Palavras de conforto
Deus é o Deus de todo conforto. Ele consola os que choram, restaura os quebrantados e promete que a dor presente dará lugar à alegria eterna.
O Deus de toda consolação
Bendito seja o Deus e Pai de nosso Senhor Jesus Cristo, Pai das misericórdias e Deus de toda consolação, que nos consola em todas as tribulações.
परमेशरो शूकर करनअ
म्हारै परमेशरो अर प्रभू ईशू मसीहे बाबो शूकर, ज़ुंण हाम्हां लै झींण करनै आल़अ अर सोभी रंगे शांती दैणैं आल़अ परमेशर आसा। सह दैआ म्हारी सोभी खरी दी हाम्हां लै शांती ताकि हाम्हैं बी तिहै ई होरी लै शांती दैई सके। ज़ेभै तिंयां खरी दी होए पल़ै दै तेभै लोल़ी हाम्हैं बी तिन्नां लै शांती दैणैं आल़ै हुऐ ज़ेही परमेशर हाम्हां लै शांती दैआ।
परमेशरो शूकर करनअ
म्हारै परमेशरो अर प्रभू ईशू मसीहे बाबो शूकर, ज़ुंण हाम्हां लै झींण करनै आल़अ अर सोभी रंगे शांती दैणैं आल़अ परमेशर आसा। सह दैआ म्हारी सोभी खरी दी हाम्हां लै शांती ताकि हाम्हैं बी तिहै ई होरी लै शांती दैई सके। ज़ेभै तिंयां खरी दी होए पल़ै दै तेभै लोल़ी हाम्हैं बी तिन्नां लै शांती दैणैं आल़ै हुऐ ज़ेही परमेशर हाम्हां लै शांती दैआ।
ज़िहै हाम्हैं मसीहे दुखा दी खास्सै साझ़ू हआ, तिहै ई हआ हाम्हैं शांती दी बी मसीहा संघै साझ़ू। ज़ै हाम्हां दुख भेटा, तिंयां आसा थारी शांती अर उद्धारे तैणीं अर ज़ै सुख भेटा, सह बी आसा थारी शांतीए तैणीं! तेतो हआ तम्हां दी इहअ असर कि तम्हैं ज़िरा सबर डाही करै तिन्नां दुख-सांगटा बी ज़ेता हाम्हैं बी आऐ ज़िरदी। म्हारी आसा थारै बारै पाक्की अटल़ आशा, किल्हैकि हाम्हां का आसा थोघ कि ज़िहै तम्हैं म्हारै दुखा दी साझ़ू आसा, तिहै ई आसा शांती अर सुखा दी बी हाम्हां संघै साझ़ू।
ज़िहै हाम्हैं मसीहे दुखा दी खास्सै साझ़ू हआ, तिहै ई हआ हाम्हैं शांती दी बी मसीहा संघै साझ़ू।
सह निं दुखी मणछा बृथा समझ़दअ अर नां तिन्नां लै नफरत करदअ,
सह निं तिन्नां बाखा पिठ फरेऊंदअ,
सह हेरा तिन्नें लेर-पकार शूणीं।
ज़हा मणछो हैअ चुटअ बिधाता हआ तिन्नां नेल़,
ज़हा किछ़ै आशा निं रही, तिन्नां बच़ाऊआ बिधाता आप्पै।
Promessas de restauração
Deus sarará o quebrantado de coração e atará as suas feridas. Quem semeia em lágrimas, colherá com júbilo.
बिधाता करा दुखी दिला आल़ै नरोगै,
सह करा तिन्नें देहीए ज़खमा दी मल्हम लाई नरोगै।
तेरअ रोश्श हआ थोल़ी घल़ी लै,
पर तेरी झींण रहा सारी ज़िन्दगी।
इहअ सका हई कि राची छ़ुटी होए केभै लेरा बी,
पर दोत्ती जाआ खुशी भेटी।
म्हारी शरण लणें ज़ैगा आसा परमेशर
म्हारअ बल अर शरण लणें ज़ैगा आसा परमेशर,
खरीए पलका करा सह ई म्हारी मज़त सदा।
हे बिधाता, हाम्हैं आसा तेरै,
हाम्हैं खोज़ा आपणीं खरी ताखा
अर तूह निं धर्मीं मणछा हारनै दैंदअ।
भाल़, ताखा आसा थोघ कि मुल्है केही आफ़त आसा पल़ी दी,
तंऐं आसा मेरी लेर-पकारो साब-कताब डाहअ द,
हाँ, तंऐं आसा सोभै गल्ला आपणीं कताबा दी डाही दी लिखी।
रैनै-गरीबा लै शरण आसा तूह बिधाता ई,
किल्हैकि आफ़तीए पलका लुक्कणा लै ज़ैगा आसा तिन्नां का तूह बिधाता ई।
तूह परमेशर बिधाता आसा मुल्है बडी टोल्हा अर मुंह फेर उछ़टै गहल़ा ज़िहअ
ज़ेथ पिछ़ू शरण लई हुंह बच़ी रहा।
तूह बच़ाऊआ मुंह ढाल़ा ज़िहअ,
मेरी फाज़त करा तूह ई
अर तूह डाहा मुंह राज्ज़ी-राम्बल़ै बच़ाऊई।
Paz e descanso
Jesus disse: 'Vinde a mim, todos os cansados e sobrecarregados, e eu vos aliviarei.' A paz de Deus que excede todo entendimento guarda o coração.
