3 మన యేసు క్రీస్తు ప్రభువుకు తండ్రియైన దేవునికి కృతజ్ఞతలు చెల్లింద్దాము. మన తండ్రి కనికరం గలవాడు. సమస్త అన్ని విధాలా ఆదరణనిచ్చే దేవుడు. 4 దేవుడు మనల్ని ఏ ఆదరణతో ఆదరిస్తున్నారో, అదే ఆదరణతో అలాంటి కష్టాల్లో ఉన్నవారిని ఆదరించగలిగేలా ఆయన మమ్మల్ని ఆదరిస్తున్నారు.

3 మన యేసు క్రీస్తు ప్రభువుకు తండ్రియైన దేవునికి కృతజ్ఞతలు చెల్లింద్దాము. మన తండ్రి కనికరం గలవాడు. సమస్త అన్ని విధాలా ఆదరణనిచ్చే దేవుడు. 4 దేవుడు మనల్ని ఏ ఆదరణతో ఆదరిస్తున్నారో, అదే ఆదరణతో అలాంటి కష్టాల్లో ఉన్నవారిని ఆదరించగలిగేలా ఆయన మమ్మల్ని ఆదరిస్తున్నారు. 5 క్రీస్తు శ్రమలలో మనం ఎంత ఎక్కువ భాగం పంచుకున్నామో క్రీస్తు ఆదరణ కూడా అంతే ఎక్కువగా మనకు కలుగుతుంది. 6 మేము శ్రమపడడం మీకు ఆదరణ కోసం రక్షణ కోసమే. ఆదరణ లభిస్తే అది మీ కొరకే కాబట్టి మేము పడిన కష్టాలను మీరు కూడా ఓపికతో భరించడానికి శక్తి లభిస్తుంది. 7 మీరు మా కష్టాల్లో పాలివారైనట్లే ఆదరణలో కూడా పాలుపంచుకుంటారని మాకు తెలుసు. కాబట్టి మీలో మా నిరీక్షణ స్థిరంగా ఉంది.

5 క్రీస్తు శ్రమలలో మనం ఎంత ఎక్కువ భాగం పంచుకున్నామో క్రీస్తు ఆదరణ కూడా అంతే ఎక్కువగా మనకు కలుగుతుంది.

24 బాధితుల శ్రమను ఆయన తృణీకరించలేదు

వారిని చూసి అసహ్యపడలేదు;

ఆయన ముఖం వారి నుండి దాచలేదు.

ఆయన వారి మొర ఆలకించారు.

18 విరిగిన హృదయం గలవారికి యెహోవా సమీపంగా ఉంటారు.

ఆత్మలో నలిగినవారిని ఆయన రక్షిస్తారు.

3 విరిగిన హృదయం గలవారిని బాగుచేస్తారు.

వారి గాయాలను నయం చేస్తారు.

5 ఆయన కోపం క్షణికం,

కాని ఆయన దయ జీవితాంతం వరకు ఉంటుంది;

రాత్రంతా దుఃఖం ఉన్నప్పటికీ,

ఉదయాన్నే ఆనంద కలుగుతుంది.

1 దేవుడు మనకు ఆశ్రయం బలం,

ఇబ్బందిలో ఎప్పుడు ఉండే సహాయం

22 మీ భారాన్ని యెహోవాపై మోపండి

ఆయన మిమ్మల్ని సంరక్షిస్తారు;

నీతిమంతులను ఆయన ఎన్నడు కదలనివ్వరు.

8 నా బాధలను లెక్కించండి;

నా కన్నీటిని మీ తిత్తిలో నింపండి

అవి మీ గ్రంథంలో వ్రాయబడలేదా?

9 అణచివేయబడిన వారికి యెహోవా ఆశ్రయం,

కష్ట సమయాల్లో బలమైన కోట.

2 యెహోవా నా కొండ, నా కోట నా విమోచకుడు;

నా దేవుడు నేను ఆశ్రయించే నా కొండ,

నా డాలు* నా రక్షణ కొమ్ము*, నా బలమైన కోట.

28 "భారం మోస్తూ అలసిపోయిన వారలారా! మీరందరు నా దగ్గరకు రండి, నేను మీకు విశ్రాంతిని ఇస్తాను.

28 "భారం మోస్తూ అలసిపోయిన వారలారా! మీరందరు నా దగ్గరకు రండి, నేను మీకు విశ్రాంతిని ఇస్తాను. 29 నేను సౌమ్యుడను, వినయ హృదయం గలవాడను కాబట్టి నా కాడి మీమీద ఎత్తుకుని నా దగ్గర నేర్చుకోండి, అప్పుడు మీ ఆత్మలకు విశ్రాంతి దొరుకుతుంది.

4 దుఃఖించే వారు ధన్యులు,

వారు ఓదార్చబడతారు.

27 నా సమాధానాన్ని మీతో వదిలి వెళ్తున్నాను; నా సమాధానాన్ని మీకు ఇస్తున్నాను. నేను ఈ లోకం ఇచ్చినట్టుగా ఇవ్వడం లేదు మీ హృదయాలను కలవరపడనీయకండి, భయపడకండి.

