4 Той, у каго рукі невінаватыя і чыстае сэрца, не прысягаў хто душою сваёю напуста і не бажыўся хлусьліва,

1 Псальма Давідава.

Цябе, Госпадзе, заклікаю: цьвярдыня мая! ня будзь бязмоўны са мною, каб пры маўчаньні Тваім ня стаўся я падобным да тых, што ў магілу сыходзяць.

9 і Ён будзе судзіць сьвет па праўдзе, па справядлівасьці суд над народамі ўчыніць.

4 Аддай ім паводле іхніх дзеяў, паводле ліхіх учынкаў іхніх; паводле дзеяў іхніх рук ім аддай; аддай ім, што заслужылі яны.

5 За тое, што не зважаюць на дзеі Гасподнія і на справы рук Ягоных, Ён іх разбурыць і ня збудуе іх.

5 і будуць баяцца Цябе, пакуль будуць сонца і месяц, у роды родаў.

8 Гасподзь Сам пойдзе перад табою, Сам будзе з табою, не адступіцца ад цябе і не пакіне цябе; ня бойся і не жахайся.

22 ня бойцеся іх, бо Гасподзь, Бог ваш, Сам змагаецца за вас.

9 Вось Я загадваю табе: будзь цьвёрды і мужны, ня бойся і не жахайся; бо з табою Гасподзь Бог твой усюды, куды ні пойдзеш.

11 прыніжаных ставіць на вышыню, і гаротнікаў узносіць у выратаваньне.

16 А Сам Гасподзь наш Ісус Хрыстос і Бог і Айцец наш, Які палюбіў нас і даў уцеху вечную і надзею добрую ў мілаце,

4 Дабрашчасныя тыя, што плачуць, бо яны суцешацца.

6 Дык вось упакорцеся пад моцнай рукою Божай, хай узьнясе вас у свой час;

7 усе клопаты вашыя ўскладзеце на Яго, бо Ён дбае пра вас.

24 Калі ляжаш спаць, ня будзеш баяцца; і як засьнеш, сон твой салодкі будзе.

1 Усё мае сваю пару, і гадзіна кожнае дзеі - пад небам.

2 Ёсьць пара нарадзіцца, і пара памерці, пара насаджаць, і пара вырываць пасаджанае.

3 Пара забойства, і пара гаеньня; пара разбураць, і пара будаваць;

4 пара плачу, і пара весялосьці; пара бедаваць, і пара танцаваць;

5 пара раскідаць камяні, і пара зьбіраць камяні; пара абдымаць, і пара ўхіляцца абдоўмаў;

6 пара шукаць, і пара губляць; пара ашчаджаць, і пара выкідаць;

7 пара разьдзіраць, і пара зашываць; пара маўчаць, і пара прамаўляць;

8 пара кахаць, і пара ненавідзець; пара вайне, і пара міру.