"तम्हैं सोभै एछा मुंह सेटा लै ज़ुंण शास्त्री अर सैणैं खोज़ै दै बधाना मनणे भरपूर कोशिश करा, ज़ुंण तम्हां प्रैंदै बोझ़ आसा हुंह दैंऊं तम्हां लै तिन्नां सोभी गल्ला का बशैघ।
"तम्हैं सोभै एछा मुंह सेटा लै ज़ुंण शास्त्री अर सैणैं खोज़ै दै बधाना मनणे भरपूर कोशिश करा, ज़ुंण तम्हां प्रैंदै बोझ़ आसा हुंह दैंऊं तम्हां लै तिन्नां सोभी गल्ला का बशैघ।
"मेरअ जूँ जोचा आपणैं कैल़ै, संघा शिखल़ा मुखा सत्त। हुंह आसा झणैल़ू अर मानदार। मुंह करनी थारी मज़त, तेखअ भेटणीं थारै शाह शांती।
परमेशर दैआ तिन्नां लै बर्गत ज़हा एभै शोग आसा पल़अ द,
तिन्नां लै भेटणीं शांती।
"हुंह दैंऊं तम्हां लै शांती, ज़िहअ संसारे मणछ फिकर दैआ, तिहअ निं हुंह तम्हां लै दैंदअ, मुंह दैणीं तम्हां लै आपणीं शांती ताकि थारअ मन्नैं फिकर नां पल़े अर नां डरे।
"ईंयां गल्ला बोली मंऐं तम्हां का तै कि तम्हां मुंह दी शांती भेटे, संसारै हआ तम्हां भारी कष्ट, पर हैअ डाहै, मंऐं हेरअ संसार ज़िती।"
"तम्हां बी आसा एभै शोग, पर हुंह एछणअ तम्हां सेटा लै भिई अर तम्हैं हणैं तेभै खुश अर तैहा खुशी निं तम्हां का कोहै छ़ड़ैऊई सकदअ।
किछ़ू गल्लो फिकर निं करी, पर हर गल्ला लै करनी परमेशरा का प्राथणां। ज़ुंण थारी ज़रुरत आसा सह खोज़णीं परमेशरा का, अर ज़ुंण बी तेऊ तम्हां लै किअ करनअ तेऊओ शूकर।
तेखअ डाहणैं परमेशरे शांती ज़ुंण सोभी मणछे समझ़ा का बागै आसा थारै दिल अर थारै बच़ार मसीहा ईशू दी बच़ाऊई।
Esperança eterna
Deus enxugará toda lágrima. A dor presente é momentânea, mas a glória futura é eterna. O Senhor transforma luto em dança.
