Palavras de conforto
Deus é o Deus de todo conforto. Ele consola os que choram, restaura os quebrantados e promete que a dor presente dará lugar à alegria eterna.
O Deus de toda consolação
Bendito seja o Deus e Pai de nosso Senhor Jesus Cristo, Pai das misericórdias e Deus de toda consolação, que nos consola em todas as tribulações.
Polo vutudidi Nzambi matondo
Bika Nzambi kasakumunu, dise di Pfumuꞌeto Yesu Klisto, dise difulukidi mu kiadi ayi Nzambi wumbombanga mu mambu moso. Niandi wukutubombanga mu ziphasi zioso muingi beto mamveto tuba bafuana mu bomba bobo badi mu ziphasi ziphila mu phila banga beto bu tumeni bombo kuidi Nzambi.
Polo vutudidi Nzambi matondo
Bika Nzambi kasakumunu, dise di Pfumuꞌeto Yesu Klisto, dise difulukidi mu kiadi ayi Nzambi wumbombanga mu mambu moso. Niandi wukutubombanga mu ziphasi zioso muingi beto mamveto tuba bafuana mu bomba bobo badi mu ziphasi ziphila mu phila banga beto bu tumeni bombo kuidi Nzambi.
Sumbu ziphasi zi Klisto zidi ziwombo mu beto, buawu bobo mu Klistombombolo eto yididi yiwombo. Enati beto tulembo moni ziphasi ziozi ; buna ziawu zidi mu diambu di lubaka mbombolo ayi phulusu. Enati tulembo bombo, buna diodi didi mu diambu beno mamveno lubaka mbombolo muingi luzaba bu kangila ntima bu luela mona ziphasi banga ziozi tulembo moni.
Diawu diana dieto didi dikuikama mu beno bila tuzebi ti boso bu lummonina ziphasi va kimosi ayi beto, buawu bobo beno mamveno luntambudila mbombolo va kimosi ayi beto.
Sumbu ziphasi zi Klisto zidi ziwombo mu beto, buawu bobo mu Klistombombolo eto yididi yiwombo.
Bila kasia lenza ko ayi kasia kakumukina ko
ziphasi zi mutu widi mu phasi ;
kasia kunsuekila zizi kiandi ko
vayi weti wa yamikina kuandi
bu keti tomba lusadusu.
Yave widi wufikama vadi batu bobo
badi mintima mi kofakana.
Ayi wumvukisanga bobo badi pheve yidi mu kiadi kingolo.
Promessas de restauração
Deus sarará o quebrantado de coração e atará as suas feridas. Quem semeia em lágrimas, colherá com júbilo.
Niandi weti belusa mintima mi kosakana
ayi wunkanganga ziphasima mu ziphuta ziawu.
Bila nganzi andi yizingilanga mu ndambu thangu kaka.
Vayi nlemvo andi wunzinganga mu zithangu zioso ;
bidilu bilenda kuiza va builu ;
vayi khini yinkuizanga va nsuka.
Nzambi widi suamunu kieto
Nzambi niandi suamunu kieto
ayi zingolo zieto ;
niandi nsadisi wu zithangu zioso mu ziphasi.
Yekula bizitu biaku kuidi Yave,
niandi wela kukindisa ; kalendi tala ko
ti mutu wusonga kabua.
Sonika maniongo mama
Lunda matsuela mama mu khutu aku.
Masi ko mu lutangu luaku e ?
Yave niandi suamunu ki mutu weti yamusu ;
suamunu kingolo mu thangu yi ziphasi.
A Yave, niandi ditadi diama,
tinunu kiama ki ngolo,
ayi ngeyo nkudi ama.
Nzambi ama, niandi ditadi diama ;
mu niandi ndintombila suamunu,
niandi nkaku ama, ayi phoka yi phulusu ama,
ayi tinunu kiama ki zangama.
Paz e descanso
Jesus disse: 'Vinde a mim, todos os cansados e sobrecarregados, e eu vos aliviarei.' A paz de Deus que excede todo entendimento guarda o coração.
Yizanu kuidi minu beno boso bobo luvongidi ayi luneti mimfuna, minu mandi luvundisa.
Yizanu kuidi minu beno boso bobo luvongidi ayi luneti mimfuna, minu mandi luvundisa. Bika lubonga vangu kiama, lulonguka kuidi minu bila minu ndidi mutu wu ntima wulembami ayi wukuluka ayi ma lubaka luvundulu mu miela mieno.
Khini kuidi bawu bandila bila bela bombo.
Minu ndilubikidi ndembama ayi ndiluveni ndembama yama. Minu ndikadi kuluvana banga bueta vanina nza. Mintima mieno mibika ba kiadi ayi mibika mona tsisi.
Ndilukembi mambu mama muingi lutambula ndembama mu minu. Luela yamusu va nza vayi luba bukhafi bila minu ndungini nza.
