kele na meso ya bawu. Bantu ke kufwa dyaka ve, ke vwanda dyaka ve na mawa, ke dila dyaka ve, to ke tala dyaka ve mpasi, samu ti mambu nyonso ya yinza ya ntama ke zimbana.»
Na yina, muntu yina vwandaka ya kuvwanda na zulu ya kiti ya kintinu tubaka: «Ntangu yayi, mu ke sala ti bima nyonso kuma ya malu-malu.» Na manima, yandi zabisaka munu: «Sonika mambu yayi, samu ti mambu ya munu kele ya tsyelika mpe ya kudedama.»
Bika ti Nzambi yina ke pesaka kivuvu, yandi kufulusa beno na kilengi mpe kizunu samu na kiminu yina beno ke salaka na yandi. Na yina, beno ke vwanda ya kufuluka na kivuvu na ngolo ya Mpeve ya Longo.
Beno landa ve bifu ya bantu ya yinza yayi. Kasi beno bika ti Nzambi kukitula beno, mpe kupesa beno mayela ya malu-malu. Na yina, beno ke lenda na kubakula mambu yina Nzambi ke zolaka: mambu ya mbote, ya kitoko, mpe ya kudedama.
Kuvwanda na boma ve,
samu ti mu kele na nge,
kuvwanda na ntalulu ya muntu yina ke na kutekita,
samu ti mu kele Nzambi ya nge,
mu ke syamisa nge,
mu ke kwiza sadisa nge,
ya tsyelika, mu ke simba nge na diboko ya munu ya lubakala yina ke nungisaka.
Ntumwa ya Yave mpe kisalu ya yandi
Mpeve ya Yave Mfumu kele na zulu ya munu,
Yave me soola munu,
yandi me fidisa munu samu na kunata Nsangu ya Mbote na bamputu,
yandi me fidisa munu na kuzabisa nsangu ya kimpwanza na bankole,
samu na kunyakisa bayina bantima me lwala,
samu na kusamuna kimpwanza na bankole,
mpe samu na kupesa kimpwanza na bayina kele ya kukangama na bampanga,
samu na kuzabisa mvula yina Yave ke lakisa bumbote ya yandi,
samu na kuzabisa kilumbu yina Nzambi ya beto ke futisa bambeni ya yandi yimbi ya bawu,
samu na kukindisa bayina ke na bufwidi,
samu na kusadisa bantu ya Siyone yina ke na kati ya kifwidi,
na kutula bawu kidimbu ya nkembo na yintu kasi bombi ve,
samu na kupakula bawu mafuta ya kyese na kisika ya bufwidi,
samu na kulwatisa bawu kinkuti ya nzitusu na kisika ya mpeve ya kondwa kivuvu,
samu ti ba bokila bawu «Telebinte ya ludedomo», «Bilanga ya Yave», samu na kulakisa nkembo ya yandi.
Muntindu mama ke bombaka mwana ya yandi ya bakala,
munu mosi, mu ke bomba beno.
Ya tsyelika na Yelusalemi, ba ke bomba beno.
Nunca sozinhos
Deus nunca nos abandona. Ele está ao nosso lado em cada vale, segura nossa mão e promete que o choro não durará para sempre.
Yandi mosi Yave ke tambula na mantwala ya beno. Yandi mosi yandi ke vwanda na beno. Yandi ke bika beno ve, yandi ke yambula beno ve. Beno vwanda ve na boma. Beno kukima ve.»Musikubanganga-Nzambi
Beno fwana kuvwanda ve na nkadulu ya kuzola mbongo. Beno yangalala na bima yina kele na beno, samu ti yandi mosi Nzambi tubaka: «Mu ke bika nge ve, mu ke kabuka ve na nge.»
Yave kele mbote,
yandi kele kiswamunu na ntangu ya mpasi,
yandi ke bakaka bunkete ya bayina ke bumbamaka na sika ya yandi,
Yave, Nzambi ya nge kele na nge:
Yandi ke na ngolo mpe yandi ke nungisa nge,
yandi kele ya kufuluka na nsayi samu na nge,
luzolo ya yandi samu na nge ke na kupesa nge luzingu ya malu-malu,
yandi ke na kuyangalala mpe ke na kusala milolo ya nsayi samu na nge,
Munu, mu zaba mambu yina mu kubikaka na kusala samu na beno. Ya ke mambu ya ntomosono kasi ya kyadi ve. Mu ke pesa beno luzingu ya mbote mpe kivuvu. Ni Yave me tuba yawu.
Na yina, kana muntu kele kintwadi na Klisto, yandi kele muntu ya malu-malu. Mambu ya ntama me luta, mpe yawu me kuma ya malu-malu.
Na yina, bayina ke talaka mpasi, samu ti bawu ke tumamaka na luzolo ya Nzambi, fwana kutatamana na kusala mambu ya mbote. Bawu fwana kupesa luzingu ya bawu na Kiyidiki ya bawu yina kele ya kukwikama na bansilulu ya yandi.
Na yina, beno kuluka na ntwala ya diboko ya lulendo ya Nzambi, samu ti yandi zangula beno ntangu ngunga yina yandi kubikaka ke lunga. Beno pesa manyongo nyonso ya beno na sika ya Nzambi, samu ti yandi ke sadisaka beno.
Ntangu mu ke tambulaka na mudimba ya mpewo ya lufwa,
mu ke talaka boma ve, samu ti nge kele na munu.
Mukawa na yinti ya nge ya Muvungi ke kebaka munu.
Mu ke lomba na Yave kima mosi,
yina mu ke na yawu nsatu mingi.
Mu zola kuzinga na Yinzo ya Yave bilumbu nyonso ya luzingu ya munu,
samu na kutalaka kitoko ya Yave,
mpe samu na kusikikaka meso ya munu na Yinzo ya yandi.
Samu ti yandi ke kengidila munu na Yinzo ya yandi ya mileba na kilumbu ya kyadi,
yandi ke bumba munu na kiswamunu ya Yinzo ya yandi ya lele,
yandi ke tula munu na zulu ya ditadi ya nene.
Mbombolo ya munu na kati ya mpasi,
ni mambu yina nge tubaka samu ti mu zinga.
Yandi ke zangulaka bayina kele ya kukuluka,
mpe yandi ke kuulaka bayina ke na bufwidi.
Yesu vutulaka: «Ya tsyelika, mu ke na kuzabisa beno: Kana muntu bika yinzo ya yandi, bankazi ya yandi, bibusi ya yandi, mama ya yandi, tata ya yandi, bana ya yandi, mpe bilanga ya yandi samu na munu mpe samu na Nsangu ya Mbote, ke kuzwa na ntangu yayi: bayinzo, bankazi, bibusi, batata, bamama, bana, bilanga, na bankwamusu mpe, kulutila bambala nkama, mpe luzingu ya mankululu na yinza yina ke kwiza.
Mu ke lomba na Tata na kufidisa beno Kisadisi ya nkaka yina ke vwanda na beno seko. Ni Mpeve ya tsyelika yina bantu ya yinza lenda kuyamba ve, samu ti bawu lenda kutala mpe kuzaba yandi ve. Kasi beno, beno zaba yandi, samu ti yandi ke zingaka na beno, mpe yandi ke vwanda na bantima ya beno.
«Mu ke bika beno bansaana ve. Kasi mu ke vutuka na sika ya beno.