तेखअ शूणअ मंऐं राज़गाद्दी सेटा का एक ज़ोरै इहअ बोल्दअ, "भाल़, एभा पोर्ही बस्सणअ परमेशर मणछा जैंदरी, अर तेऊ करनअ तिन्नां मांझ़ै बसेरअ, अर तिंयां हणैं तेऊए परज़ा अर परमेशरा रहणअ आप्पू ई तिन्नां संघै अर सह ई हणअ तिन्नों परमेशर।
"तेऊ टुशणैं तिन्नें आछिए आशू, अर तेखअ निं कधि मौत एछणी अर नां शोग अर नां लेरा-पकारा अर नां दाह दुख। पैहलै संसारै ज़ुंण गल्ला ती, तिंयां सोभै गल्ला हणीं खतम।"
ज़ुंण राज़गाद्दी प्रैंदै त बेठअ द, तेऊ बोलअ इहअ, "भाल़, मंऐं लाई सोभै गल्ला नऊंईं करी।" तेखअ बोलअ तेऊ इहअ, "इना गल्ला लिख, किल्हैकि ईंयां बैण आसा विश्वास करनै जोगी अर शुचै।"
हुंह करा परमेशरा का अरज़ ज़ुंण आशा दैणैं आल़अ आसा, तम्हैं ज़ै विश्वास डाहे, तम्हैं लोल़ी तेऊ सोभी रंगे नंद अर शांती करै भरी दैनै, ताकि पबित्र आत्में शगती संघै थारी आशा बढदी रहे।
एऊ संसारे मणछा ज़िहै निं हआ, थारै मन्नां बदल़णैं संघै लोल़ी थारअ च़ाल-च़लण इहअ ठीक हुअ ज़िहअ परमेशर च़ाहा। ताकि तम्हैं इहै काम करे ज़ुंण ज़ेता करै परमेशर खुश हअ अर ज़ुंण काम भलै अर सिध्द आसा।
तम्हैं निं डरी आथी, तम्हां संघै आसा हुंह!
हुंह आसा थारअ परमेशर, तम्हां निं कोही का डरने ज़रुरत आथी!
तम्हां लै बल दैणअ मुंह अर थारी मज़त बी करनी मुंह।
तम्हैं नढैऊणैं मुंह हाथै ढाकी संघा डाहणैं बच़ाऊई।
उद्धार हणैंओ खुशीओ समाद
मालक बिधाता पाई मुंह दी आपणीं आत्मां।
तेऊ छ़ांटअ हुंह संघा छ़ाडअ हुंह
रैनै-गरीबा लै खुशीए समादा खोज़दअ,
दुखी दिले मणछा नरोगै करदअ अर
कैद किऐ दै मणछा अर गलाम हुऐ दै मणछा लै
आज़ाद हणें खुशीए खबर खोज़दअ।
तेऊ छ़ाडअ हुंह सोभी का इहअ खोज़दअ कि
इहअ बगत गअ पुजी ज़ेभै बिधाता आपणीं परज़ा बच़ाऊंणी
अर आपणैं दुशमणा का बदल़अ लणअ।
तेऊ छ़ाडअ हुंह तिन्नां सोभी लै शांती दैंदअ ज़हा शोग आसा पल़अ द,
अर तिन्नां लै दुखे बदल़ै खुशी अर नंद दैंदअ अर
दुखे लामणे ज़ैगा ज़ै-ज़ैकार करने गिहा बोल्दअ ज़ुंण
सियोन नगरी शोग करदै आसा लागै दै।
तिंयां आसा इहै बडै-बडै बूटा ज़िहै ज़ुंण
बिधाता आपणैं हाथै आसा रोहै दै।
तिन्नां करनीं सोभ गल्ला भली ई अर
ज़ुंण बिधाता किअ, तेता लै हणीं तेऊए सर्राफी।
ज़ेही माआ आपणैं शोहरू रबाल़ा, तिहै रबाल़णै मुंह तम्हैं। तम्हां भेटणीं एरुशलेम नगरी शांती।
Nunca sozinhos
Deus nunca nos abandona. Ele está ao nosso lado em cada vale, segura nossa mão e promete que o choro não durará para sempre.