Beno mamveno, buabu mu phasi lueka vayi ndiela buela kulumona ayi mintima mieno miela mona khini ayi kuisi ko mutu wela kuluziona khini eno.
Lubika banga mayindu kani mu diambu dimosi ; vayi mu mambu moso bikaluzabikisa zitsatu zieno kuidi Nzambi mu lusambulu ayi mu zindombolo va kimosi ayi phutudulu matondo.
Buna ndembama yi Nzambi, yoyi yiviokidi diela dioso, yela keba mintimamieno ayi mayindu meno mu Klisto Yesu.
Esperança eterna
Deus enxugará toda lágrima. A dor presente é momentânea, mas a glória futura é eterna. O Senhor transforma luto em dança.
Buna ndiwa mbembo yingolo, yitotukila mu kundu, yiwakana :
Tala nzo yi Nzambi yidi va kimosi ayi batu ;
Niandi wela vuanda yawu va kimosi ;
bela ba batu bandi ayi niandi veka Nzambi, Nzambi awu ;
wela ba yawu va kimosi.
Nzambi wela fiona matsuela moso mu meso mawu
ayi lufua lulendi buela ba ko ;
kiadi ki lufua kilendi buela ba ko,
bidilu ayi ziphasi bilendi buela ba ko
bila mambu ma theti maviokidi.
Buna mutu wowo wuvuanda va kundu wutuba :
—Tala, ndieka kitula bima bioso bimona.
Niandi wubuela diaka :
—Sonika bila mambu mama madi makuikama ayi ma kiedika.
Bika Nzambi, tho yi diana, kalu wesa mu khini yoso ayi mu ndembama mu diambu di minu kioki luidi mu niandi muingi diana diba diwombo mu beno mu lulendo lu Pheve Yinlongo.
Lubika vukumukina mambu ma thangu yayi, vayi bika lukituka bamona mu mayindu meno muingi lubaka bu sudikila luzolo lu Nzambi : mu zaba mambu mamboti, momo meti kummonisa khini ayi mambu mafuana.
Nunca sozinhos
Deus nunca nos abandona. Ele está ao nosso lado em cada vale, segura nossa mão e promete que o choro não durará para sempre.
Bika khadulu eno yibika diatusu kuidi luzolo lu zimbongo. Monanganu khini mu bima bibi bidi yeno bila niandi veka Nzambi wutuba ti : Ndilendi kuyekula ko, ndilendi ku loza ko !
Diawu enati mutu widi mu Klisto, buna wuyikidi vangu kimona ; mambu momo makhulu maviokidi vayi mambu mamoso meka mamona.
Diawu batu bobo balembo moni ziphasi mu luzolo lu Nzambi, buna bika bakiyekula kuidi mvangi, niandi widi wukuikama ; ayi bika batatamana vanganga mamboti.
Diawu bika lukikulula ku tsi koko ku lulendo lu Nzambi muingi kalunangika mu thangu yifuana.
Zikhindusu
Bika lunyekudila mayindu meno bila niandi veka wukulubanzilanga.
Ka diambu ko ndilenda diata
mu ndimba tombi ki lufua,
buna ndilendi mona mbimbi tsisi ko
bila ngeyo widi yama.
Nkawa aku ayi nti aku,
biawu bi kumbombanga.
Kima kimosi ndilomba kuidi Yave,
kiawu ndintomba :
Thidi vuanda mu bilumbu bioso bi luzingu luama mu nzo Yave,
mu diambu nditalanga kitoko ki Yave
ayi mu diambu ndintombannga mu nzo andi.
Bila mu lumbu ki ziphasi
wela ku kheba mu luvovomo mu buangu kiandi kamvuandanga ;
wela kutsueka ku tsi Nzoꞌandi yi ngoto ;
wela kuthedimisa va ditadi di ngolo.
Mbombolo ama mu ziphasi ziama yawu yayi :
tsilꞌaku yeti kitula luzingu luama lumona.
Yesu wumvutudila :
—Bukiedika ndikulukamba, kadi mutu wumosi wubikidi nzo, bakhomba bandi zi babakala, bakhomba bandi zi baketo, ngudi andi ; dise diandi, bana bandi voti zitsola ziandi mu diambu diama ayi mu diambudi Nsamu Wumboti, Wela kambu baka mu thangu yayi yi tuidi : zinzo, bakhomba zi babakala ayi zi baketo, zingudi, bana ayi zitsola va kimosi ayi yamusu vioka zikhama zi zikhumbu. Bosi mu thangu yela kuiza, wela baka luzingu lukalumani.
Ndiela leba Tata ayi wela kuluvana mbombi wunkaka muingi kakalanga yeno mu zithangu zioso ; niandi Pheve yi kiedika. Nza yilendi tambula Pheve beni ko, bila nza yilendi kuyimona ko ayi kasi yizaba ko vayi beno luyizebi bila yidi yeno ayi yela ba mu beno.
Ndilendi kulubika banga bana basana ko vayi ndiela kuiza kuidi beno.