33 "ఈ లోకంలో మీకు శ్రమలు కలుగుతాయి. అయినా ధైర్యం తెచ్చుకోండి! ఎందుకంటే నేను లోకాన్ని జయించాను. నాలో మీకు సమాధానం ఉండాలని ఈ సంగతులను మీకు చెప్పాను" అన్నారు.

22 మీ విషయంలో కూడా అంతే; మీకు ఇది దుఃఖ సమయం, కాని నేను తిరిగి మిమ్మల్ని చూసినప్పుడు మీ హృదయాంతరంగంలో నుండి ఆనందిస్తారు. ఆ ఆనందాన్ని మీ దగ్గర నుండి ఎవ్వరూ తీసివేయలేరు.

6 దేన్ని గురించి వేదన పడకండి, కాని ప్రతి విషయంలో ప్రార్థనావిజ్ఞాపనల చేత కృతజ్ఞతా పూర్వకంగా మీ విన్నపాలను దేవునికి తెలియజేయండి.

7 అప్పుడు సమస్త జ్ఞానానికి మించిన దేవుని సమాధానం యేసు క్రీస్తు వలన మీ హృదయాలను మీ తలంపులను కాపాడుతుంది.

3 అప్పుడు దేవుని సింహాసనం నుండి ఒక గొప్ప స్వరం, "ఇదిగో, దేవుని నివాసం ఇప్పుడు మనుష్యుల మధ్యలో ఉంది, ఆయన వారితో నివసిస్తారు. అప్పుడు వారు ఆయన ప్రజలై ఉంటారు. దేవుడు తానే వారితో ఉంటూ వారికి దేవుడై ఉంటారు. 4 ‘ఆయన వారి ప్రతి కన్నీటి చుక్కను తుడిచివేస్తారు. మొదటి సంగతులు గతించి పోయాయి కాబట్టి అక్కడ చావు* ఉండదు, దుఃఖం గాని ఏడ్పు గాని బాధ గాని ఎన్నడూ ఉండదు’ " అని చెప్తుంటే నేను విన్నాను.

5 అప్పుడు సింహాసనం మీద కూర్చుని ఉన్న దేవుడు, "ఇదిగో, సమస్తాన్ని నూతనపరుస్తున్నాను" అని చెప్పి, "ఈ మాటలు నమ్మదగినవి సత్యమైనవి కాబట్టి వీటిని వ్రాసి పెట్టు" అన్నారు.

13 పరిశుద్ధాత్మ శక్తిచేత మీరు అత్యధికమైన నిరీక్షణను కలిగి ఉండేలా నిరీక్షణకర్తయైన దేవుడు, మీరు ఆయనలో నమ్మకముంచిన ప్రకారం మిమ్మల్ని సంతోషంతో సమాధానంతో నింపును గాక.

2 ఈ లోకపు తీరును అనుసరించవద్దు కాని మీ మనస్సును నూతనపరచుకోవడం ద్వారా మార్పు చెందండి. అప్పుడు మీరు మంచిదైన, సంతోషకరమైన పరిపూర్ణమైన దేవుని చిత్తమేదో పరీక్షించి తెలుసుకోగలరు.

10 కాబట్టి భయపడకు, నేను నీకు తోడుగా ఉన్నాను;

దిగులుపడకు, నేను నీ దేవుడను.

నేను నిన్ను బలపరచి నీకు సహాయం చేస్తాను;

నీతిగల నా కుడిచేతితో నిన్ను ఆదరిస్తాను.

1 ప్రభువైన యెహోవా ఆత్మ నా మీద ఉన్నది.

బీదలకు సువార్త ప్రకటించడానికి

యెహోవా నన్ను అభిషేకించారు.

విరిగిన హృదయం గలవారిని బలపరచడానికి

బందీలకు విడుదలను

ఖైదీలకు చీకటి నుండి విముక్తిని ప్రకటించడానికి,

2 యెహోవా హితవత్సరాన్ని,

మన దేవుని ప్రతీకార దినాన్ని ప్రకటించడానికి

దుఃఖిస్తున్న వారందరినీ ఓదార్చడానికి,

3 సీయోనులో దుఃఖిస్తున్న వారికి

బూడిదకు బదులుగా

అందమైన కిరీటాన్ని

దుఃఖానికి బదులు

ఆనంద తైలాన్ని

భారమైన ఆత్మకు బదులు

స్తుతి వస్త్రాన్ని అందించడానికి నన్ను పంపారు.

యెహోవా తన వైభవాన్ని కనుపరచడానికి,

నీతి అనే సింధూర చెట్లని

యెహోవా నాటిన చెట్లని వారు పిలువబడతారు.

13 తల్లి తన బిడ్డను ఆదరించినట్లు

నేను మిమ్మల్ని ఆదరిస్తాను.

యెరూషలేములోనే మీరు ఆదరించబడతారు."

8 యెహోవాయే స్వయంగా మీ ముందు వెళ్తారు మీతో ఉంటారు; ఆయన నిన్ను ఎన్నడూ వదిలేయరు, నిన్ను చేయి విడువరు. భయపడవద్దు; నిరుత్సాహపడవద్దు."