बिधाता पजैल़णैं तैहा ज़ैगा तम्हैं आप्पै अर तेऊ निं तम्हैं कल्ही छ़ाडणैं, तूह निं आपणैं दुशमणा का डरी अर नां हैअ चोल़ी।"
थारअ सभाब निं ढब्बैओ मांण करनै आल़अ लोल़ी हुअ। ज़ुंण तम्हां का आसा तेता ई दी रहा खुश। किल्हैकि परमेशरै आसा आप्पै इहअ बोलअ द,
"मुंह निं तम्हैं कधि कल्ही शोटणै
अर हुंह निं तम्हां लै दैणअ कधि बिस्सरदअ।"
बिधाता आसा भलअ,
सह करा आफ़ते पलका आपणीं परज़े फाज़त।
सह दैआ तिन्नां लै शरण ज़ुंण तेऊ बाखा फिरा।
थारअ परमेशर बिधाता आसा तम्हां संघै।
सह आसा बलबान अर तेऊ हेरनै तम्हैं बच़ाऊई।
तेऊ हणीं तम्हां करै खास्सी खुशी! सह झ़ूरा च़ुपच़ाप तम्हां लै।
तेऊ बोल़णीं गिह किल्हैकि सह आसा तम्हां करै खास्सअ खुश।"
ज़ुंण मंऐं थारै बारै सोठी आसा डाहअ द, तेते बारै ज़ाणा सिधअ हुंह, मेरी सोठ आसा थारै भलाईए तैणीं, सह निं थारी हान्नी करने आथी। मेरी सोठ हणीं एही ज़ेथ आजू तम्हां आशा रहे।
तै ज़ै ज़ुंण कुंण मसीहा दी विश्वास करा, सह आसा नऊंईं देही पराणीं गल्ला गई बिति भाल़ा, सोभै गल्ला हुई नऊंईं।
तैही ज़हा तिहअ दुख भेटअ ज़िहअ परमेशर च़ाहा तिन्नां लागा सदा तेऊ परमेशरा दी भरोस्सअ डाहणअ ज़ुंणी तिंयां बणाऐं दै आसा। परमेशर करा सदा तिहअ ई ज़िहअ सह बोला। इहअ करै रहा हर बगत भलै करदै लागी
तैही रहा परमेशरा सम्हनै सादै-सिधै ज़हा का थारी फाज़त करनैओ बल आसा। ताकि सह थारअ तैहा धैल़ी अदर करे ज़ुंण तेऊ काढी आसा डाही दी। अर आपणीं सारी फिकर छ़ाडा तेऊ दी, किल्हैकि तेऊ आसा थारअ धैन-खैल।
ज़ै हुंह नटिप्प न्हैरै बाती बी हांढे,
हुंह निं तेथ बी डरदअ किल्हैकि
तूह बिधाता हआ मुंह संघा।
तेरी कुंगल़ी चुंडीए शोठी करा मेरी फाज़त।
मंऐं मांगअ बिधाता का एक्कै बरदान,
हुंह च़ाहा सिधअ इहअ कि
मुंह रहणअ सारी ज़िन्दगी बिधाते घअरै,
ताकि हुंह तिधी कबल्ली बिधाते महान भलाई भाल़ूं
अर बिधाता का हर बगत सलाह मांगूं।
ज़ेभै मुंह आफ़त पल़े, तेभै हणअ सह मेरअ आसरअ,
तेऊ डाहणअ हुंह आपणैं घअरै राज्ज़ी-राम्बल़अ अर
तेऊ डाहणअ हुंह बडी टोल्हा प्रैंदै बच़ाऊई।
तेता ई करै भेटा मुंह खरीए पलका हैअ,
किल्हैकि तेरअ बैण दैआ मुल्है ज़िन्दगी।
सह आसा परमेशर ई ज़ुंण भोल़ै मणछा उछ़टै दी बशैल़ा,
ज़हा शोग हुअ पल़अ द, तेऊ लै आणा सह खुशी।
ईशू बोलअ तिन्नां लै, "हुंह खोज़ा तम्हां का सत्त कि तिंयां सोभ ज़ुंणी मेरै अर खुशीए समादे तैणीं आपणैं भाई-बैहणी, आपणैं ईज-बाब, लान्हैं-सुन्हैं अर आपणैं घअर, खेचा-खहल़ा छ़ाडी मुंह पिछ़ू आअ द होए
"तिन्नां भेटणअ ऐहा ज़िन्दगी दी तेता का बी खास्सअ फल ज़ुंण तिन्नां का संसारै पिछ़ू छ़ुटअ। ज़ुंण तिन्नैं मुंह पिछ़ू टबर, भाई-बैहणी, ईज-बाब, शोहरू-माठै आल़ै अर खेचा-खहल़ा दी मुंह पिछ़ू दाह-दुख ज़िरे, काल्ला धैल़ी भेटणीं तिन्नां सदा रहणैं आल़ी ज़िन्दगी।
मुंह करनी आपणैं बाब परमेशरा का अरज़ कि तम्हां लै छ़ाड एक होर मज़त करनै आल़अ, ज़ुंण सदा तम्हां संघै रहे। पबित्र आत्मां ज़हा परमेशरे बारै सत्त प्रगट करनअ। पबित्र आत्मां निं संसार मनी सकदअ। किल्हैकि सह निं तिन्नां का शुझणअ अर नां तिंयां बछ़ैणदै आथी, सह आत्मां हणअ तम्हां दी अर तम्हैं बछ़ैणा तेऊ अर सह रहा तम्हां संघै।
"मुंह निं तम्हैं कधि इहै कल्ही डाहणैं कि थारी हेरा-सभाल़ा लै निं कोहै होए! हुंह एछणअ तम्हां सेटा लै आप्पै बापस फिरी।