5 మీ జీవితాలను ధన వ్యామోహానికి దూరంగా ఉంచండి, మీ దగ్గర ఉన్నదానితో సంతృప్తి చెందండి, ఎందుకంటే దేవుడు ఇలా అన్నాడు,

"నేను నిన్ను ఎన్నడు విడిచిపెట్టను;

నిన్ను ఎన్నడు త్రోసివేయను."*

7 యెహోవా మంచివారు,

ఆపద సమయాల్లో ఆశ్రయం ఇస్తారు.

ఆయన మీద నమ్మకముంచే వారిపట్ల ఆయన శ్రద్ధ చూపుతారు.

17 నీ దేవుడైన యెహోవా,

రక్షించే పరాక్రమశాలి నీకు తోడుగా ఉన్నారు.

ఆయన నిన్ను చూసి చాలా సంతోషిస్తారు;

ఆయన తన ప్రేమను బట్టి ఆయన ఇకపై నిన్ను గద్దించరు,

పాడుతూ నిన్ను చూసి సంతోషిస్తారు."

11 ఎందుకంటే మీ కోసం నేను ఏర్పరచుకున్న ప్రణాళికలు నాకు తెలుసు" అని యెహోవా అంటున్నారు. "అవి మిమ్మల్ని అభివృద్ధి చేయడానికి, రాబోయే కాలంలో మీకు నిరీక్షణ కలిగించే సమాధానకరమైన ఉద్దేశాలే గాని మీకు హాని కలిగించడానికి కాదు.

17 కాబట్టి ఎవరైనా క్రీస్తులో ఉంటే, వారు నూతన సృష్టి; పాతవి గతించాయి, క్రొత్తవి మొదలయ్యాయి!

19 కాబట్టి, దేవుని చిత్తప్రకారం బాధలు అనుభవించేవారు మంచి కార్యాలను కొనసాగిస్తూ, నమ్మకమైన సృష్టికర్తకు తమ ఆత్మలను అప్పగించుకోవాలి.

6 దేవుని బలమైన చేతి క్రింద మిమ్మల్ని మీరు తగ్గించుకోండి అప్పుడు తగిన సమయంలో ఆయన మిమ్మల్ని హెచ్చిస్తారు. 7 ఆయన మీ గురించి చింతిస్తున్నారు కాబట్టి మీ చింతలన్ని ఆయనపై మోపండి.

4 మృత్యు నీడలా ఉన్న లోయలో*

నేను నడిచినా,

ఏ కీడుకు భయపడను,

ఎందుకంటే మీరు నాతో ఉన్నారు;

మీ దండం మీ చేతికర్ర

నన్ను ఆదరిస్తాయి.

4 యెహోవాను ఒకటి అడిగాను,

నేను కోరింది ఇదే;

యెహోవా ప్రసన్నతను చూస్తూ

ఆయన మందిరంలో ఆయనను వెదకుతూ

నా జీవితకాలమంతా

నేను యెహోవా మందిరంలో నివసించాలని కోరుతున్నాను.

5 ఆపద సంభవించిన దినాన

ఆయన తన ఆశ్రయంలో నన్ను క్షేమంగా ఉంచుతారు;

తన పవిత్ర గుడారంలో ఆయన నన్ను దాచిపెడతారు,

ఎత్తైన బండ మీద నన్ను నిలుపుతారు.

50 నా శ్రమలో నా ఆదరణ ఇదే:

మీ వాగ్దానం నన్ను బ్రతికిస్తుంది.

11 ఆయన దీనావస్థలోనున్న వారిని పైకి లేపుతారు,

దుఃఖపడేవారిని క్షేమానికి లేవనెత్తుతారు.

29 అందుకు యేసు, "నేను మీతో నిజంగా చెప్తున్నాను, నా కోసం సువార్త కోసం ఎవరైతే తమ ఇంటిని, సహోదరులను, సహోదరీలను, తల్లిని, తండ్రిని, పిల్లలను, పొలాలను విడిచిపెడతారో, 30 వారు హింసతో పాటు ఇండ్లను, సహోదరులను, సహోదరీలను, తల్లులను, పిల్లలను, పొలాలను ఈ ప్రస్తుత యుగంలో రానున్న యుగంలో నిత్యజీవాన్ని వందరెట్లు పొందుకొంటారు.

16 మీతో ఎల్లప్పుడు ఉండేలా మరొక ఆదరణకర్తను మీకు ఇవ్వమని, నేను తండ్రిని అడుగుతాను. 17 ఆయన సత్యమైన ఆత్మ. ఈ లోకం ఆయనను చూడలేదు తెలుసుకోలేదు, కాబట్టి ఆయనను అంగీకరించదు. కానీ మీకు ఆయన తెలుసు, ఎందుకంటే ఆయన మీలో జీవిస్తున్నాడు మీలో ఉంటాడు. 18 నేను మీ దగ్గరకు వస్తాను, మిమ్మల్ని అనాధలుగా విడిచిపెట్టను.